ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਕੇਂਦਰੀ ਮੰਤਰੀ ਮੰਡਲ ਨੇ ਆਈਆਈਐੱਫਸੀਐੱਲ ਨੂੰ ਵਿੱਤੀ ਸਾਲ 2019-20 ਵਿੱਚ 5,300 ਕਰੋੜ ਰੁਪਏ ਅਤੇ ਵਿੱਤੀ ਸਾਲ 2020-21 ਵਿੱਚ 10,000 ਕਰੋੜ ਰੁਪਏ ਦੀ ਅਤਿਰਿਕਤ ਇਕਵਿਟੀ ਸਹਾਇਤਾ ਦੇਣ  ਦੇ ਪ੍ਰਸਤਾਵ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਹ ਕੰਮ ਨਿਯਮਿਤ ਬਜਟ ਸਹਾਇਤਾ ਦੇ ਜ਼ਰੀਏ ਅਤੇ/ਪੁਨਰਪੂੰਜੀਕਰਣ ਬੌਂਡਾਂ ਨੂੰ ਜਾਰੀ ਕਰਕੇ ਪੂਰਾ ਕੀਤਾ ਜਾਵੇਗਾ । ਆਰਥਿਕ ਮਾਮਲਿਆਂ ਦਾ ਵਿਭਾਗ ਇਸ ਦੀ ਅਵਧੀ ਦੇ ਨਾਲ-ਨਾਲ ਨਿਯਮਾਂ ਅਤੇ ਸ਼ਰਤਾਂ ਨੂੰ ਤੈਅ ਕਰੇਗਾ । ਕੈਬਨਿਟ ਨੇ ਆਈਆਈਐੱਫਸੀਐੱਲ ਦੀ ਅਧਿਕਾਰਤ ਪੂੰਜੀ ਨੂੰ 6,000 ਕਰੋੜ ਰੁਪਏ ਤੋਂ ਵਧਾ ਕੇ 25,000 ਕਰੋੜ ਰੁਪਏ ਕਰਨ ਨੂੰ ਵੀ ਮਨਜ਼ੂਰੀ ਦੇ ਦਿੱਤੀ ਹੈ।

ਪ੍ਰਮੁੱਖ ਪ੍ਰਭਾਵ  :

      ਇਸ ਨਾਲ ਆਈਆਈਐੱਫਸੀਐੱਲ ਨੂੰ ਉਧਾਰੀ ਲਈ ਅਤਿਰਿਕਤ ਗੁੰਜਾਇਸ਼ ਰੱਖਣ ਵਿੱਚ ਮਦਦ ਮਿਲੇਗੀ, ਜਿਸ ਨਾਲ ਇਹ ਅਗਲੇ ਪੰਜ ਵਰ੍ਹਿਆਂ ਵਿੱਚ ਬੁਨਿਆਦੀ ਢਾਂਚਾ ਖੇਤਰ ਵਿੱਚ 100 ਲੱਖ ਕਰੋੜ ਰੁਪਏ ਨਿਵੇਸ਼ ਕਰਨ ਸਬੰਧੀ ਭਾਰਤ ਸਰਕਾਰ ਦੇ ਟੀਚੇ ਦੇ ਅਨੁਰੂਪ ਵੱਡੇ ਬੁਨਿਆਦੀ ਢਾਂਚਾਗਤ ਪ੍ਰੋਜੈਕਟਾਂ ਦੇ ਵਿੱਤ ਪੋਸ਼ਣ ਦੇ ਸਮਰੱਥ ਹੋ ਜਾਵੇਗੀ ।

 

******

ਐੱਸਸੀ/ਪੀਕੇ/ਐੱਸਐੱਚ

(रिलीज़ आईडी: 1596631) आगंतुक पटल : 130