नवी दिल्ली, 29 मार्च 2020

कोविड-19 प्रादुर्भाव रोखण्याच्या कामात, आपत्ती व्यवस्थापन कायदा 2005अंतर्गत काम करणाऱ्या राष्ट्रीय कार्यकारी समितीच्या अध्यक्षांनी दिलेल्या सूचनांचे काटेकोर पालन करण्यास जबाबदार असलेल्या खालील अधिकाऱ्यांनी प्रथमदर्शनी ते न केल्याचे सक्षम प्राधिकरणाच्या निदर्शनास आणून देण्यात आले आहे.

कोविड-19 प्रादुर्भाव रोखण्यासाठी केलेल्या लॉकडाउनच्या काळात सार्वजनिक आरोग्य आणि सुरक्षा राखण्यात हे अधिकारी अपयशी ठरले आहेत. सेवाकार्यात गंभीर कुचराई केल्याविरोधात सक्षम प्राधिकरणाने खालील अधिकाऱ्यांविरोधात शिस्तभंगाची कारवाई सुरु केली आहे.

1. अतिरिक्त मुख्य सचिव-वाहतूक विभाग, राष्ट्रीय राजधानी क्षेत्र दिल्ली, -त्वरित निलंबन.
2. अतिरिक्त मुख्य सचिव-गृह आणि बांधकाम विभाग,राष्ट्रीय राजधानी क्षेत्र दिल्ली- कारणे दाखवा नोटीस.
3. प्रधान सचिव वित्त - राष्ट्रीय राजधानी क्षेत्र दिल्ली आणि विभागीय आयुक्त -राष्ट्रीय राजधानी क्षेत्र दिल्ली -त्वरित निलंबन.
4. उपविभागीय दंडाधिकारी, सीलमपूर,-कारणे दाखवा नोटीस

 

U.Ujgare/V.Joshi/P.Malandkar

 

 

 

 

 

 

 

 

 

 

 

 

(Release ID: 1609293) अभ्यागत कक्ष : 166