এন.এস.এস., এন.সি.সি., এন.ৱাই.কে.এস. অমসুং উন্নৎ ভারত অভিয়ান (য়ু.বি.এ.)গী ভোল্যুন্তীয়রশিংগী খুত্থাংদা সিক্সা পর্ব থৌরাংগী মখাদা ঙসি এজুকেসন মন্ত্রালয়না নেস্নেল এজুকেসন পোলিসীগী এৱ্যেরনেস পীনবা নেস্নেল ৱেবিনার অমা শিনখ্রে। ঙাকশেল মন্ত্রী শ্রী রাজনাথ সিংহনা ৱেবিনার অসিগী অথোইবা মীথুংলেন ওইখি। কেন্দ্রগী এজুকেসন মন্ত্রী শ্রী রামেশ পোখ্রিয়ল ‘নিশঙ্ক’; য়ুথ এফিয়র্স অমসুং স্পোর্তসকী (ইন্দিপেন্দেন্ত চার্জ) রাজ্যগী মন্ত্রী শ্রী কিরেন রিজিজু; এজুকেসনগী রাজ্যগী মন্ত্রী, শহরী সঞ্জে ধোত্রেনা থৌরম অসিদা শরুক য়াখি।, ঙাকশেল মন্ত্রালয়গী সেক্রেতরী, শ্রী এজে কুমার; সেক্রেতরী হায়র এজুকেসন শ্রী এমিৎ খারে; সেক্রেতরী, স্কুল এজুকেসন এন্দ লিতরেসী, শ্রীমতি এনিতা করৱাল; সেক্রেতরী, য়ুথ এফিয়র্স এন্দ স্পোর্তস, শ্রীমতি উশা শর্ম; চ্যেরমেন, য়ুনিবর্সিতী গ্রান্তস কম্মিসন, প্রোফেসর দি.পি. সিংহ; তোঙান তোঙানবা য়ুনিবর্সিতীশিংগী ভাইস চাঞ্চেলরনা থৌরম অসিদা শরুক য়াখি। ভর্চ্যুল মীদিয়মগী খুত্থাংদা লৈবাক অসিগী মফম কয়াদা লৈরিবা নেস্নেল কেদেৎ ক্রোপ্স (এন.সি.সি.), নেস্নেল সর্ভিস স্কিম (এন.এস.এস.), নেহরু য়ুবা কেন্দ্র সঙ্গাথন অমসুং উন্নৎ ভারত অভিয়ানগী ভোল্যুন্তীয়রশিংনা য়াওখি।

শরুক য়ারিবশিংদা ৱা ঙাংলদুনা ঙাকশেল মন্ত্রীনা হায়খি অনৌবা এজুকেসন পোলিসী অসি ভারতকী ইতিহাস্তা অহানবা পোলিসীনি, মসিদা ওনলাইন, মখোঙদগী অমসুং জাতিগী থাক্কী খোঙথাংশিং য়াওবা মখল কয়াদা কান্নবা অমদি মখল কয়াগী স্তেকহোল্দরশিং তান্নদুনা থবক লৌখৎকনি। অহৌবা থাক্তা গ্রাম পঞ্চায়তশিং, ব্লোকশিং, অর্বান বোদীশিং, জিলা অমসুং রাজ্যশিং/য়ুনিয়ন তেরিতরীশিংগা পুন্না তান্নখি। মহাক্না মখা তারদুনা হায়খি এন.ই.পি. অসি শেম্বা মতমদা ওজা, একাদমিসিয়ন, মমা-মপা অমসুং এজুকেসনগা মরী লৈনবা অতোপ্পা স্তেকহোল্দরশিং লাখ ২ হেনবনা পীবা পাউতাকশিং অদু লৌখি। পোলিসী অসিনা স্কুল অমসুং হায়র এজুকেসন্দা অহোংবা কয়া পুরক্তুনা মহৈরোয়শিংগী অপুনবগী চাউখৎ থৌরাংদা কান্নবা ফংহল্লগনি। নেস্নেল এজুকেসন পোলিসী অসিনা প্রধান মন্ত্রী শ্রী নরেন্দ্র মোদীগী ‘মরোমদোম লেপ্পা ঙম্বা ভারত’ অমা ওইহন্নবা মঙজবা মঙলান অদু মঙ ফাওনবা ঙম্লগনি হায়না মহাক্না ফোঙদোকখি।

ঙাকশেল মন্ত্রীনা হায়খি পোলিসী অসিগী মখাদা রাজ্য সরকারনা মিদল অমসুং হায় স্কুলশিংদা এন.সি.সি. ৱিং হাংদোক্নবা প্রোবিজন অমসু য়াওরি। মহাক্না মখা তারদুনা হায়খি মদুদি হায়র এজুকেসন্দা লৈরিবা মল্তিপল এন্ত্রী এন্দ একজিৎ স্কিম অসিনা মরক্তা লাইরিক তম্বা তোকখিবা নহাশিংদা কান্নবা ফংহল্লগনি। খোঙথাং অসিনা লৈবাক অসি শেবা তৌবগী মথক্তা মহৈ তম্বা পাম্লিবা ঐখোয়গী আর্ম ফোর্সশিংদা লৈরিবা লান্মীশিংদা চাউনা কান্নবা ফংহল্লগনি।মহাক্না হায়খি রিসোর্স অসি হেনগৎহন্নবা স্কুলশিংদা মখোয়না লৈরিবা মফম অদুগী মশক নাইরবা মীওইশিং নত্রগা এক্সপর্তশিং অসি ‘স্পেসিএল ত্রেনরশিং’ ওইনা থমহল্লগনি। হীরম অসিদা থবক্তগী পোত্থরবা ওজাশিং অমসুং আর্মী ওফিসরশিংনা মখোয়গী মনাক নকপা স্কুলশিংদা থবক তৌদুনা লৈবাক অসি শেমগৎপদা মতেং পাংলগনি।

ঙাকশেল মন্ত্রীনা ময়াম্না হায়নবা করিগুম্বা অদোম্না চারোলশিং অসি ফগৎহনবা পাম্লবদি অদোম্না এজুকেসন্দা ইনভেস্ত তৌগদবনি হায়না পনখি। মহাক্না মখাতানা হায় ভারত অসি মালেমগী খ্বাইদগী নহা ওইরিবা লৈবাকশিংগী মরক্তা অমনি অমসুং নহাশিং অসি লৈবাক শেমগৎপদা অচৌবা পান্দমশিং ফংনবা ঐখোয়গী পাঙ্গলনি। মসিগী থৌরম অসিনা হৌজিক ওইরিবা ইসুশিংদা লৈবাক অসিগী নহাশিংগী মরক্তা এৱ্যেরনেস পীবদা মরুওইবা লিঙ্ক অমা ওইরগনি হায়না মহাক্না থাজবা থমখি। মহাক্না হায় নহাশিংগী মতেংনা অপুনবা এজুকেসন সিস্তেম অসি হেন্না মপুংফাবা ওইহল্লগনি।

নেস্নেল এজুকেসন পোলিসী অসি অফবা ৱাখল খনবা অমদি ভারতপু ‘লৌশিংগী পুকৈ’ অমা ওইহন্নবা হোৎনবগী অপুনবনি হায়না শ্রী পোখ্রিয়লনা হায়খি। এন.ই.পি. অসি পোলিসী দোক্যুমেন্ত অমখক্তা নত্তে মসি ভারতকী মীয়ামগী অপাম্বশিংগী মমি অমনি। মসিগী পোলিসী অসি পুম্নমক য়াওরবা অমসুং অশানবা মিৎয়েং অমসুং তুংদা লৈবাক অসি খুমাং চাউশিনহনবদা অচৌবা থৌদাংসু লৌগবা অমনি হায়না মহাক্না মখা তাখি।

শ্রী পোখ্রিয়লনা হায় নেস্নেল এজুকেসন পোলিসী ২০২০না হৌজিক ওইরিবা এজুকেসন সিস্তেমদা পোজিতিব ওইবা অহোংবা অমা পুরক্কনি অমসুং তুংদা লাক্কদবা অৱাবশিং কোকহনবা ঙমগনি। এন.ই.পি.না মরুওইনা সমাজদা অমসুং শেন্মীৎলোন্দা শোত্থরবা কাংলুপশিংগা লোয়ননা মহৈরোই খুদিংমক্তা চপ মান্নবা ক্বালিতী এজুকেসন ফংহনগনি হায়না মহাক্না মখা তাখি।

শ্রী পোখ্রিয়লনা মিনিস্ত্রী ওফ য়ুথ এফিয়র্স এন্দ স্পোর্তসতা তোঙান তোঙানবা নহাশিংগী প্রোগ্রামশিংগা মরি লৈনবা ভারতকী নহাশিংবু মশা মথন্তা ইথিল পীহন্নবা সুপরপাৱর অমা লৈ হায়না ফোঙদোকখি। এন.ই.পি.গী এম্বাসেদর অমা ওইনা নহাশিংনা মখোংদগী নেস্নেল এজুকেসন পোলিসী ২০২০গী এৱ্যেরনেস পীবদা চাউনা মতেং পাংগনি। এজুকেসন পোলিসী অসি মাই পাক্না ইমপ্লিমেন্ত তৌনবা এজুকেসন মন্ত্রালয় অমসুং মিনিস্ত্রী ওফ য়ুথ এফিয়র্স এন্দ স্পোর্তস অপুনবা লুচিং মখাদা ৱেবিনার অসি শিনবগী মহাক্না হরাউবা ফোঙদোকখি। এন.ৱাই.কে.এস., এন.এস.এস., এন.সি.সি. অমসুং উন্নৎ ভারত অভিয়ানগী কো-ওর্দিনেতরশিংনা ভারতকী নহাশিংগী অপাম্বশিংগী মতুং ইন্না শেম্বা মসিগী এজুকেসন পোলিসী অসি মাই পাক্না ইমপ্লিমেন্ত তৌবদা মরুওইবা থৌদাং লৌগনি হায়না মহাক্না থাজবা থম্মি।

শরুক য়ারিবশিংদা ৱা ঙাংলদুনা শ্রী কিরেন রিজিজুনা হায় নেস্নেল এজুকেসন পোলিসী-২০২০না নহাশিং মসিগী রিকমেন্দেসনশিংগী ময়াইদা থম্মে। হীরম অমদা মসিগী পোলিসী অসিনা লৈবাক শেমগৎপদা নহাশিং চাউনা শরুক য়ানবা দিমান্দ তৌরি। নেস্নেল এজুকেসন পোলিসী-২০২০গী মখাদা মহৈরোয়শিংনা অপাম্বা সবজেক্তশিং খনবা চাউনা য়াহল্লগনি হায়না মহাক্না থমখি। আর্তস অমসুং সাইন্সকী মরক্তা অমসুং করিকুলম অমসুং স্পোর্তসকুম্বা এক্সত্রা করিকুলমগী লমদা অমসুং ভোকেস্নেল অমসুং একাদেমিক স্ত্রীমশিংগী মরক্তা তোঙান তোঙান্না খায়দোক্লরোই। মসিগী ক্রোস-করিকুলম এজুকেস্নেল এপ্রোচ অসিনা অঙাংশিং হীরম খুদিংমক্তা ফগৎহল্লগনি। মিনিস্ত্রী ওফ য়ুথ এফিয়র্স এন্দ স্পোর্তসনা এজুকেসন মন্ত্রালয়গী খুৎশক্নরগা মাইকৈ অসিদা চৎনবা কন্না হোৎনরি।

শ্রী রিজিজুনা মখাতানা হায় নহাশিং অসি লৈবাক্কী য়ুম্বীনি অমসুং মখোয়না লৈবাক অসি মাই পাকপগী লম্বেলদা পুগনি। লৈবাক অসিগী তোঙান তোঙানবা সোসিএল, চৎন-লোনচৎ অমসুং তেক্নোলোজীগী মথৌতাবশিংগা লোয়ননা আর্তস, লোনশিং অমসুং য়েলহৌঙৈগী চৎনবীশিংগী মরমদা ভারতকী নহাশিংদা খংহনবা হায়বসি য়াম্না মরুওই। অনৌবা এজুকেসন পোলিসী এৱ্যেরনেস পীবদা নহাশিং শিজিন্নবনা এজুকেসন সেক্তরদা চাউনা অওনবা পুরক্কনি। মসিগী মীয়েং অসিগী মতুং তারকপদা এজুকেসন মন্ত্রালয়না শিক্সক পর্বগী মখাদা অনৌবা এজুকেসন পোলিসী-২০২০দা নেস্নেলগী থাক্তা ৱেবিনার সিরিজ অমা হৌদোকখ্রে অমসুং এন.ই.পি.গী তোঙান তোঙানবা লমশিংদা খন্ননবা লৈবাক অসিগী প্লেৎফোর্ম অমা পীখ্রে। মহাক্না হায় ঙসিগী ৱেবিনার অসিসু এজুকেসন পোলিসীগী তোঙান তোঙানবা প্রোভিজনশিংগী মতাংদা নহাশিংদা খংহন্নবা মসিগী ৱেবিনার সিরিজ অসিগী শরুক অমনি।

লোয়শিনবগী ৱারোল পীরদুনা শ্রী ধোত্রেনা এউকেসনগী লমদা পুক্নিং চংনা শরুক অমসুং ৱাখল্লোন কয়া ফোঙদোকপগী ঙাকশেল মন্ত্রী রাজনাথ সিংহবু থাগৎপা ফোঙদোকখি। মহাক্না থৌরম অসিদা শরুক য়াখিবা এজুকেসন মন্ত্রী শ্রী রামেশ পোখ্রিয়ল “নিশঙ্ক’, এম.ও.এস. (আই/সি) শ্রী কিরন রিজিজু অমসুং অতোপ্পা দিগনিতরীশিংসু থাগৎপা ফোঙদোকখি।

থৌরম অসিদা ‘ৱেব রিসোর্সেস ফোর এন.এস.এস., এন.সি.সি., এন.ৱাই.কে.এস. অমসুং য়ু.বি.এ. ভোলু্তিয়র্স ফোর দিসিমিনেসন ওফ ইনফোর্মেসন ওন ন্যু এজুকেসন পোলিসী ২০২০’ হায়বা হেনবুক অমসু লোঞ্চ তৌখি।

হেন্দবুক অসি য়েংনবা মসিদা নম্বীয়ু

*****

(Release ID: 1655425) Visitor Counter : 106