અમદાવાદ સીજીએચએસ સ્વાસ્થ્ય કેન્દ્રના સહાયક નિદેશક ડૉ. રાજેશ કુમારે આજે સીજીએચએસ સ્વાસ્થ્ય કેન્દ્ર ક્રમાંક 5ના નવા પરિસરનું ઉદઘાટન કર્યું હતું. ભારતના શ્રેષ્ઠ સીજીએચએસ સ્વાસ્થ્ય કેન્દ્રોમાંના એક એવા આ સ્વાસ્થ્ય કેન્દ્રમાં મૂળભૂત માળખાગત અને આરોગ્યસંભાળ સુવિધાઓનું આયોજન કરવામાં આવ્યું છે.

આ સીજીએચએસ સ્વાસ્થ્ય કેન્દ્ર ક્રમાંક 5ને 4 ઓગસ્ટના રોજ મેઘાણીનગરથી નરોડા સ્થળાંતરીત કરવામાં આવ્યું છે. આ નવા પરિસરનું સરનામું :- “પહેલો માળ, મેડીકન આર્કેડ, ગેલેક્સી પેટ્રોલ પંપ સામે, નરોડા, અમદાવાદ”

તમામ સીજીએચએસ લાભાર્થીઓને શ્રેષ્ઠ આરોગ્ય સુવિધાઓ પ્રદાન કરવાના હેતુથી આ નવા પરિસરનું ઉદ્ઘાટન કરવામાં આવ્યું છે. સીજીએચએસ સ્વાસ્થ્ય કેન્દ્ર એ કેન્દ્ર સરકારના કર્મચારીઓ માટે તબીબી સેવા પૂરી પડતી સંસ્થા છે, જેમાં સીજીએચએસ કાર્ડ ધરાવનાર તમામ કેન્દ્રીય કર્મચારીઓ અને તેમના પરિવારજનોને સીજીએચએસની તબીબી સેવાનો લાભ મળે છે.

(Release ID: 1643560)