نئی  دہلی  17 مارچ 2020 ۔ملک کے ہر دیہی گھرانوں کو فنکشنل  ہاؤس ہولڈ ٹیپ کنکشن  (ایف ایچ ٹی سی ) کے ذریعہ  2024  تک روزانہ فی کس 55 لٹر پانی  فراہم کرنے کی خاطر بھارت سرکار نے  ریاستوں کے ساتھ ساجھیداری کے ذریعہ 3.60 لاکھ کروڑروپے کی لاگت سے جل جیون مشن  ( جے جے ایم ) شروع کیا ہے۔

          جے جے ایم کی شروعات کے بعدمختلف  ریاستوں کے دیہی پانی کی سپلائی کے انچارج وزیروں کی ایک کانفرنس  نئی دہلی میں منعقد ہوئی ، جس کے  بعد 5 علاقائی ورکشاپیں ہوئیں ، جن کا مقصد مشن پر عمل درآمد کی جزویات پر تبادلہ خیال کرنا تھا۔ اس کے علاوہ  ریاستی حکومتوں   اور پانی کے شعبے کے دیگر ساجھیداروں کے ساتھ  صلاح ومشورے  سے اس مشن  پر عمل درآمد کے طریقوں کے بارے میں رہنماخطوط 25 دسمبر 2019  کو جاری کئے گئے۔

          اس پروگرام پر عمل درآمد کی پیش رفت کا جائزہ لینے اور اس پر عمل درآمد کی جزویات کے بارے میں  آگاہی فراہم کرنے کی خاطر ڈی ڈی ڈبلیو ایس   کے اہلکار ،ریاستوں  کا دورہ کررہے ہیں اور جل جیون مشن پر عمل درآمد کے سلسلے میں  انجنئروں  ، ضلع کلکٹروں / ڈپٹی کمشنروں  وغیرہ کے ساتھ جائزہ میٹنگوں اور ریاستی ورکشاپوں میں متعلقہ رہنماخطوط پر تبادلہ خیال کررہے ہیں۔ اس کے علاوہ 7فروری 2020  کو تمام ساجھیداروں  کے ساتھ ایک روزہ قومی کانفرنس کا انعقاد  کیا گیا تاکہ ریاستیں   ان علاقوں کے بارے میں ترجیحات طے کرسکیں  ، جہاں معیاری پانی کی فراہمی نہیں ہے اور ایف ایچ  ٹی سیز کے ذریعہ پائپ والے  پانی کی فراہمی  میں تیزی  لاسکیں ۔اس کے علاوہ نینی تال ، اتراکھنڈ میں  27  اور 28 فروری 2020  کو  اسپرنگ شیڈ  واٹر مینجمنٹ  کے بارے میں  ایک کانفرنس  بلائی گئی تاکہ اس بات کو یقینی بنایا جاسکے کہ بھارت کے پہاڑی علاقوں میں      سائنسی تحقیق پر مبنی پینے کے پانی کی فراہمی میں تسلسل  پیدا ہو۔

          سال 20-2019  میں  جے جے ایم کے  لئے  بجٹ میں  10000.66 کروڑروپے  مختص کئے گئے  اور 11 مارچ 2020  کو ریاستوں اور مرکز کے زیر انتظام علاقوں کے لئے 9542.89 کروڑروپے جاری کئے گئے۔

          ابتدائی شہری  بنیادی ڈھانچے  کی ترقی پرتوجہ مرکوز کرتے ہوئے ،جس میں شہروں میں  پینے کے پانی کی فراہمی  بھی شامل ہے ، بھارت سرکار نے  ملک کے 500شہروں میں  اٹل مشن  فار ری جووینیشن  اینڈ اربن ٹرانسفارمیشن   ( اے ایم آر یوٹی ) شروع کیا ۔ یہ پروگرام پانچ سال کے لئے یعنی 16-2015 سے 20-2019  تک کے لئے ہے۔اے ایم آر یوٹی  کے تحت بھارت سرکار  ریاستوں اور مرکز کے زیر انتظام علاقوں کی طرف سے پیش کئے گئے سالانہ ایکشن پلانوں کی منظوری دیتی  ہے اور ان  کے لئے  مرکزی امداد جاری کرتی ہے۔اس طرح اب تک اے ایم آر یو ٹی کے تحت 44433کروڑروپے کے پانی کی سپلائی کے پروجیکٹ منظور کئے  گئے ہیں ، جن میں سے 4287  کروڑروپے کے پروجیکٹ مکمل ہوچکے ہیں اور 34464 کروڑروپے کے  پروجیکٹ   زیر عمل ہیں ۔

 

 

          جل شکتی اور سماجی انصاف  نیز  تفویض  اختیارات کے وزیر مملکت جناب رتن لال کٹاریا نے آج راجیہ سبھا  میں ایک سوال کے تحریر ی جواب  میں مندرجہ بالا اطلاع فراہم کی ۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔ج۔ رم

U-1264

(Release ID: 1606694) Visitor Counter : 105