তথ্য আৰু সম্প্ৰচাৰ মন্ত্ৰালয়ৰ উত্তৰ পূব মণ্ডলৰ সঞ্চালক প্ৰধান শ্ৰী এল আৰ বিশ্বনাথে মহাত্মা গান্ধীৰ ১৫০তম জন্মবাৰ্ষিকীৰ সৈতে সংগতি ৰাখি ললিতা বীণাৰে গান্ধীজীৰ প্ৰিয় ভজন ‘বৈষ্ণৱ জন তো তেনে কহিয়ে’ৰ এক বাদ্যযন্ত্ৰৰ সাংগীতিক যুগলবন্দী উৎসৰ্গিত কৰে৷ গুৱাহাটীৰ ৰিজিঅ’নেল আউটৰিচ্চ ব্যুৰ’ৰ শিল্পীসকলৰ সৈতে সঞ্চালক প্ৰধানগৰাকীয়ে এই বাদ্যযন্ত্ৰৰ সংগীত পৰিৱেশন কৰে৷

গুৱাহাটী উচ্চ ন্যায়ালয়ত ৭১তম গণতন্ত্ৰ দিৱস ভিন্ন ৰঙী কাৰ্যসূচীৰ সৈতে ধুমধামেৰে পালন কৰা হয়৷ উচ্চ ন্যায়ালয়ৰ মাননীয় মুখ্য ন্যায়াধীশ শ্ৰী অজয় লাম্বাই ৰাষ্ট্ৰীয় পতাকা উত্তোলন কৰাৰ পিছত গাৰ্ড অব্ অ’নৰ আৰু মাৰ্চ পাষ্টেৰে গণতন্ত্ৰ দিৱসৰ কাৰ্যসূচী মুকলি কৰা হয়৷

গণতন্ত্ৰ দিৱসৰ অনুষ্ঠানত ৰিজিঅ’নেল আউটৰিচ্চ ব্যুৰ’ৰ শিল্পীসকলে ভাৰতীয় গণতান্ত্ৰিক দেশপ্ৰেমীসকলক উৎসৰ্গিত কৰি ‘গণতন্ত্ৰ হামাৰা কীৰ্তিমান’ শীৰ্ষক এক অনুষ্ঠান পৰিৱেশন কৰে৷ ইয়াৰ পিছত পিআৰটিৰ দল তথা গীত আৰু নাটক শাখাৰ শিল্পীসকলে গিদা-ভাংগৰা পৰিৱেশন কৰে৷

গণতন্ত্ৰ দিৱসৰ অনুষ্ঠানত পৰিৱেশিত বিভিন্ন কাৰ্যসূচীয়ে জনসাধাৰণক আপ্লুত কৰি তুলিবলৈ সমৰ্থ হয়৷ অনুষ্ঠানত প্ৰখ্যাত বাঁহীবাদক শ্ৰী প্ৰভাত শৰ্মাই ‘দেৱগন্ধৰ’ প্ৰস্তুত কৰাৰ লগতে বিভিন্ন পৰম্পৰাগত স্থানীয় লোকবাদ্যও পৰিৱেশন কৰা হয়৷ বিহুৱা শ্ৰী হীৰেণ কুমাৰ শৰ্মাৰ নেতৃত্বত বিহু নৃত্য প্ৰদৰ্শন কৰাৰ লগতে অনুষ্ঠানটোত গুৱাহাটী উচ্চ ন্যায়ালয়ৰ হাইক’ৰ্ট বাৰ এছ’চিয়েছন, উচ্চ ন্যায়ালৰ উকীল সন্থা আৰু পঞ্জীয়কৰ বিভিন্ন সদস্যই একাধিক দলীয় গীত পৰিৱেশন কৰে৷   

(रिलीज़ आईडी: 1600599) आगंतुक पटल : 163