ৱাতসএপকী গ্রুপশিংদা শন্দোরকপা অরানবা পাউ অমনা সরকারনা অয়াবা পীখিবগা লোয়ননা প্রজা খুদিংমক্তা রিলিফ ফন্দ ওইনা লুপা ২,০০০ লেম্না পীবা হৌখ্রে হায়না হায়রি। হায়রিবা শেনফম অদু খুদক্তা ফংনবা লিঙ্ক https://bit.ly/india-relief অসিদা ক্লিক অমুক্তং তৌবা মথৌ তাই হায়না মেসেজ অসিদসু হায়রি। লিঙ্ক অসিদা নম্বদা সর্ভে অমগী ৱাহং কয়া থোক্লকই, শেনফম অদু ফংনবা মসি মেনশিনবা মথৌ তারি হায়না মখা তানা হায়রি। লিঙ্ক অসি ওথেন্তিক ওইবা মান্নবা আশোকা য়াওবা লাই অমসু থোক্লকই।

ঐখোয়না খঙজিনগদবদি সরকারনা অসিগুম্বা রিলিফ ফন্দ অমত্তা অয়াবা পীখিবা নত্রগা হৌদোকখিবা লৈতে। মসি অরানবা অমসুং য়ুম্ফম য়াওদবা পাউনি। মথক্তা পনখ্রিবা অসিগী মওংদা সরকারনা শেনফম অমত্তা হাপখিবা লৈতে। আশোকাগী লাই শীজিন্নরিবা অসি মীয়ামবু নমথাক তৌনবনি। মীয়াম্না অসিগুম্বা অরানবা অমসুং ওথেন্তিক ওইদবা পাউ অসিদা থাজবিদনবা মীয়ামদা হায়জরি।

হন্দক মরক সোসিএল মীদিয়া অমসুং ৱাতসএপতা ওফিসিএল অমসুং অশেংবা ওথোরিতি লৈতবা অরানবা অমসুং য়ুম্ফম য়াওদবা পাউশিং শন্দোক্নবা প্লেৎফোর্ম অমা ওইরক্লি। অসিগুম্বা পাউ অসিনা তোকঙা অমসুং অরানবা পাউ শন্দোক্তুনা অকায়বা কয়া থোকহনবা য়াই। অসিগুম্বা প্লেৎফোর্মশিং শীজিন্নরিবা মীওইশিংনা অসিগুন্বা মেসেজশিং ফোর্ৱার্দ তৌরোইদবনি।

*****

(Release ID: 1635936) Visitor Counter : 129