मुंबई, 1 एप्रिल 2020

 

देशातील कोरोना विषाणूच्या परिस्थितीवर नॅशनल मीडिया सेंटर, नवी दिल्ली येथे आज दुपारी 4 वाजता मीडिया ब्रीफिंग करण्यात आली.

त्यातील प्रमूख मुद्दे पुढीलप्रमाणे:

1. कोणत्याही प्रकारची गर्दी, धार्मिक कार्यक्रम टाळावे, लॉक डाऊन करताना स्थलांतरित मजुरांची सोय करावी अशी कॅबिनेट सचिवांची सूचना - आरोग्य मंत्रालयातर्फे आयोजित पत्रकार परिषदेत ही माहिती दिली.
2. रेल्वे मंत्रालय 20,000 रेल्वे डब्यांचे रूपांतरण 3,20,000  कॉरंटाईन विलगीकरण कक्षात करणार. लवकरच 80,000 बेड्स उपलब्ध होतील.
3. औषधांचे तपासणी किट, पीपीई, मास्क यांसारख्या महत्वाच्या गोष्टींची वाहतूक विनाविलंब करण्यासाठी नागरी उड्डाण मंत्रालय लाईफलाईन उडान देशभरात सुरू करणार.  गेल्या पाच दिवसात अशा प्रकारच्या 15.4 टन मालाची वाहतूक करण्यात आली.
4. राष्ट्रीय औषध दर ऑथोरिटीच्या नवीन नियमावलीनुसार 24 प्रकारच्या वैद्यकीय उपकरणांच्या किमती नियंत्रित. यानुसार कोणत्याही वैद्यकीय उपकरणाच्या किमतीत गेल्या वर्षभरातल्या किमतीच्या दहा टक्केपेक्षा जास्त वाढ होणार नाही.
5. रिलीफ कॅम्पस मध्ये मानसिक-सामाजिक समुपदेशनासाठी प्रशिक्षित तज्ञ ठेवण्याचे सर्वोच्च न्यायालयाचे निर्देश. 
6. सर्व धर्माच्या धर्मगुरूंनी या कॅम्प्सना भेट देण्याच्या सूचना. तांत्रिक बाबी हाताळून अफवा टाळण्यासाठी खालील ई-मेल आयडी वर शंकानिरसन होणार. technicalquery.covid19[at]gov[dot]in
7. राज्य सरकार आणि केंद्रशासित प्रदेशांकडून लॉकडाउनची योग्य अंमलबजावणी. जीवनावश्यक वस्तू पुरवठा समाधानकारक. स्थलांतरित मजुरांसाठी अन्न व निवार्‍याची सोय. आत्तापर्यंत 21,486 निवारा केंद्रांमध्ये, 6,75,133 नागरिकांनी आश्रय घेतला आहे.
8. लोकांपर्यंत प्रधानमंत्री गरीब कल्याण योजना पोचवताना अत्यंत अचूक नियोजन आवश्यक. तसेच यावेळी सोशल डिस्टनसिंग पाळणे आवश्यक अशा कॅबिनेट सचिव यांनी सूचना दिल्या आहेत.
9. जानेवारीपासून पीपीई निर्यातीला आम्ही बंदी घातलीच आणि स्थानिक पातळीवरील उत्पादनावर  भर दिला. पीपीई उत्पादनक्षमता आणि उपलब्धता वाढवण्याचे प्रयत्न करत आहोत. गरजेनुसार त्यांची आयात देखील केली जाईल असे आरोग्य मंत्रालयाने सांगितले.
10. प्रत्येकाला हायड्रॉक्सीक्लोरोक्विन घेण्याची गरज नाही. आरोग्य कर्मचाऱ्यांना ते सध्या प्राथमिक अभ्यासानंतर दिले जात आहे.  ते प्रत्येकाला देण्याबद्दल सविस्तर अभ्यासानंतरच ठरवता येईल - डॉ. रमण गंगाखेडकर, आयसीएमआर, दिल्ली
11. देशात आतापर्यंत 1637 जण कोविड-19 बाधित आणि संसर्गाने आत्तापर्यंत 38 जणांचा मृत्यू. नोंदणीनुसार गेल्या चोवीस तासात 376 नवीन रुग्ण आणि 3 मृत्यू. तर 132  जणांची प्रकृती धोक्याबाहेर अशी आरोग्य मंत्रालयामार्फत माहिती देण्यात आली.

 

 

R.Tidke/M.Chopade/D.Rane

(Release ID: 1609996) अभ्यागत कक्ष : 131