نئی دلّی  ،  1  اپریل / پیٹرولیم اور قدرتی گیس اور فولاد کے وزیر   جناب دھرمیندر پردھان نے   پی ایم – کیئرس فنڈ میں  کووڈ – 19 وبائی مرض  کے خلاف  نبرد آزمائی کے عمل میں   تعاون کے طور پر   بھارتی  فولاد شعبے کی جانب سے 500 کروڑ روپئے سے زائد کے تعاون  کا اعلان کیا ہے ۔

          جناب پردھان نے ایک ٹوئیٹ پیغام میں کہا ہے کہ   از حد خوشگوار  اور فخر کے احساس کے ساتھ     میں  ، اِس بات کا اعلان کرتا ہوں کہ فولاد کا شعبہ سرکاری دائرۂ کار کے تحت کام کرنے والے صنعتی اداروں  اور نجی شعبے کی جانب سے  یکجا ہوکر پی ایم – کیئرس فنڈ میں 500 کروڑ روپئے سے زائد کا تعاون دینے کے لئے کمر بستہ ہے ۔   اس کے علاوہ ، پی ایس یو  کے  رفقائے کار کی جانب سے  پی ایم – کیئرس فنڈ میں ، اُن کی تنخواہوں  کے توسط سے  15 کروڑ روپئے کا تعاون دیا جا رہا ہے ۔

          انہوں نے مزید کہا کہ  میں فولاد برادری  کے  ، اِس قدم سے از حد متاثر ہوں ، جو  اِس زبردست  ضرورت کے موقع پر  ملک کے تحفظ کے لئے  کچھ کرنے کے لئے تیار ہے ۔

            

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( م ن  ۔     ع ا  )      (01-04-2020 )

U. No.1427

 

(Release ID: 1609876) Visitor Counter : 116