ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ମାର୍ଗଦର୍ଶନରେ ଭାରତ ସରକାରଙ୍କ କୃଷି, ସମବାୟ ଏବଂ କୃଷକ କଲ୍ୟାଣ ବିଭାଗ ଲକଡାଉନ୍ ସମୟରେ କ୍ଷେତରେ ଅର୍ଥାତ କୃଷି କ୍ଷେତ୍ରରେ କୃଷକଙ୍କ ସୁବିଧା ତଥା କୃଷି କାର୍ଯ୍ୟକଳାପକୁ ସୁଗମ କରିବା ପାଇଁ ଅନେକ ପଦକ୍ଷେପ ନେଉଛି । କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ ଶ୍ରୀ ନରେନ୍ଦ୍ର ସିଂ ତୋମର ନିୟମିତ ପରିସ୍ଥିତି ଉପରେ ନଜର ରଖିଛନ୍ତି । ମେ’ 10, 2020 ସୁଦ୍ଧା ଅପଡେଟ୍ ହୋଇଥିବା ସ୍ଥିତି ନିମ୍ନଲିଖିତ ଅଟେ :

1. ଲକଡାଉନ୍ ଅବଧିରେ ନାଫେଡ୍ ଦ୍ୱାରା କୃଷି ଉତ୍ପାଦ କ୍ରୟର ସ୍ଥିତି :

• ଆନ୍ଧ୍ରପ୍ରଦେଶ, ତେଲଙ୍ଗାନା, କର୍ଣ୍ଣାଟକ, ରାଜସ୍ଥାନ, ମହାରାଷ୍ଟ୍ର, ମଧ୍ୟପ୍ରଦେଶ, ଗୁଜୁରାଟ, ଉତ୍ତରପ୍ରଦେଶ ଏବଂ ହରିୟାଣା ଭଳି 9ଟି ରାଜ୍ୟରୁ 2.74 ଲକ୍ଷ ମେଟ୍ରିକ୍ ଟନ୍ (LMT) ଚଣା କ୍ରୟ କରାଯାଇଛି ।

• ରାଜସ୍ଥାନ, ମଧ୍ୟପ୍ରଦେଶ, ଉତ୍ତରପ୍ରଦେଶ, ଗୁଜୁରାଟ ଏବଂ ହରିୟାଣା ଭଳି 5ଟି ରାଜ୍ୟରୁ 3.40 ଲକ୍ଷ ମେଟ୍ରିକ ଟନ୍ ସୋରିଷ କ୍ରୟ କରାଯାଇଛି ।

• ତେଲଙ୍ଗାନାରୁ ୧୭୦୦1700 ମେଟ୍ରିକ ଟନ୍ ସୂର୍ଯ୍ୟମୁଖୀ କ୍ରୟ କରାଯାଇଛି ।

• ତାମିଲନାଡୁ, ତେଲେଙ୍ଗାନା, ଆନ୍ଧ୍ରପ୍ରଦେଶ, ମହାରାଷ୍ଟ୍ର, କର୍ଣ୍ଣାଟକ, ମଧ୍ୟପ୍ରଦେଶ, ଗୁଜୁରାଟ ଏବଂ ଓଡିଶା ଭଳି 8ଟି ରାଜ୍ୟରୁ 1.71 ଲକ୍ଷ ମେଟ୍ରିକ ଟନ୍ ଦେଶୀ ହରଡ କ୍ରୟ କରାଯାଇଛି ।

2. ଗ୍ରୀଷ୍ମକାଳୀନ ଫସଲର ବୁଣାବୁଣିର ବ୍ୟାପକତା ବା ସ୍ଥିତି :

• ଧାନ : ଗତ ବର୍ଷ ଏହି ସମୟ ମଧ୍ୟରେ 25.29 ଲକ୍ଷ ହେକ୍ଟର ତୁଳନାରେ ଏଥର ଗ୍ରୀଷ୍ମକାଳୀନ ଧାନ ଚାଷ ପ୍ରାୟ 34.87 ଲକ୍ଷ ହେକ୍ଟର ଜମିକୁ ପରିବ୍ୟାପ୍ତ ହୋଇଛି ।

• ଡାଲି : ଗତ ବର୍ଷ ଏହି ସମୟ ମଧ୍ୟରେ 5.92 ଲକ୍ଷ ହେକ୍ଟର ତୁଳନାରେ ଏଥର ପ୍ରାୟ 10.35 ଲକ୍ଷ ହେକ୍ଟର ଜମିକୁ ଡାଲିଜାତୀୟ ଫସଲ ପରିବ୍ୟାପ୍ତ ହୋଇଛି ।

• ମୋଟା ଦାନା ଶସ୍ୟ : ଗତ ବର୍ଷ ଏହି ସମୟ ମଧ୍ୟରେ 6.20 ଲକ୍ଷ ହେକ୍ଟର ତୁଳନାରେ ଏଥର ପ୍ରାୟ 9.57 ଲକ୍ଷ ହେକ୍ଟର ଜମିରେ ମୋଟାଦାନା ଶସ୍ୟ ଚାଷ ହୋଇଛି ।

• ତୈଳ ଜାତୀୟ ଫସଲ : ଗତ ବର୍ଷ ସମାନ ଅବଧିରେ 7.09 ଲକ୍ଷ ହେକ୍ଟର ତୁଳନାରେ ଏଥର ପ୍ରାୟ 9.17 ଲକ୍ଷ ହେକ୍ଟର ଜମିକୁ ତୈଳବୀଜ ଜାତୀୟ ଫସଲ ପରିବ୍ୟାପ୍ତ ହୋଇଛି।

3. ରବି ବିପଣନ ଋତୁ (RMS) 2020-21ରେ, FCI ମାଧ୍ୟମରେ ମୋଟ 241.36 ଲକ୍ଷ ମେଟ୍ରିକ ଟନ୍ ଗହମ ଗ୍ରହଣ କରାଯାଇଛି, ସେଥି ମଧ୍ୟରୁ 233.51 ଲକ୍ଷ ମେଟ୍ରିକ ଟନ୍ କ୍ରୟ କରାଯାଇଛି ।

4. ରବି ଋତୁ 2020-21ରେ 11ଟି ରାଜ୍ୟରେ ରବି ଡାଲି ଜାତୀୟ ଶସ୍ୟ ଏବଂ ତୈଳ ବୀଜ ଫସଲ ପାଇଁ ସମୁଦାୟ 3206 ନିର୍ଦ୍ଧିଷ୍ଟ କ୍ରୟ କେନ୍ଦ୍ର ଉପଲବ୍ଧ ହୋଇଛି ।

 

**********

(Release ID: 1622890) Visitor Counter : 83