লৈবাক্কী তোঙান-তোঙানবা মফম কয়াদা রিলীফ শেল্তর/কেম্পশিংদা লৈরিবা মফম অতোপ্পদগী লাকপা শিন্মীশিংগী য়াইফনবগী মতাংদা, সুপ্রীম কোর্তনা তাক্লকপগী মতুং ইন্না, কেন্দ্রগী য়ুমলৈ-কৈরৈ মন্ত্রালয় (এম.ঐচ.এ.)না তোঙান তোঙানবা রাজ্য/য়ুনিয়ন তেরিতোরীশিংদা মপুং ফানা কোবিত-১৯গা লানথেংননবগী পাম্বৈ ওইনা লোকদউন তৌদুনা সুপ্রিম কোর্তনা তাক্লকপা য়াথংগী মতুং ইন্না চৎতুনা মথৌ তাবা থৌরাংশিং পাইখৎনবগী চেরোল থাদুনা খঙহনখ্রে।

কোর্তনা লৈবাক অসিগী মফম কয়াদা রিলীফ শেল্তর/কেম্পশিংদা লৈরিবা শিন্মীশিংগীদমক্তা চানবা, থক্নবা ঈশিং অশেংবা অমসুং লু-নান্ন লৈনবগী অহেনবা খুদোংচাবা পীবদা নত্তনা চপচানা লাযেংবগী খুদোংচাবসু পীনবা খঙহনখ্রে। মখা তানা, নীংথিনা হৈরবা কাউন্সিলর অমসুং/নত্ত্রগা ধর্ম পুম্নমক্কা মরি লৈবা জাতিগী লুচিংবশিংনা রিলীফ শেল্তর/কেম্পশিংদা চৎপীগদবনি অমসুং মাইগ্রেন্তশিং অসিনা থৱাই ৱারিবা পাখৎলিবা অদু ফাথবীনবা হোৎনবীগনি।

কোর্তনা শিন্মীশিংগী থুক্কৎপা অমসুং অকিবা ফাওরিবা অদু পুলিস অমসুং অতৈ অতোপ্পা ওথিরিতীশিংনা খঙবীগদবনি, অমসুং মখোয়না মাইগ্রেন্তশিংবু মীনুংশি লৈনা লোইনবীগবনি হায়নসু খঙহল্লক্লি। মখা তানা, রাজ্য সরকার/যুনিয়ন তেরিতোরীশিংনা মাইগ্রেন্তশিংগী য়াইফনবগীদমক্তা পাংথোক্লিবা থবক থৌরমশিং অদুবু পুলিসকা লোইননা য়েংশিনমিন্নবদা ভোলুনতীয়রশিংসু য়াওহনগদবনি হায়রি।

এম.ঐচ.এ.গী কম্যুনিকেসন্নসু হকশেল অমসুং য়াইফ-য়ুম্বাল মন্ত্রালয়না রাজ্য/যুনিয়ন তেরিতোরীশিংদা ইখিবা চিথিদা পীরিবা য়াথংশিং অদুগা চপ মান্ননা হায়রক্লি। হকশেল মন্ত্রালয়না রাজ্য/য়ুনিয়ন তেরিতোরীশিংদা মাইগ্রেন্তশিংগী ৱাখল্লোন্দা ফাওরিবশিং অদুগী মতাংদা য়েংশিন্নবগীদমক্তা https://www.mohfw.gov.in/pdf/RevisedPsychosocialissuesofmigrantsCOVID19.pdf অসিদা গাইদলাইনশিং মচা খাইনা পীরি।

****

(Release ID: 1618684) Visitor Counter : 211