হকশেল অমসুং য়াইফ-য়ুম্বাল মন্ত্রালয়

নেস্নেল সেন্তর ফোর দিজিজ কন্ত্রোল (এন.সি.দি.সি.), এম.ও.ঐচ.এফ.দবল্যু.না জুন ২০২০দা দিল্লীদা সেরো-প্রিবলেন্স স্তদী পাংথোকখ্রে

Posted On: 21 JUL 2020 12:17PM by PIB Imphal

হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.)না দিল্লীদা সেরো-সর্বেলিএন্স স্তদী অমা হৌদোকখ্রে। 
মসিগী স্তদী অসি নেস্নেল সেন্তর ফোর দিজিজ কন্ত্রোল (এন.সি.দি.সি.)না দিল্লীগী নেস্নেল কেপিতেল তেরিতরীগী সরকারগা খুৎশম্নদুনা পাক চাউবা মলতি-স্তেজ সেমপ্লিং স্তদী দিজাইন অমগী তুংদা পাংথোকখিবনি। 
স্তদী অসি জুন ২৭, ২০২০দগী জুলাই ১০, ২০২০ ফাওবা পাংথোকখি। 
দিল্লীগী জিলা ১১গী ওইনা সর্বে তিম অমমম শেমখি। খনগৎলবা মীওইশিংদগী মশাগী অয়াবা লৌরবা মতুংদা ঈগী শেম্পল লৌখি অমসুং মখোয়গী সেরাশিং অসি ইন্দিয়ন কাউন্সিল ফোর মেদিকেল রিসর্চ (আই.সি.এম.আর.)না অয়াবা পীরবা কোবিদ কবচ এলাইজা শিজিন্নদুনা আই.জি.জি. এন্তিবোদিশিং অমসুং শোকহনবা য়াওবরা হায়বগী চাংয়েং তৌখি। মসিগী চাংয়েং অসিনা লৈবাক অসিদা এলাইজা তেস্তিং শিজিন্নদুনা পাংথোকপা খ্বাইদগী চাউবা সেরো-প্রিবলেন্স স্তদীনি। 
লেবকী স্তেন্দর্দকী মতুং ইন্না সেম্পল ২১,৩৮৭ লৌখৎত্তুনা চাংয়েং তৌখি। তেস্ত তৌখিবা অসিনা মীয়ামগী ওইবা মীশিংদা এন্তিবোদিশিং য়াওবা খংদোকপদা তেংবাংখি। মসিগী তেস্তশিং অসি লাইওং খংদোক্নবা পাংথোকপা নত্তে তৌবতবু মসিনা পোজিতিব ওইবা মীওইশিংদা মমাংদা সারসকোভ-২না শোকহনখিবগী ৱারোল খংহনবা ঙম্মি। 
মতম মতমগী ওইনা এন্তিবোদী তেস্ত তৌবা, হায়বদি সেরো-সর্বেলিএন্স তৌবা, অসিনা মতম মতমগী ওইনা লায়চৎ শন্দোকপগী মওং নৈনবদা মরু ওইবা ৱারোল কয়া পীবা ঙম্মি। 
সেরো-প্রিবলেন্স তৌখিবা অসিনা দিল্লী পুম্বগী ওইনা চাংচত্তা ফংবা আই.জি.জি. এন্তিবোদী অসি ২৩.৪৮%নি হায়বা উৎলি। স্তদী অসিনা মহিক লৈবা মীওই কয়া অমা সিম্পতম উত্তে হায়বা তাক্লি। মসিনা মখাদা পীরিবশিং অসি তাকইঃ 
১) লায়চৎ অসিনা থা তরুক চংশিল্লকপা অসিদা মী য়াম্না কুংনা তাবা মফম কয়া লৈবা দিল্লীগী মীওই ২৩.৪৮% খক্তমক শোকহল্লি। খুদক্তা লোকদাউন তৌখিবা, নিংথিজনা কন্তেন্মেন্ত তৌবা অমসুং কন্তেক্ত ত্রেসিং অমসুং ত্রেক্কিং তৌবগী সরকারনা পায়খৎখিবা অতম্নবা থবকশিং অমসুং মীয়াম্না কোবিদকা মরী লৈনবা শাজৎশিং ইনখিবা অদুগী মরম্না হায়রিবা অসি ওইহনবা ঙম্লিবনি। 
২) তৌবতবু, মীশিং অসিগী য়াম্লবা মীয়াম অমদি লায়না অসিনা শোকহনবা য়ানা লৈরি। মরম মদুনা হৌজিক চত্থরিবা মওং অসিদা কন্তেন্মেন্ত তৌবগী থৌওংশিং অসি মখা চত্থগদবনি। অমগা অমগা লাপ্ননা লৈবা, ফেস্ক মাস্ক নত্ত্রগা কবর শিজিন্ননবা, হেন্দ হাইজিন তৌবা, লোক খুবদা চেকশিন থৌরাং লৌখৎপা অমসুং মীয়াম তিনবা মফমদা চত্তবনচিংবা নন-ফার্মাকোলোজিকেল ওইবা থৌওংশিং অসি মখা তানা চত্থগদবনি। 

 

***



(Release ID: 1640269) Visitor Counter : 40


Read this release in: English