ভারত সরকারগী মরুওইবা থৌরম ফিৎ ইন্দিয়ানা ঐখোয়গী লৈবাক্কী মকোকথোংবা শান্নরোই খরগা লোয়ননা ৱারী ৱাতাই শানবগী পরিং অমা হৌদোক্লি, মসিগী পান্দমদি স্কুলগী মহৈরোইশিংবু পুক্নিং থৌগৎপনি। ফিৎ ইন্দিয়া ৱারী ৱাতাই শানবা হায়না মিংথোনবা পরিংশিং অসি হয়েং জুলাই ৩দা কেন্দ্রগী হ্যুমেন রিসোর্স দিবেলপমেন্ত মন্ত্রী দা. আর.পি. নিশঙ্ক, কেন্দ্রগী য়ুথ এফিয়ার্স অমসুং স্পোর্তস মন্ত্রী শ্রী কিরেন রিজিজু, বেদমিনতন শান্নরোই পি.ভি. সিন্ধু অমদি ইন্দিয়ন ফুতবোল তিমগী স্কিপর সুনিল ছেত্রিনা শরুক য়াদুনা হৌদোক্কনি।

ফিৎ ইন্দিয়া ৱারী ৱাতাই শানবগী পরিং অসি স্পোর্তস ওথোরিতী ওফ ইন্দিয়া অমসুং মিনিস্ত্রী ওফ হ্যুমেন রিসোর্স দিবেলপমেন্তগা খুৎশম্নরগা পোংথোকপনি।

কেন্দ্রগী হ্যুমেন রিসোর্স দিবেলপমেন্ত মন্ত্রী দা. আর.পি. নিশঙ্কনা হায়খি, “ঐহাক্না শ্রী কিরেন রিজিজুদা প্লেৎফোর্ম অমগী থোংদা ঐখোয়গী শ্কুল অঙাংশিংগা দাইরেক্ত ওইনা ৱারী শাননবা হায়জখি অমদি মহাক্না মদু মপুং ফানা পাংতোকপদা নত্তনা পি.ভি. সিন্ধু অমসুং সুনিল ছেত্রিগুম্বা শক্নাইরবা শান্নরোইশিংবু ঐখোয়গী অহানবা সেসনদা য়াওহন্নবা ৱারেপসু লৌবীরে। ঐখোয় পুম্নমক জুলাই ৩দা প্রজেন্ত ওইগনি। অদোম্না হংনিংবা খুদিংমক হংবীরকপা য়াগনি অমদি ঐখোয়না নুমিদাং ৱাইরম পুং ৫গী সেসনদা পাউখুম পীগনি।”

মকোকথোংবা স্পোর্তস সেলেব্রিতী কয়ানা মখোয়গী অঙাং ওইরিঙৈগী এক্সপরিয়েন্সশিং, মখোয়না ইন্সপায়র ওইখিবগী ৱারীশিং, মখোয়না মায়থিখিবশিং, মখোয়না মায়োক্নখিবশিং অমসুং মখোয়না মায় পাকলকখিবগী ৱারীশিং লীদুনা তাহনগনি।

মসিদা জুলাই ১৪ ফাওবা চত্থগদবা অপুনবা সেসন ৬ লৈগনি। সেসন অসিদা বেদমিনতন স্তার অশ্বিনি পোন্নাপ্পা, ভারতকী নুপী হোক্কী তিমগী স্কিপর রানি রম্পাল, তেবল তেনিস স্তার মানিকা বাত্রা, শুতর অপুর্বি চান্দেলা অমসুং ইন্সপাইরেস্নেল পারালিম্পিয়ান দীপা মালিকসু শরুক য়াগনি।

থৌরম অসি শ্রী রমেশ পোখ্রিয়াল নিশঙ্ককী সোসিয়েল মীদিয়া পেজশিং, এম.ঐচ.আর.দি.গী সোসিয়েল মীদিয়া পেজশিং, ফিৎ ইন্দিয়া ফেসবুক অমসুং য়ু ত্যুব চেনেল, এস.এ.আই.গী ফেসবুক পেজ, মাইগোব য়ু ত্যুব চেনেল, স্পোর্তস তোল্ক য়ু ত্যুব চেনেল লোয়ননা দি.দি. স্পোর্তস তেলিভিজন অমসুং য়ু ত্যুব চেনেলদা শন্দোক্কনি।

এপ্রিল ১৫দগী ফিৎ ইন্দিয়ানা স্কুল মহৈরোইশিংগীদমক মকোকথোংবা ফিৎনেস এক্সপার্তশিংগা লোয়ননা এক্সক্লুসিব কন্তেন্ত সেসনশিং পাংথোক্লি। মখোয়শিং অসি স্কুল মহৈরোইশিংগীদমক অখন্ননা পাংথোকপনি।

***

(Release ID: 1637155) Visitor Counter : 82