نئی دلّی  ،  18 مارچ  / رکشا راجیہ منتری جناب   شری پد نائک  نے آج لوک سبھا میں   شریمتی میناکشی لیکھی کو  ایک  تحریری جواب میں بتایا ہے  کہ 19-2018 ء کے دوران دفاعی در آمدات پر  45705.57 کرو ڑروپئے کی رقم  خرچ کی گئی ہے ۔  19-2018 ء کے مالی سال کے لئے  دفاعی بجٹ  کی فی صد  ( دفاعی خدمات تخمینے ) ، جو تنخواہوں سے متعلق ہیں ،  وہ 46.10 فی صد ہے  اور دفاعی تحقیق و ترقیات ادارے  ( تنخواہوں کےعلاوہ ) پر عائد ہونے والے اخراجات کی فی صد 4.42 فی صد ہے ۔  وزارت کے تحت ہتھیار  اہم حصولیابی بجٹ   کے تحت حاصل کئےجاتے ہیں ، جو 19-2018 ء کے دوران 24.73 فی صد  دفاعی بجٹ  کے لحاظ سے صرف  کئے گئے ۔

          دفاعی ساز و سامان کی اہم حصولیابی  مختلف گھریلو اور غیر ملکی فروخت کاروں سے کی جاتی ہے ، جس کا انحصار  مسلح دستوں کی آپریشنل ضروریات پر ہوتا ہے تاکہ انہیں  سلامتی سے متعلق تمام تر چنوتیوں کا سامنا کرنے کے لئے ہر طرح سے چاق و چوبند رکھا جا سکے ۔  وہ بڑے ممالک ، جہاں سے  دفاعی سا زو سامان حاصل کئے گئے ہیں ، اُن میں روس ، امریکہ ، اسرائیل ، فرانس   اور برطانیہ شامل ہیں ۔ 

  

۔۔۔۔۔۔۔۔۔۔۔۔۔۔۔۔۔۔۔۔

 ( م ن  ۔ ع ا  )      

U. No. 1311

(Release ID: 1606952) Visitor Counter : 109