نئی  دہلی  16 جنوری 2020 ۔ثقافت اور سیاحت کے مرکز ی وزیر مملکت  (آزادانہ چارج ) جناب پرہلادسنگھ  پٹیل نے آج   نئی دہلی میں’انڈین ہیریٹیج  ان ڈجیٹل اسپیس ‘  کے موضوع پر ایک  ماہ طویل ایک خصوصی نمائش  ا ور پہلے  دوروزہ بین الاقوامی  ورثہ سمپوزیم کا افتتاح کیا ۔ اس نمائش کا انعقاد دہلی کے انڈین انسٹی  ٹیوٹ آف ٹکنالوجی  کے تعاون سے کیا گیا ہے ۔ یہ نمائش  15 جنوری 2020 تک عوام کے لئے کھلی رہے گی۔ اس موقع پر سائنس اور ٹکنالوجی کے محکمے کے سکریٹری  جناب آشوتوش شرما  بھی موجود تھے ۔

 

اس موقع پرتقریر کرتے ہوئے جناب پرہلادسنگھ  پٹیل نے کہا کہ ا   س نمائش کو دیکھنے آنے والے بھارت کی سماجی ،ثقافتی زندگی  اور پرانی روایات  نیز  دیواروں  پر بنائے جانے والے نقش ونگار  کی نقلوں کو  دیکھ سکیں  گے ۔ انہوں  نے کہا کہ یہ اچھا قدم ہے  اور ہیریٹیج میں ٹکنالوجی کا استعمال بہت ضروری ہے لیکن یہ استعمال  صرف تحقیق تک محدود نہیں رہنا چاہئے بلکہ  یہ  ایسے طریقے پر لوگوں  تک  پہنچنا چاہئے تاکہ وہ ہیریٹیج کے مقامات  کے اب تک  نہ  دیکھے گئے مناظر کو سمجھ سکیں اور آسانی کے ساتھ دیکھ سکیں ۔

 

جناب پٹیل نے مزید کہا کہ وزیر اعظم ہمیشہ  یہ کہتے ہیں کہ ہمارے یہاں  عالمی  معیار کا ورثہ موجود ہے اور پوری دنیا سے آنے والے لوگ  ہماری قیمتی اور تاریخی   میراث سے فیضیاب ہوتے  ہیں۔ایسی صورتحال میں  ہمیں  ٹکنالوجی کے استعمال کے ذریعہ   اس میراث کی  تاریخ اور خصوصیات کو  متعارف کرانا چاہئے ۔ جو شخص  میوزیم دیکھنے آئے اس کی رہنمائی  ٹکنالوجی کے استعمال کے ذریعہ کی جانی چاہئے تاکہ وہ اپنے دورے سے قیمتی تجربات لے کر جائے ۔

اس  خصوصی نمائش   میں ،جو بھارت میں  اپنی نوعیت کی پہلی نمائش  ہے ،   ثقافتی  ہیریٹیج کے شعبے میں  تازہ ترین  دریافتوں  کو اجاگر کیا گیا ہے ۔ ان میں    جدید ترین  ٹکنالوجیوں کا استعمال کرکے   تھری ڈی   ،  مصنوعی ذہانت    اور اسی  طرح کی دیگر  دریافتوں  کو اجاگر کیا گیا ہے ۔

۰۰۰۰۰۰۰۰۰۰۰۰۰۰۰۰۰۰۰۰۰

 

U-217

(Release ID: 1599530) Visitor Counter : 127