কমর্স অমসুং ইন্দস্ত্রী মন্ত্রালয়

সরকারনা ভারত্তা ইনবেস্তমেন্ত তৌবদা পুক্নিং চিংশিন্নবা মন্ত্রালয়শিংদা/বিভাগশিংদা “এম্পৱর্মেন্ত গ্রুপ ওফ সেক্রেতরিজ (ই.জি.ও.এস.)” অমা লিংখৎনবা অয়াবা পীখ্রে

ভারত্তা ইনবেস্তমেন্ত তৌবা হেনগৎহন্নবা ৱাফম থাঙ্গৎপা

মসিনা ভারত্তা অসি হেন্না ইনবেস্ত তৌনিংবা মফম অমা ওইহনগনি অমসুং ইনবেস্তরশিংবু মখা তানা অপনবা য়াওদনা লৈবাক অসিদা ইনবেস্ত তৌবা হেলহনগনি। মসিনা ঐখোয়গী ইরমগী ইন্দস্ত্রীশিং অসি হেন্না চাওখৎহনগনি

প্রধান মন্ত্রী নরেন্দ্র মোদীগী ৱাখল্লোন দোলর ত্রিলিয়ন ৫গী শেন্মিৎলোন অসি মপুং ফাহনবদা ই.জি.ও.এস. অমসুং পি.দি.সি. অসি মরুওইবা খোংথাং অমনি

ইনবেস্তমেন্তকা মরী লৈননা পুক্নিং থৌগৎনিংঙাই ওইবা পোলিসীশিংদা মন্ত্রালয়শিং/বিভাগশিংগী মরক্তা অমসুং কেন্দ্র অমসুং রাজ্য সরকারগী মরক্তা চুশিন্নহনগনি

শেন্মিৎলোন অমসুং তোঙান-তোঙানবা সেক্তরশিংদা হকথেংননা অমসুং নাকোইননা থবক্কী খুদোংচাবা অদু হেনগৎহন্নবা ইনোৎ অমা পীবা

Posted On: 03 JUN 2020 5:10PM by PIB Imphal

প্রধান মন্ত্রী নরেন্দ্র মোদীগী লীচিং মখাদা কেন্দ্রগী কেবীনেৎনা ভারত্তা ইনবেস্তমেন্ত তৌবদা পুক্নিং চিংশিন্নবা মন্ত্রালয়শিংদা/বিভাগশিংদা এম্পৱর্মেন্ত গ্রুপ ওফ সেক্রেতরিজ (ই.জি.ও.এস.) অমসুং প্রোজেক দিবেলপমেন্ত সেল্স (পি.দি.সি.) লিংখৎনবা অয়াবা পীখ্রেঅনৌবা মেকানিজম অসিনা ২০২৪-২৫ ফাওবদা ভারত অসি য়ু.এস. $ ত্রিলিয়নগী ৫গী শেন্মিৎলোন ওইবগী ৱাখল্লোন অদু ওইহনবদা মতেং পাংগনি।

সরকার অসিনা ইনবেস্ত তৌবদা নুংঙাইবা মফম অমা ওইহন্দুনা ইরমগী ইনবেস্তরশিংবু কন্না শৌগৎপগা লোয়ননা এফ.দি.আই. তৌহন্নবা অমসুং শেন্মিৎলোন অসি মখল কয়াদা হেনগৎহন্নবা লেপখ্রে। দি.পি.আই.আই.তি.না ইনবেস্তমেন্তকা মরী লৈননা পুক্নিং থৌগৎনিংঙাই ওইবা পোলিসীশিংদা মন্ত্রালয়শিং/বিভাগশিংগী মরক্তা অমসুং কেন্দ্র অমসুং রাজ্য সরকারগী মরক্তা চুশিন্নহনগদবা অপুনবা মওংগী লাল্লোং অমা চত্থহন্নবগী ৱাফম পুখৎখ্রে।

হৌজিক তমথিরবা কোবিদ-১৯ থোক্লিঙৈগী মতম অসিদা ভারতনা লৈবাক অসিদা এফ.দি.আই.শিংগী পুক্নিং চিংশিন্নবা মরু ওইনা মখোয়গী ইনবেস্তমেন্ত অদুগী মায়োন অদু ওন্থোক্তুনা মালেম অসিগী অতোপ্পা মফমশিংদা হোংদোক্নবা অমসুং অরুবশিং হন্থহন্নবা থীরিবা অচৌবা কম্পেনীশিংদগী খুদোংচাবা অদু চিংশিন্নবা থোরক্লি। মসিদা নত্তনা প্রদক্কী লাইনশিং হেনগৎহনবনা অমেরিকা, য়ুরোপিয়ন ইয়ুনিয়ন, চাইনা অমসুং অতৈ মফমশিংদা অচৌবা মার্কেৎকী থৌগল তৌবদা মতেং ফংগনি। মসিগী ৱাফম অসিগী পান্দমদি মালেমগী শেন্মিৎলোন্দগী ভারত অসি মালেমগী মমলগী পরিংদা লৈরিবা খ্বাইদগী অথোইবা শান্নরোইশিংগী মনুং চন্নবগীদমক্তা খুদোংচাবা লৌবা য়াগনি।

ভারতা ইনবেস্তমেন্তকীদমক্তা অমসুং শেন্মিৎলোনগী অথোইবা লমশিংদা চাওখৎহনবা ইনবেস্তরশিংবু তেংবাং অমসুং খুদোংচাবশিং পীনদবগীদমক মখাদা পীরিবা ৱাফমশিং অমসুং পান্দমশিং অসিগা লোয়ননা এম্পৱর গ্রুপ ওফ সেক্রতরিজ(ই.জি.ও.এস.)অমগী অয়াবা পীখ্রেঃ

  • কেবিনেৎ সেক্রেতরী (চেয়রপর্সন)
  • সি.ই.ও., নীতি আয়োগ (মীহুৎ)
  • সেক্রেতরী, দিপার্তমেন্ত ফোর প্রমোসন ওফ ইন্দস্ত্রী অমসুং ইন্তর্নেল ত্রেদ (মীহুৎ কনভেনর)
  • সেক্রেতরী, দিপার্তমেন্ত ওফ কম্মর্স (মীহুৎ)
  • সেক্রেতরী, দিপার্তমেন্ত ওফ রিভিন্যু (মীহুৎ)
  • সেক্রেতরী, দিপার্তমেন্ত ওফ ইকোনোমিক এফেয়র্স (মীহুৎ)
  • মরী লৈনবা দিপার্তমেন্তকী সেক্রেতরী (চুনবা খনগদবা)

ই.জি.ও.এস.কী পান্দমশিং:

  • তোঙান-তোঙানবা বিভাগশিং অমসুং মন্ত্রালয়শিংদা চুশিন্নহনবা অমসুং মতম চানা অয়াবশিং অদু লেপথোকপা
  • মালেমগী ওইবা ইনবেস্তরশিংবু ভারত্তা ইনবেস্ত তৌবা হেনগৎহন্নবা ইনবেস্তমেন্তকী তেংবাং পীবা অমসুং খুদোংচাবা পীবা।
  • তার্গেৎকী মওংদা অমসুং ইনবেস্ত তৌবগী মওং অদু অচেৎপা মওংদা অমসুং চেৎশিনহনবা অদু হৌদোক্নবগীদমক্তা মকোক থংবা ইনবেস্তরশিংদা খুদোংচাবা পীবা।
  • মখোয়গী (i) প্রোজেক শেম্বা (ii) ওইরক্কদবা চপ চাবা ইনবেস্তমেন্তশিংদা য়ুম্ফম ওইরগা ইনবেস্তমেন্তশিং অদু মমাংলোমদা চংশিনহন্নবা খংদোকপা। মখা তানা মসিগী বিভাগশিং অসিদা এম্পৱর গ্রুপ অসিনা তোঙান-তোঙানবা তাঙ্ককশিং মপুং ফানবা তার্গেৎশিং পীগনি।

কেন্দ্র সরকার অমসুং রাজ্য সরকারশিংগী মরক্তা তেংবাংনদুনা তৌবা ইনবেস্ত তৌবা য়াবা প্রোজেকশিং প্রোজেক দিবেলপমেন্ত সেল্স (পি.দি.সি) অমা শেম্বগী অয়াবা পীখ্রে। মসিনা ভারত্তা ইনবেস্ত তৌবা য়াবা প্রোজেকশিংগী মশিং হেনগৎহনগনি অমসুং এফ.দি.আই.গী খোংজেলসু হেনগৎহনগনি। সেক্রেতরীগী লমজিং মখাদা মরী লৈনবা কেন্দ্র মন্ত্রালয়গী ওফিসর অমবু ইনবেস্ত তৌবা য়াবা প্রোজেকশিংগা মরী লৈননা ৱাখল্লোন শেম্নবা, লাল্লোং য়াৎননবা, থবক পাংহন্নবা অমসুং দিতেলশিং অদু পি.দি.সি.তৌনবা থবক শিন্ননবা জোইন্ত সেক্রেতরীগী রেঙ্কতগী তাদবা অমনা পি.দি.সি. অসিগী ইন-চার্জ ওইগনি।

পি.দি.সি. অসিগী মখাদা পীরিবা পান্দমশিং অসি ওইগনিঃ

  • অয়াবা ফংলবা পুম্নমক এলোকেসনগীদমক ফংবা লম অমসুং ইনবেস্তরশিংদগী অয়াবা/ইনবেস্তমেন্তকীদমক মরীকলচুম্বা প্রোজেক শেম্বা।
  • ইনবেস্তমেন্তশিং অদু পুক্নিং চিংশিন্নবা অমসুং অরোইবা মওং শেম্নবগী পরিংদা য়াশিন্নবগী মথৌ তাবা অমসুং এম্পৱর গ্রুপকী মমাংদা থম্নবা অসিগুম্বা ৱাফমশিং মশক খংদোকপা।

মসিগী ৱারেপ অসিদগী ভারতনা ইনবেস্তরশিংনা নুংঙাইবা মফম অমগী মওংদা মমাং থানা থোরক্কনি অমসুং লৈবাক অসিদা ইনবেস্তকী খোংজেল অদু শৌগত্তুনা অমসুং লায়থোকহন্দুনা ইকাইখুম্নরবা প্রধান মন্ত্রীগী আত্মনির্ভর ভারত মিসন অদুবু পুক্নিং থৌগৎপা ঙমগনি। মসিদগী শেন্মিৎলোন অসিবু হেনগৎহনগনি অমসুং তোঙান-তোঙানবা সেক্তরদা মশিং য়াম্না হকথেংননা অমসুং নাকোইননা থবক ফংবগী খুদোংচাবা হেনগৎহনগনি।

*****



(Release ID: 1629288) Visitor Counter : 25