ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅନ୍ତର୍ଗତ କୋଭିଡ19 ସଂକ୍ରମିତଙ୍କ ଚିକିତ୍ସାରେ ନିୟୋଜିତ ସ୍ଵାସ୍ଥ୍ୟକର୍ମୀଙ୍କୁ ବୀମା ସୁବିଧା
Posted On:
29 MAR 2020 8:24PM by PIB Bhubaneshwar
ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାର ଘୋଷଣା ଅନୁଯାୟୀ କୋଭିଡ19 ସଂକ୍ରମିତଙ୍କ ଚିକିତ୍ସାରେ ନିୟୋଜିତ ସ୍ଵାସ୍ଥ୍ୟକର୍ମୀଙ୍କୁ ବୀମା ସୁବିଧା ପ୍ରଦାନ କରିବା ପ୍ରସ୍ତାବକୁ ନିମ୍ନଲିଖିତ ସର୍ତ୍ତ ସହ ଅନୁମୋଦନ କରାଯାଇଛି ।
- ଏହି ଯୋଜନା ଅନ୍ତର୍ଗତ 90 ଦିନ ଅବଧି ଲାଗି 22.12 ଲକ୍ଷ ସ୍ଵାସ୍ଥ୍ୟକର୍ମୀଙ୍କୁ 50 ଲକ୍ଷ ଟଙ୍କାର ବୀମା ସୁବିଧା ପ୍ରଦାନ କରାଯିବ ଯେଉଁମାନେ କି କୋଭିଡ ସଂକ୍ରମିତଙ୍କ ଚିକିତ୍ସାରେ ନିୟୋଜିତ ଥିବେ ଓ ସିଧାସଳଖ ଭାବେ ତାଙ୍କ ସମ୍ପର୍କରେ ଆସୁଥିବେ । ଗୋଷ୍ଠୀ ସ୍ଵାସ୍ଥ୍ୟକର୍ମୀମାନେ ମଧ୍ୟ ଏହି ଯୋଜନାରେ ଅନ୍ତର୍ଭୁକ୍ତ ହେବେ । କୋଭିଡ19 ସଂକ୍ରମଣ ହେତୁ ଆକସ୍ମିକ ଜୀବନହାନୀ କ୍ଷେତ୍ରରେ ମଧ୍ୟ ଏହି ବୀମା ସୁବିଧା ପ୍ରଦାନ କରାଯିବ ।
- ଏହି ମହାମାରୀର ଭୟାବହତାକୁ ଦୃଷ୍ଟିରେ ରଖି ବିଭିନ୍ନ ସରକାରୀ ଡାକ୍ତରଖାନାରେ ନିୟୋଜିତ ବେସରକାରୀ, ଅବସରପ୍ରାପ୍ତ, ଚୁକ୍ତିଭୂକ୍ତ ଓ ସାମୟିକ ସ୍ଵାସ୍ଥ୍ୟକର୍ମୀଙ୍କୁ ମଧ୍ୟ ଏହି ସୁବିଧାର ଲାଭ ମିଳିବ । କିନ୍ତୁ ଏହା କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଦ୍ଵାରା ଜାରି କରାଯାଇଥିବା ସଂଖ୍ୟା ଉପରେ ନିର୍ଭରଶୀଳ ।
- ଏହି ବୀମା ଯୋଜନା ଅନ୍ତର୍ଗତ ସୁବିଧା ହିତାଧିକାରୀଙ୍କ ଦ୍ଵାରା କରାଯାଇଥିବା ଅନ୍ୟ ସମସ୍ତ ବୀମା ଯୋଜନାର ଉର୍ଦ୍ଧ୍ଵରେ ଓ ସେମାନଙ୍କ ପରିସରଭୁକ୍ତ ହେବନାହିଁ ।
*****
(Release ID: 1609135)
Visitor Counter : 252
Explainer release reference
Pradhan Mantri Garib Kalyan Package: Insurance Scheme for Health Workers Fighting COVID-19