লৈবাক অসিগী খ্বাইদগী মনুং হুঞ্জিনবা মফমশিং য়াওনা থিমদা য়ুম্ফম ওইবা তুরিজমগী মচাক-মথুমশিং শেমগৎনবা তুরিজম মিনিস্ত্রিনা শ্বাদেস দর্সন স্কিম ফোর ইন্তেগ্রেতেৎ দিবলপমেন্ত হৌদোকখ্রে। লৈবাক অসিগী খুঙ্গংগী তুরিজমগী খুদোংচাবশিং খঙলদুনা, স্কিম অসিগী মখাদা শেমগৎনবা সর্কুইত ১৫, রুরেল সর্কুইত হায়না মিনিস্ত্রিনা মশক খঙদোকলে।

শ্বাদেস দর্সন স্কিমগী পান্দমশিংগী মনুংদা লৈকাইগী মীওইশিং মপুংফানা শরুক য়াহন্দুনা থবক ফংহনবা অমসুং লমদম অমা চাউখৎনবা অমসুং লায়রবশিং য়াইফনবা তুরিজম য়োকখৎপা য়াওরি।

শ্বাদেস দর্সন স্কিমগী মখাদা রুরেল সর্কুইত শেমগৎনবা প্রোজেক অনিগী লুপা করোর ১২৫.০২ মিনিস্ত্রনা কাইথোকথোকখ্রে। হায়রিবা প্রোজেকশিং অদুদি :

১. শেনবা চহি ২০১৭-১৮ মনুংদা, বিহারদা লুপা করোর ৪৪.৬৫ চঙনা “বিতিহারৱা-চান্দ্রহিয়া-তুরকাওলিয়া” শেমগৎপা

২. শেনবা চহি ২০১৮-১৯ মনুংদা, কেরলাদা লুপা করোর ৮০.৩৭ চঙনা “মালানাদ মালবার ক্রুইজ তুরিজম” শেমগৎপা অসিনি।

অসিগুম্বা প্রোজেকশিং পায়খৎনবা তুরিজমগী মরী লৈনবশিং পুক্নিং থৌগৎনবা “খ্বাইদগী ফবা খুঙ্গং/লৌউ-শিংউ/পাম্বী থাবগী তুরিজম প্রোজেকশিং”গী কাংলুপতা নেসনেল তুরিজম এৱার্দ অমসু মিনিস্ত্রিনা লিংখৎলে।

রুরেল দিবলপমেন্ত মিনিস্ত্রিনা হায়রি মদুদি মখোয়গী শ্যাম প্রসাদ মুখর্জিরুরবান মিসনগী পান্দম মখাদা সহরদা ফংলিবা খুদোংচাবশিং অদু ফংহন্দুনা খুঙ্গংগী মীয়ামগী পুন্সি মহিংগী ফজবা ঙাক্তুনা খুঙ্গংশিংগী অপুনবা কাংলুপ
অমা শেমগৎতুনা “রুরবান খুঙ্গংশিং”গী ক্লস্তর অমা শেম্লে।

মিসন অসিগী মখাদা রাজ্য ২৮ অমসুং য়ুনিয়ন তেরিতোরি ৮দা ক্লস্তর ৩০০ শেমগৎলে। রুরবান ক্লস্তরশিং শেমগৎনবা পান্দমশিংগী মনুংদা তুরিজম অসি অমনি। শ্যাম প্রসাদ মুখর্জিরুরবান মিসনগী মখাদা পায়খৎলিবা থবকশিংগী মনুংদা তুরিজমগা মরী লৈনবা থবক ২১ য়াওরি। 

রুরেল দিবলপমেন্ত মিনিস্ত্রিনা মখা তানা হায়খি মদুদি রাজ্যশিং/য়ু.তিশিং ২৬কী গ্রাম পঞ্চায়ৎশিংদা তুরিজমগা মরী লৈনবা রুরবান ক্লস্তর ৬৭ শেমগৎনবা পান্দম থম্লে।

মসিগী ৱাফম অসি ঙসি কলচর অমসুং তুরিজমগী রাজ্য মন্ত্রী(ইন-চার্জ) প্রাহলাদ সিংহ পতেলনা রাজ্য সভাদা অইবা ওইনা পীবা পাউখুম অমদা ফোঙদোকখিবনি।

*****

(Release ID: 1654844) Visitor Counter : 106