محنت اور روزگار کی وزارت
حکومت بچہ مزدوری کے خاتمے کے تئیں پابند عہد
Posted On:
10 FEB 2020 4:43PM by PIB Delhi
نئی دہلی، 10فروری /حکومت ہند ملک سے بچہ مزدوری کے خاتمے کے تئیں پابند عہد ہے ۔ حکومت نے بچہ مزدوری (روک تھام اور ریگولیشن ) ایکٹ 1986 میں ترمیم کی ہے اور بچہ مزدوری (روک تھام و ریگولیشن) ترمیمی قانو 2016 وضع کیا ہے جو ایک ستمبر 2016 سے نافذ ہوگیا ہے۔ یہ ترمیمی قانون 14 سال سے کم عمر کے بچوں کے ذریعے کسی بھی پیشے اور طریقہ کار میں کام کرنے یا وہاں ملازمت کرنے پر مکمل پابندی عائد کرتا ہے۔ اسی طرح سے یہ ترمیمی قانون 14 سے 18 سال تک کے نوجوانوں کو کسی بھی خطرناک پیشہ یا طریقہ کار میں کام کے لئے لگائےجانے پر روک لگاتا ہے۔ یہ ترمیمی قانون ، قانون کی خلاف ورزی کی صورت میں آجرین کے لئے سخت تر سزا کا التزام کرتا ہے اور اس طرح کی خلاف ورزی کو قابل دست اندازی بناتا ہے۔
بچہ مزدوری سے متعلق قانون میں تر میم کرکے قانونی فریم ورک کو مضبوط کرنے کے بعد حکومت نے بچہ مزدوری (روک تھام اور ریگولیشن) ترمیمی ضوابط 2017 بھی وضع کئے ہیں جو اس قانون کے التزامات کے موثر نفاذ کو یقینی بنانے کے لئے ریاستی حکومتوں اور ضلع انتظامیہ کی ذمہ داری اور فرائض طے کرتے ہیں۔حکومت نے ٹرینروں ، پریکٹشنروں ا ور تنفیذی و نگرانی ایجنسیوں کے لئے ایک معیاری آپریٹنگ طریقہ کار بھی وضع کیا ہے۔
محنت و روزگار کی وزارت بھی بچہ مزدوروں کی باز آباد کاری کے لئے 1988 سے نیشنل چائلڈ لیبر پروجیکٹ (این سی ایل پی) اسکیم نافذ کررہی ہے۔ این سی ایل پی کے تحت 9 سے 14 سال تک کے بچوں کو کام سے نکالا جاتا ہے اور ان کا داخلہ این سی ایل پی اسپیشل ٹریننگ سینٹرس میں کرایا جاتا ہے جہاں انہیں باقاعدہ تعلیمی نظام کے اصل دھارے میں شامل کئے جانے سے قبل برج ایجوکیشن ، پیشہ ورانہ تربیت ، مڈ ڈےمیل ،اسٹائپنڈ صحت دیکھ بھال جیسی سہولتیں دستیاب کرا ئی جاتی ہیں۔ پانچ سے آٹھ سال تک کے بچوں کو سروشکشا ابھیان کے ساتھ قریبی تال میل کے ذریعہ براہ راست فورمل ایجوکیشن سسٹم سے جوڑا جاتا ہے۔
اس اسکیم کی چیئرمین ، سوسائٹی کے پروجیکٹ ڈائریکٹر ، ضلع نوڈل افسر، لیبر کمشنر اور محنت و روزگار کی وزارت کے ذریعہ برابر نگرانی کی جاتی ہے اور اس کا جائزہ لیا جاتا رہتا ہے۔
بچہ مزدوری قانون کے التزام کے موثر نفاذ اور این سی ایل پی اسکیم کے بحسن وخوبی نفاذ کو یقینی بنانے کے لئے ایک آن لائن پورٹل پینسل (پلیٹ فارم فار ایفیکٹیو انفورسمنٹ فار نو چائلڈ لیبر) ڈیولپ کیا گیا ہے تاکہ بہتر نگرانی اور نفاذ کے ذریعہ این سی ایل پی کو کامیاب بنایا جاسکے۔ یہ پورٹل مرکزی حکومت کو ریاستی حکومتوں ، اضلاع ، سبھی پروجیکٹ سوسائٹوں اور عام لوگوں سے جوڑتا ہے۔
ریاستوں /مرکز کے زیر انتظام علاقوں سے موصولہ اطلاعات کے مطابق گزشتہ پانچ برسوں کے دوران جن بچوں کو بچہ مزدوری سے باہر نکالا گیا ، ان کی بازآبادی کی جگہ اور انہیں فورمل ایجوکیشن سسٹم میں شامل کرایا گیا،کی مجموعی تعداد درج ذیل ہے:
|
سال
|
بچوں کی تعداد
|
|
2015-16
|
59076
|
|
2016-17
|
30979
|
|
2017-18
|
45344
|
|
2018-19
|
50284
|
|
2019-20 دسمبر 2020 تک) )
|
40050
|
رواں سال (20-2019) کے دوران مرکزی زمرے کی اسکیم –نیشنل چائلڈ لیبرپروجیکٹ، کے لئے 78.00 کرو ڑ روپے کا بجٹی التزام (نظر ثانی شدہ تخمینہ) کیاگیا ہےجس کا مقصد کام سے الگ کئےگئے بچوں کی باز آباد کاری ہے۔
لائف انشورنس کارپوریشن آف انڈیا کے ذریعہ سوشل سیکورٹی فنڈ (ایس ایس ایف) کو مینٹین کیاجارہا ہے اور اس کا مقصد پردھان منتری جیون جیوتی بیمہ یوجنا (پی ایم جے جے بی وائی) اور پردھان منتری سرکشا بیمہ یوجنا (پی ایم ایس بی وائی) اسکیموں کے ارتکاز کے تناظر میں مرکزی حکومت کے تعاون کی حصہ داری کی دستیابی ہے۔
یہ اطلاع محنت و روزگار کے مرکزی وزیر مملکت (آزادانہ چارج) جناب سنتوش کمار گنگوار نے آج لوک سبھا میں ایک سوال کے تحریری جواب میں دی۔
۔۔۔۔۔۔۔۔۔۔۔
م ن۔ م م ۔ ج۔
U- 675
(Release ID: 1602720)