ਭਾਰਤ ਸਰਕਾਰ ਨੇ ਕੋਵਿਡ–2019 ਲੌਕਡਾਊਨ ਦੌਰਾਨ 16.01 ਕਰੋੜ ਲਾਭਾਰਥੀਆਂ ਦੇ ਬੈਂਕ ਖਾਤਿਆਂ ’ਚ ‘ਪਬਲਿਕ ਫ਼ਾਈਨੈਂਸ਼ੀਅਲ ਮੈਨੇਜਮੈਂਟ ਸਿਸਟਮ’ (ਪੀਐੱਫ਼ਐੱਮਐੱਸ) ਰਾਹੀਂ ‘ਡਾਇਰੈਕਟ ਬੈਨੇਫ਼ਿਟ ਟ੍ਰਾਂਸਫ਼ਰ’ (ਡੀਬੀਟੀ) ਦੀ ਵਰਤੋਂ ਕਰਦਿਆਂ 36,659 ਕਰੋੜ ਤੋਂ ਵੱਧ ਰੁਪਏ ਟ੍ਰਾਂਸਫ਼ਰ ਕੀਤੇ ਹਨ। ਪ੍ਰਧਾਨ ਮੰਤਰੀ ਗ਼ਰੀਬ ਕਲਿਆਣ ਯੋਜਨਾ ਪੈਕੇਜ ਤਹਿਤ ਐਲਾਨੇ ਨਕਦ–ਲਾਭ ਡੀਬੀਟੀ ਡਿਜੀਟਲ ਭੁਗਤਾਨ ਬੁਨਿਆਦੀ ਢਾਂਚੇ ਦੀ ਵਰਤੋਂ ਕਰਦਿਆਂ ਟ੍ਰਾਂਸਫ਼ਰ ਕੀਤੇ ਜਾ ਰਹੇ ਹਨ। ਇਸ ਪੈਕੇਜ ਦੀ ਪਹੁੰਚ ਬਹੁਤ ਵਿਆਪਕ ਹੈ ਤੇ ਇਹ ਪੀਐੱਮ–ਕਿਸਾਨ ਅਤੇ ਮਹਿਲਾ ‘ਜਨ–ਧਨ’ ਖਾਤਾ–ਧਾਰਕਾਂ ਦੇ ਲਾਭਾਰਥੀਆਂ ਨੂੰ ਕਵਰ ਕਰਦਾ ਹੈ। ਦੇਸ਼ਵਿਆਪੀ ਲੌਕਡਾਊਨ ਸ਼ੁਰੂ ਦੇ ਬਾਅਦ ਤੋਂ 17 ਅਪ੍ਰੈਲ ਤੱਕ 8 ਕਰੋੜ ਤੋਂ ਵੱਧ ਲਾਭਾਰਥੀਆਂ ਨੂੰ ਪੀਐੱਮ–ਕਿਸਾਨ ਅਤੇ 19 ਕਰੋੜ ਮਹਿਲਾ ਜਨ–ਧਨ ਖਾਤਾ–ਧਾਰਕਾਂ ਨੂੰ ਵਿੱਤੀ ਸਹਾਇਤਾ ਮੁਹੱਈਆ ਕਰਵਾਈ ਜਾ ਚੁੱਕੀ ਹੈ।

ਹਰਿਆਣਾ ਦੇ ਕੁਰੂਕਸ਼ੇਤਰ ਜ਼ਿਲ੍ਹੇ ਦੀ ਨੀਰਜ ਦੇਵੀ ਨੇ ਕਿਹਾ ਕਿ ਉਨ੍ਹਾਂ ਦਾ ਸਟੇਟ ਬੈਂਕ ਆਵ੍ ਇੰਡੀਆ (ਐੱਸਬੀਆਈ) ’ਚ ਜਨ–ਧਨ ਖਾਤਾ ਹੈ ਤੇ ਉਨ੍ਹਾਂ ਨੂੰ ਇਸ ਪੈਕੇਜ ਤਹਿਤ ਧਨ ਹਾਸਲ ਹੋਇਆ ਹੈ। ਉਨ੍ਹਾਂ ਨੇ ਕੋਵਿਡ–19 ਨਾਲ ਸਬੰਧਿਤ ਲੌਕਡਾਉਨ ਬਾਰੇ ਜਾਗਰੂਕਤਾ ਵੀ ਵਿਖਾਈ। ਭਾਰਤ ਸਰਕਾਰ ਦਾ ਧੰਨਵਾਦ ਕਰਦਿਆਂ ਉਨ੍ਹਾਂ ਕਿਹਾ ਕਿ ਕੋਰੋਨਾ–ਵਾਇਰਸ ਤੋਂ ਬਚਾਅ ਲਈ ਸਮਾਜਿਕ–ਦੂਰੀ ਰੱਖਣਾ ਤੇ ਹੱਥਾਂ ਨੂੰ ਲਗਾਤਾਰ ਧੋਣਾ ਅਹਿਮ ਹਨ। ਹਰਿਆਣਾ ਦੇ ਲਕਸ਼ਮੀ ਦੇਵੀ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੇ ਜਨ–ਧਨ ਖਾਤੇ ਵਿੱਚ 500 ਰੁਪਏ ਹਾਸਲ ਕੀਤੇ ਹਨ ਤੇ ਉਨ੍ਹਾਂ ਉਸ ਰਕਮ ਨਾਲ ਰਾਸ਼ਨ ਖ਼ਰੀਦਿਆ ਹੈ।

https://twitter.com/PIBChandigarh/status/1250677405095624706?s=09 (ਨੀਰਜ ਦੇਵੀ)

https://twitter.com/PIBChandigarh/status/1250680156592599045?s=09 (ਲਕਸ਼ਮੀ ਦੇਵੀ)

ਜ਼ਿਲ੍ਹਾ ਸ਼ਿਮਲਾ ਦੇ ਪਿੰਡ ਹਲੌਗ ਦੀ ਸਾਵਿਤ੍ਰੀ ਦੇਵੀ ਨੇ ਪੀਐੱਮ–ਕਿਸਾਨ ਤਹਿਤ 2,000 ਰੁਪਏ ਹਾਸਲ ਕਰਨ ’ਤੇ ਭਾਰਤ ਸਰਕਾਰ ਦਾ ਧੰਨਵਾਦ ਕੀਤਾ। ਮੰਡੀ ਜ਼ਿਲ੍ਹੇ ਦੇ ਪਿੰਡ ਬਨਿਯਾਲ ਦੇ ਉਪ–ਪ੍ਰਧਾਨ ਰਮੇਸ਼ ਚੰਦ ਨੇ ਕਿਹਾ ਕਿ ਉਨ੍ਹਾਂ ਦੀ ਪੰਚਾਇਤ ਦੇ 60–70% ਲੋਕ ਪੀਐੱਮ–ਕਿਸਾਨ ਨਾਲ ਜੁੜੇ ਹੋਏ ਹਨ ਅਤੇ ਉਨ੍ਹਾਂ ਨੇ ਆਪਣੇ ਖਾਤਿਆਂ ਵਿੱਚ ਇਸ ਮਹੀਨੇ 2,000 ਰੁਪਏ ਹਾਸਲ ਕੀਤੇ ਹਨ। ਇਹ ਧਨ ਲਾਭਾਰਥੀਆਂ ਵੱਲੋਂ ਆਪਣੀ ਜ਼ਰੂਰਤ ਅਨੁਸਾਰ ਬੈਂਕਾਂ ’ਚੋਂ ਸਮਾਜਿਕ–ਦੂਰੀ ਦਾ ਪੂਰਾ ਖ਼ਿਆਲ ਰੱਖਦਿਆਂ ਕਢਵਾਇਆ ਜਾ ਰਿਹਾ ਹੈ।

https://twitter.com/PIBChandigarh/status/1252117296530653184 (ਸਾਵਿਤ੍ਰੀ ਦੇਵੀ)

https://twitter.com/ROBChandigarh/status/1251733968535224320?s=09 (ਰਮੇਸ਼ ਚੰਦ)

ਇਸ ਵੇਲੇ ਜਦੋਂ ਹਰ ਪਾਸੇ ਅਨਿਸ਼ਚਿਤਤਾ ਪੱਸਰੀ ਹੋਈ ਹੈ, ਪਰ ਸਿਰਫ਼ ਖੇਤੀਬਾੜੀ ਦੀ ਇੱਕੋ ਗਤੀਵਿਧੀ ’ਚੋਂ ਆਸ ਜਾਗ ਰਹੀ ਹੈ, ਜਿਸ ਰਾਹੀਂ ਅਨਾਜ ਸੁਰੱਖਿਆ ਦਾ ਭਰੋਸਾ ਵੀ ਮਿਲ ਰਿਹਾ ਹੈ। ਇਸ ਵਾਰ ਪੂਰੇ ਦੇਸ਼ ’ਚ 310 ਲੱਖ ਹੈਕਟੇਅਰ ਰਕਬੇ ’ਚ ਕਣਕ ਦੀ ਕਾਸ਼ਤ ਕੀਤੀ ਗਈ ਸੀ, ਜਿਸ ਵਿੱਚੋਂ 63.67% ਰਬੀ ਦੀ ਫ਼ਸਲ ਦੀ ਵਾਢੀ ਪਹਿਲਾਂ ਹੀ ਕੀਤੀ ਜਾ ਚੁੱਕੀ ਹੈ। ਹਰਿਆਣਾ ’ਚ ਵਾਢੀ 30–35% ਅਤੇ ਪੰਜਾਬ ’ਚ 10–15% ਹੋ ਚੁੱਕੀ ਹੈ। ਗ੍ਰਹਿ ਮੰਤਰਾਲੇ ਨੇ ਕੋਵਿਡ–19 ਦੀ ਮਹਾਮਾਰੀ ਨੂੰ ਰੋਕਣ ਲਈ ਕਈ ਸੰਗਠਿਤ ਦਿਸ਼ਾ–ਨਿਰਦੇਸ਼ ਜਾਰੀ ਕੀਤੇ ਹਨ, ਜੋ ਖੇਤੀ ਗਤੀਵਿਧੀਆਂ ਨੂੰ ਸੁਖਾਵੇਂ ਢੰਗ ਨਾਲ ਨੇਪਰੇ ਚਾੜ੍ਹਨਾ ਯਕੀਨੀ ਬਣਾਉਂਦੇ ਹਨ।

ਅੰਮ੍ਰਿਤਸਰ ਦੇ ਇੱਕ ਕਿਸਾਨ ਨੇ ਕਿਹਾ ਕਿ ਉਨ੍ਹਾਂ ਆਪਣੀਆਂ ਖੇਤੀ–ਗਤੀਵਿਧੀਆਂ ਦੀ ਰਫ਼ਤਾਰ ਵਧਾ ਦਿੱਤੀ ਹੈ ਅਤੇ ਉਹ ਸਮਾਜਿਕ–ਦੂਰੀ, ਸਾਫ਼–ਸਫ਼ਾਈ ਆਦਿ ਰੱਖਣ ਜਿਹੀਆਂ ਸਾਰੀਆਂ ਜ਼ਰੂਰੀ ਸਾਵਧਾਨੀਆਂ ਦੀ ਬਾਕਾਇਦਾ ਪਾਲਣਾ ਕਰ ਰਹੇ ਹਨ।

https://twitter.com/ROBChandigarh/status/1252153170526179329?s=09 (ਅੰਮ੍ਰਿਤਸਰ ਦੇ ਕਿਸਾਨਾਂ ਦੀ ਆਵਾਜ਼)

https://twitter.com/PIBChandigarh/status/1252127408355831809 (ਪੰਜਾਬ ’ਚ ਐੱਸਏਐੱਸ ਨਗਰ (ਮੋਹਾਲੀ) ਜ਼ਿਲ੍ਹੇ ਦੇ ਪਿੰਡ ਕਰੌਰ ’ਚ ਹੋ ਰਹੀ ਫ਼ਸਲਾਂ ਦੀ ਵਾਢੀ)

ਲੌਕਡਾਊਨ ਦੇ ਇਸ ਵੇਲੇ ਚਲ ਰਹੇ ਦੂਜੇ ਗੇੜ ’ਚ ਸਰਕਾਰ ਦੇ ਯਤਨਾਂ ਤੇ ਗ਼ਰੀਬਾਂ ਨੂੰ ਲੋੜੀਂਦੀ ਰਾਹਤ–ਸਹਾਇਤਾ ਮੁਹੱਈਆ ਕਰਵਾਏ ਜਾਣ ਤੋਂ ਆਮ ਲੋਕ ਸੰਤੁਸ਼ਟ ਹਨ।

*****

(Release ID: 1616556) Visitor Counter : 146