نئی دہلی، 4  مارچ /امور داخلہ کے وزیر مملکت   جناب جی کشن ریڈی نے   کشمیری مہاجرین   کی وطن واپسی سے متعلق   ایک سوال کے  تحریری جواب میں   آج راجیہ سبھا کو بتایا کہ    حکومت ہند کی   یہ کوشش رہی ہے کہ    باز آباکاری کی متعدد   سہولیات   مہیا کراکر    اور وادی کشمیر   میں انکی واپسی   کے لئے   مناسب ماحول بناکر   کشمیری  مہاجرین کی  محفوظ   واپسی کو یقینی بنایا جائے۔   ان کوششوں کے مطابق   حکومت  نے  کشمیری مہاجرین کے لئے   باز آبادکاری کی درج ذیل اسکیموں کو منظوری دی ہے۔

 یہ کوششیں وزیراعظم کے ترقیاتی پیکج   -2015 (پی ایم  ڈی پی-2015) کے تحت کی جارہی ہیں جوحسب ذیل ہیں۔

1. کشمیری مہاجرین کے لئے   1080 کروڑ روپے کے خرچ   سے سرکاری   روزگار  3000 مواقع پیدا کرنا ۔ حکومت جموں کشمیری کے ذریعہ  فراہم کرائی معلومات کے مطابق     22 فروری 2020 کو 1781 عہدوں  کے معاملے میں    انتخابی عمل     کا انعقاد کیا گیا اور  604 امیدواروں   نے  مختلف محکموں     میں ذمہ داریاں سنبھال لی ہیں۔ یہ عہدے  وزیراعظم کے پیکج  2008 کےتحت   منظور شدہ   ریاستی حکومت  کی 3000  سرکاری  ملازمت کے علاوہ ہیں۔  ان میں سے  2905 عہدوں کو پُر کردیا گیا ہے۔  
2. پی ایم آر پی   -2008 کے تحت   ملازم    3000 کشمیری    مہاجرین   اور پی ایم  ڈ ی پی -2015 کے تحت مزید تین ہزار   مہاجرین   کی رہائش کے لئے  920 کروڑ روپے کی لاگت سے    6ہزار   ٹرانزٹ رہائش   گاہوں کی تعمیر کی گئی ہے۔  849 فلیٹ  رہائش کے لئے دستیاب ہیں   جبکہ  560 فلیٹ زیر تعمیر ہیں۔  

مذکورہ بالا اقدامات کے  علاوہ حکومت ہند جموں میں  مقیم  اہل کشمیرمہاجرین کو   ماہانہ نقد راحت کی ادائیگی کرتی ہے۔     2014 سے    ماہانہ نقد راحت     میں دو بار   اضافہ کیا گیا ہے   جو کہ    سال 2015 میں   فی کنبہ  6600 سے بڑھ کر     دس ہزار روپے   اور 2018  میں فی  کنبہ  13 ہزار روپے ہوگیا ہے۔ اس کے علاوہ   ان کشمیری مہاجرین کو     خشک راشن بھی مہیا کرایا جاتا ہے۔

دہلی میں مقیم  کشمیری مہاجرین   کے  معاملے میں حکومت ہند  ہر شخص کو  3250 روپے کی ماہانہ      نقد راحت مہیا کراتی ہے  جس میں  قومی خطہ راجدھانی  دہلی کی حکومت    (جی این سی ٹی ڈی) پر  فی کنبہ  ہزا رروپے کا   حصہ آتا ہے۔

۔۔۔۔۔۔۔۔۔۔۔

 

 م ن۔ ش س۔ ج۔

U- 1049

(ریلیز آئی ڈی: 1605274) وزیٹر کاؤنٹر : 108