سماجی انصاف اور تفویض اختیارات کی وزارت
نوجوانوں میں منشیات کا استعمال
Posted On:
10 DEC 2019 3:38PM by PIB Delhi
نئی دہلی، 10 دسمبر 2019، سال 2018 کے دوران ملک میں منشیات کے استعمال کے پھیلاؤ اور پیٹرن کا ریاست وار پتہ لگانے کےلئے ایک قومی سروے کرایا گیا تھا۔ اس سروے سے جو نتائج اخذ ہوئے، اس پر مبنی رپورٹ سے پتہ چلتا ہے کہ 10 سے 75 سال کی عمر کی ہندوستانی آبادی مختلف قسم کی منشیات کا استعمال کرتی ہے۔ اس میں وہ لوگ بھی شامل ہیں جو منشیات کے استعمال کی وجہ سے کسی طرح کی کجی سے متاثر ہیں۔ رپورٹ کے مطابق حال میں جو لوگ مختلف قسم کی منشیات کا استعمال کررہے ہیں ، ان کا فیصد اور ایسے افراد کی تخمینہ تعداد درج ذیل ہے۔
وزارت داخلہ کے تحت کام کرنے والے نیشنل کرائم ریکارڈ بیورو نے بتایا کہ 2014، 2015 اور 2016 میں منشیات کا معینہ مقدار سے زیادہ استعمال کرنے کے سبب ملک میں بالترتیب 874، 770 اور 778 افراد کی موت ہوگئی، ان میں سے 14 سے 45 سال کی عمر کے درمیان کے 543، 493 اور 471 افراد کی موت بالترتیب 2014، 2015 اور 2016 کے دوران ہوئی۔
نیشنل سروے اس لئے کرایا گیا تھا تاکہ 8 زمرے کی منشیات سے متعلق تخمینے حاصل کئے جاسکیں۔ یہ زمرے ہیں؛ الکحل، کینابیز، اوپیو آئیڈز، کوکین، ایم فیٹامیم، ٹائپ اسٹیمولینٹس (اے ٹی ایس)، سیڈیٹیوس، انہلینس اور ہیلوسینو جینس۔ رپورٹ کے مطابق ہندوستانی لوگ سب سے زیادہ الکحل کا استعمال کرتے ہیں۔ الکحل کے بعد کینابیز اور اوپیو آئیڈز ہندوستان میں سب سے زیادہ استعمال میں لائی جانے والی منشیات ہیں۔
سماجی انصاف و تفویض اختیارات کی وزارت نے ایک قومی کارروائی منصوبہ تیار کیا ہے اور اس کا نفاذ کررہی ہے تاکہ سال 2018 سے 2025 کے دوران منشیات کی مانگ میں کمی لائی جاسکے۔ اسے نیشنل ایکشن پلان فار ڈرگ ڈیمانڈ ریڈکشن (این اے پی ڈی ڈی آر) کا نام دیا گیا ہے۔ اس منصوبے کا مقصد مختلف طرح کی حکمت عملیوں کو بروئے کار لاکر منشیات کے منفی بتائج میں کمی لانا ہے۔ این اے پی ڈی ڈی آر کے تحت جو سرگرمیاں انجام دی جاتی ہیں، ان میں اسکولوں / کالجوں/ یونیورسٹیوں میں بیداری پروگرام چلانا، والدین کےلئے ورکشاپ / سیمیناروں کا انعقاد ، کمیونٹی میں امکانی طور پر منشیات کی زد میں آنے والے کم عمر نوجوانوں اور جوانوں کے لئے کمیونٹی پر مبنی بات چیت اور مداخلتی پروگراموں کاانعقاد ، علاج و معالجے کی سہولتیں دستیاب کرانا اور سروس پرووائڈر کی صلاحیت سازی شامل ہیں۔
وزارت الکحل اور منشیات کے استعمال کی روک تھام کے لئے ایک امدادی مرکزی شعبے کے اسکیم کا بھی نفاذ کرتی ہے جس کے تحت اہل غیر سرکاری تنظیموں کو ریاستی حکومتوں/مرکز کے زیر انتظامات علاقوں کی سفارشات پر مالی امداد دستیاب کراتی ہے تاکہ وہ منشیات کے عادی افراد کے لئے مربوط باز آباد کاری مراکز چلا سکیں اور نوعمر افراد سمیت منشیات کے عادی لوگوں کی باز آباد کاری کے لئے مربوط خدمات دستیاب کرا سکیں۔
|
منشیات
|
بچے اور نو عمر (10 تا 17) افراد
|
بالغ (18 تا 75) افراد
|
|
پھیلاؤ
(فیصد میں)
|
منشیات کا استعمال کرنے والوں کی تخمینہ تعداد
|
پھیلاؤ
(فیصد میں)
|
منشیات کا استعمال کرنے والوں کی تخمینہ تعداد
|
|
الکحل
|
1.30
|
30,00,000
|
17.10
|
15,10,00,000
|
|
کینا بیز
|
0.90
|
20,00,000
|
3.30
|
2,90,00,000
|
|
اوپیو آئیڈز
|
1.80
|
40,00,000
|
2.10
|
1,90,00,000
|
|
سیڈیٹیوس
|
0.58
|
20,00,000
|
1.21
|
1,10,00,000
|
|
انہلینس
|
1.17
|
30,00,000
|
0.58
|
60,00,000
|
|
کوکین
|
0.06
|
2,00,000
|
0.11
|
10,00,000
|
|
اے ٹی ایس
|
0.18
|
4,00,000
|
0.18
|
20,00,000
|
|
ہیلوسینو جینس
|
0.07
|
2,00,000
|
0.13
|
20,00,000
|
یہ اطلاع سماجی انصاف اور تفویض اختیارات کے وزیر مملکت جناب رتن لال کٹاریہ نے آج لوک سبھا میں ایک تحریر جواب میں دی۔
۔۔۔۔۔۔۔۔۔۔۔
U- 5698
(Release ID: 1595780)