প্রধান মন্ত্রী শ্রী নরেন্দ্র মোদীনা ময়াই তাঙবল লৌখিবা কেন্দ্রগী মন্ত্রীমন্দলনা পব্লিক প্রাইভেৎ পার্তনর্শিপ (পি.পি.পি.)দগী এয়র্পোর্ত ওথোরিতী ওফ ইন্দিয়া (এ.এ.আই.)গী এয়রপোর্ত অহুম-জয়পুর, গুৱাহতী অমসুং তিরুবনন্থপুরমগী লিজগীদমক্তা পুখৎলকপা ৱাফম অয়াবা পীখ্রে।

কেন্দ্রগী মন্ত্রীমন্দলনা এম./এস. অদানী ইন্তরপ্রাইজেজ লিমিতেদকী এপরেসন, মেনেজমেন্ত অমসুং দিভেলপমেন্তকীদমক্তা এয়রপোর্ত ওথোরিতী ওফ ইন্দিয়াগী এয়র্পোর্ত অহুম জয়পুর, গুৱাহতী অমসুং তিরুবনন্থপুরমদা এয়রপোর্ত ওতোরিতী ওফ ইন্দিয়ানা চহি ৫০গী ওইনা পাংথোকখিবা গ্লোবেল কম্পিতিতিব নিলামদা মায় পাক্লবা নিলাম ওকপা ওইনা লাউথোকখিবা লীজ পীনবগী অয়াবা পীখি। 

মসিগী প্রোজেকশিং অসিনা পব্লিক সেক্তরদা মথৌ তাবা ইনভেস্তমেন্ত অসি কান্নবা হেনগৎহনবদা নত্তনা সর্ভিস দেলিভরী, এক্সপর্তাইজ অমসুং প্রোফেস্নেলিজম অসি অথোইবা মওং ওইহনগনি।

বেকগ্রাউন্দ:

সরকারনা চাউরাক্না চহী তরারোমগী মমাংদগী ওপরেসন, মেনেজমেন্ত অমসুং দিভেলপমেন্তকীদমক্তা পব্লিক সেক্তর পার্তনরশিপ্তা এয়রপোর্ত ওথোরিতী ওফ ইন্দিয়াদা দিল্লী অমসুং মুম্বাই এয়র্পোর্তশিংদা লিজ পীথোকখি।

পি.পি.পি.গী চাংয়েংশিংনা মালেমগী থাক্কী এয়রপোর্তশিং অসি ওইহনবদা অমসুং এয়রপোর্ত পেসেঞ্জরশিংদা নিংথিবা থবক পাংথোকপা ঙম্বা অমসুং অফবা সর্ভিসশিং ফংহনবদা মতেং পাংখিদুনা মসিনা  এ.এ.আই.দা রিভিন্যুশিং হেনগৎহনবদা অমসুং লৈবাক অসিগী অতৈ মফমশিংদা এয়রপোর্তশিং অমসুং নেভিগেসন ইনফ্রাস্ত্রকচরশিং ফগৎহনবদা মীৎয়েং থম্নবা মতেং পাংলি। পি.পি.আই.গী পার্তনরশিংদগী এ.এ.আই.দগী ফংবা রিবিন্যশিংনা তায়র-২ অমসুং তায়র-৩গী সহরশিংগী ইনফ্রাস্ত্রকচরগী খুদোংচাবশিং অসি শেম্বদা অমসুং মাগী এয়রপোর্তশিং অসি ইন্তরনেস্নেলগী থাক্তা পুখৎপা ঙমহনখি। এয়রপোর্ত সর্ভিস ক্বালিতী(এ.এস.ক্যু)গী মতাংদা ভারত্তা পি.পি.পি. এয়রপোর্তশিং অসিদা মখোয়গী মরি লৈনবা রেঙ্কশিংদা এয়রপোর্ত কাউন্সিব ইন্তরনেস্নেল(এ.সি.আই.)দগী লেপ্তনা মকোক থংবা ৫গী মফম ফংহনখি।

মরম অসিনা সরকারনা পব্লিক প্রাইভেৎ পার্তনর্শিপ এপ্রাইজেল কমিতী(পি.পি.পি.এ.সি.)গী মখাদা ওপরেসন, মেনেজমেন্ত অমসুং দিভেলপমেন্তকী ওইনা এ.এ.আই.গী অহেনবা এয়রপোর্তশিংদা লিজ পীনবা ৱারেপ লৌখ্রে। পি.পি.পি.এ.সি.গী স্কোপকী ৱাংমদা থোক্লকপা ৱাফম খুদিংমক্কী ৱারেপ লৌনবা সরকারনা এম্পৱর্দ গ্রুপ ওফ সেক্রতরীজ(ই.জি.ও.এস.) অমসু শেমখি।  .

পি.পি.পি.এ.সি.না ত্রাঞ্জেক্সনগী চাং-চাংশিংসু অয়াবা পীখি। নিলাম লাউখিবগী চত্থবা থবক পুম্নমক নিতী আয়োগ, শেল-থুম মন্ত্রালয়গী এক্সপেন্দিচর বিভাগ অমসুং ইকোনোমিক এফেয়র্স বিভাগ(দি.ই.এ.)কী মীহুৎশিং য়াওবা ই.জি.ও.এস.না পাংথোকখি।

এয়রপোর্ত ওফ ওথোরিতী ওফ ইন্দিয়ানা তোকখিবা গ্লোবেল কম্পিতিসন নিলামদগী ১৪.১২.২০১৮তা পুখৎনবা ৱাফমগীদমক্তা পেসেঞ্জর ফীগী নিলামগী পেরামিতরগী ওইবা হায়জবগী চেপাও অমা থোকখি।  তেক্নিকেল নিলামশিং অদু ১৬.০২.২০১৯দা হাংদোকখি অমসুং মতিক চাবা নিলাম ওকপশিংগী নিলামগী শেলশিং অদু ২৫.০২.১৯/২৬.০২.২০১৯দা হাংদোকখি। এম./এস. অদানী ইন্তরপ্রাইজেজ লিমিতেদনা এয়রপোর্ত অহুম্মক হায়বদি জয়পুর, গুৱাহতী অমসুং তিরুবনন্থপুরমগী ওইনা পেসেঞ্জর খুদিংদা খ্বাইদগী য়াম্বা ফী কোত্তিং তৌদুনা নিলাম খুদিংমক থোইবা ঙমখি।

******