তোঙান-তোঙানবা হিরম কয়া চাউখৎহন্নবা হন্দক লাউথোকখিবা অত্মা নির্ভর ভারত অভিয়ান পেকেজগী মতুংইন্না, লুপা ক্রোর ১৫০০০গী এনিমেল হসবেন্দরি ইনফ্রাস্ত্রকচর দিবলপমেন্ত ফন্দ(এ ঐচ আই দি এফ) লিংখৎপা প্রধান মন্ত্রীনা লুচিংবা কেবিনেৎ কমিতি ওন ইকনোমিক এফেয়ার্সনা অয়াবা পীরে।

দাইরি ইনফ্রাস্ত্রকচর চাউখৎহন্নবা সরকারনা স্কিম কয়া পায়খৎলে। অদুবু প্রোসেসিং অমসুং ভেলু এদিসন ইনফ্রাস্ত্রকচরদা এম.এস.এম.ইশিং অমসুং লনাই কম্পেনিশিং দরকার ওইবা মরম্না মখোয়গী মচাক-মথুমশিং শেমগৎপা দরকার ওইবা অদু সরকারনা খঙলে। ফন্দ অসিনা দাইরি অমসুং মিত প্রোসেসিংগী মচাক-মথুমশিং শেমগৎপা অমসুং লনাই কম্পেনিশিংনা শা-ষনশিংগী মচিঞ্জাক পুথোকপদা মতেং পাংগনি। ফার্মর প্রদুসর ওর্গনাইজেসনশিং, এম.এস.এম.ইশিং, সেক্সন ৮ কম্পেনিশিং, লনাই কম্পেনিশিং অমসুং লনাই ওন্ত্রেপ্রেনিয়রশিংনা চাদা ১০গী মার্জিন মনি পুথোক্তুনা স্কিম অসিগী কান্নবা লৌবা য়াগনি। লেমহৌরবা চাদা ৯০ অদু লোনগী শরুক ওইনা সেদুল বেঙ্কশিংনা ফংহনগনি।

ভারত সরকারনা বেনিফিসরিশিংদা চাদা ৩গী ইন্তরেস্ত সবভেন্সন পীগনি। প্রিন্সিপাল তার্ম লোনগী শেনফম চহি ২ লোন শিংলোই অমসুং মতুং তারকপদা চহি ৬ চংনা লোন শিংগনি।

নাবার্দনা শেন্নগদবা লুপা ক্রোর ৭৫০গী ক্রেদিৎ গরেন্তি ফন্দ ভারত সরকারনা লিংখৎলগনি। এম.এস.এম.ই মনুংচনবা সেঙ্কসন তৌরবা প্রোজেকশিংদা শেন্থং পীগনি। ফন্দ অসিনা শেন পুরিবা মীওই অমদা চাদা ২৫ ফাওবা শেন্থং পীগনি।

লনাই সেক্তরশিংগী খুৎথাংদা শেন থাদনবগী খুদোংচাবা কয়া মরাং কাইনা লৈরি। হায়রিবা প্রোজেকশিং অসিগী লনাই কম্পেনিশিংনা দরকার ওইবা শেনফমশিং লুপা ক্রোর ১৫০০০গী এনিমেল হসবেন্দরি ইনফ্রাস্ত্রকচর দিবলপমেন্ত ফন্দ অমসুং ইন্তরেস্ত সবভেন্সন স্কিমদগী ফংহনগনি অমসুং মসিনা ইনভেস্তরশিংগী শেন শিংখৎলকপদা মতেং পাংগনি। প্রোসেসিং অমসুং ভেলু এদিসন ইনফ্রাস্ত্রকচরদা শেন থাদবা অসিনা বেনিফিসরশিংনা মপান্দা পোৎ থাদোকপা হেনগৎহনগনি।

ভারত্তা পুথোক্লিবা দাইরিগী পোৎথোকশিংগী চাদা ৫০-৬০ লৌমীশিংদগী হকথেংননা লাকপা মরম্না মসিনা লৌমীশিংগী শেন্থোক হেনগৎহনবা ঙমগনি। দাইরি মার্কেতকী পাকচাউবা অমসুং শঙ্গোম য়োনবদগী লৌমীশিংনা শেন ফংবা অসি কোওপরেতিপ অমসুং লনাই দাইরি কম্পেনিশিং চাউখৎহনবদা নক্নবা মরী লৈনৈ। মরম অদুনা এনিমেল হসবেন্দরি ইনফ্রাস্ত্রকচর দিবলপমেন্ত ফন্দদা শেন থাদবদা মতেং পীবা অসিনা লনাই কম্পেনিশিং শেল থাদবা শরুক অনি ৭ হেনগৎহনবা খক নত্তনা লৌমীশিং শেল হেন্না থাদনবা পুক্নিং থৌগৎপদগী পোৎথোক হেন্না পুথোকপা ঙমহনগনি অমসুং লৌমীশিংগী শেন্থোক হেনগৎহনগনি। এনিমেল হসবেন্দরি ইনফ্রাস্ত্রকচর দিবলপমেন্ত ফন্দগী মখাদা ঙসি লাউথোক্লিবা থৌরাংশিং অসিনা হকথেংননা অমসুং নাকোইননা মীওই লাখ ৩৫ হেনবগী হিংনবা লম্বী পীরগনি।

*****