نئیدہلی  10دسمبر۔بھارت نے آج مزید ملکوں سے کہا کہ وہ بین الاقوامی شمسی اتحاد (آئی ایس اے ) میں  شامل ہوں تاکہ  توانائی کی  بڑھتی ہوئی ضرورت  کو پورا کرنے  کے لئے  زمین سے  نکلنے والے ایندھنوں  ( کوئلہ اور تیل وغیرہ )  پر انحصار کو کم کیا جاسکے ۔  اس کے ساتھ ہی ساتھ بھارت نے یہ اعتراف  بھی کیا کہ اس  اتحاد میں اور شمسی توانائی کی بڑھتی ہوئی صلاحیتوں  نے پوری دنیا میں زبردست ترقی کی ہے ۔ آج اسپین کے شہر میڈرڈ  میں     آب وہوا کی تبدیلی  سے  متعلق اقوام متحدہ فریم ورک کنونشن کے تحت  فریقوں کی کانفرنس  کے  25ویں اجلاس   ( یواین ایف  سی سی سی سی  او پی -25) کے موقع پر علیحدہ سے ’’سولر اینڈ دی سڈس  - میکنگ دی سن شائن  برائٹ ‘‘  کے بارے میں  مکمل وزارتی اجلاس میں تقریر کرتے ہوئے ماحولیات  ، جنگلات اور آب وہوا کی تبدیلی کے مرکزی وزیر جناب پرکاش جاوڈیکر نے کہا :’’ چار سال پہلے پیرس میں  جب وزیر اعظم  جناب نریندرمودی اورفرانس کے صدر فرینکوائے اولاندے   نے  بین الاقوامی شمسی اتحاد   ( آئی ایس اے ) کی شروعات کی تھی ، تو یہ ایک نئی شروعات تھی۔آج  میں کہہ سکتا ہوں کہ یہ چار سالہ بچہ تیزی سے بھاگ رہا ہے  لیکن اسے اور زیادہ تیز بھاگنا ہے کیونکہ  وقت کا تقاضہ ہے کہ ہم  شمسی  توانائی کو بڑے پیمانے پر بروئے کار لائیں۔

محض چار برسوں  میں آئی ایس اے  میں  83 سے  زیادہ   ملکوں  کے شامل ہونے پر اطمینان کا اظہار کرتے ہوئے جناب جاوڈیکر نے کہا :’’  جب آئی ایس اے کی شروعات کی گئی تھی تو  خیال یہ تھا کہ جو ملک  زیادہ شمسی توانائی حاصل کرتے ہیں  کیونکہ وہ  خط سرطان   اور دسویں  بُرج کے درمیان رہتے ہیں ،صارفین کی اپنی مارکیٹ تشکیل دینے  کے لئے ایک ساتھ آجائیں  گے ۔انہوں  نے مزید کہا :’’  میں آپ سب کو مبارکباددینا چاہتا ہوں  کیونکہ بین الاقوامی شمسی اتحاد نے  سولر ایگری کلچر پمپس کے بارے میں  مختلف ملکوں   کی مانگ کو  یکجا کردیا ہے  اور انہوں  نے ایک ٹینڈرجاری کیا ہے جس میں چاروں  فریقوں  نے   نیلامی کے لئے  اپنے  اپنے  کاغذات داخل کئے ہیں۔ مجھے یقین ہے کہ اس سلسلے میں جلد ہی بہترین سودا  ہوگ

 

 

جناب جاوڈیکر نے  قابل تجدیر توانائی کی صلاحیت بڑھانے  کے لئے کی جانے والی کوششوں کی تفصیل بتائی ۔  انہوں  نے کہا :’’  تمام ملکوں کو ایسا ہی کرنے کی ضرورت  ہے کیونکہ یواین ایف  سی سی سی  کا نشانہ  نہ صرف کوئلے  بلکہ زمین سے نکلنے والی تمام قسم کے ایندھنوں سے  پیچھا چھڑانے کا ہے ۔ آج ہمارے   ( بھارت ) کے  پاس  قابل تجدید طریقوں سے  37 فیصد  توانائی کی صلاحیت ہے ۔ ہم اسے بڑھانا چاہتے ہیں۔ کیونکہ توانائی کی ہماری مانگ میں اضافہ ہورہا ہے ۔اس  لئے ہم نے  قابل تجدید توانائی  --  شمسی  ، ہوائی ، بایو ویسٹ   کے ذریعہ توانائی کی صلاحیت  40 فیصد کرنے کا فیصلہ کیا ہے۔‘‘

          جناب جاوڈیکر نے  اس بات پر بھی تفصیلی روشنی ڈالی  کہ اس سے پہلے  بھارت نے آئی ایس اے شروع کرنے  کی شروعات کی تھی۔ انہوں  نے کہا :’’  وزیر اعظم نریندر مودی نے  2011  میں  جب وہ گجرات کے وزیر اعلیٰ تھے تو یہ تجویز کیا تھا کہ ہمیں  یہ اتحاد شرو ع کرنا چاہئے ۔ لیکن اس  وقت اس معاملے میں دلچسپی لینے والے بہت کم تھے۔ لیکن  آخر کار 2015  میں پیرس میں  اس کا م کی شروعات  ہوہی گئی ۔ فرانس  تعاون کررہا ہے اور دوسرے ملک بھی کررہے ہیں۔میں بین الاقوامی شمسی  اتحاد کے لئے  اپنی بہترین تمناؤں کا اظہار کرتا ہوں  ۔‘‘  ماحولیات کے وزیر نے  مزید کہا :’’  جب ہم اگلے سال گلاسگو میں  ملیں  گے تو مجھے  یقین ہے کہ آئی ایس اے  میں  مزید  پیش رفت ہوچکی ہوگی ۔‘‘ 

          سی جی کے وزیر اعظم  جناب  جوسیا  وورق   بینی ماراما   ،  بھارت سرکار کے  نئی  اور قابل تجدید توانائی کی وزارت کے سکریٹری جناب آنند کمار    اور بین الاقوامی شمسی اتحاد کے  ڈائریکٹر جنرل جناب اوپیندر ترپاٹھی بھی تقریر کرنے والوں  میں شامل تھے ۔

          آج میڈرڈ  ، اسپین میں  یواین ایف  سی سی سی سی  او پی -25  کے  موقع پر الگ سے جناب جاوڈیکر نے  برطانوی وفد سے  باہمی میٹنگ کی ۔ اس وفد کی قیادت آب وہوا کی تبدیلی کے وزیر ، بی ای آئی ایس  لارڈ   ڈنکن   کررہے تھے۔ اس موقع  پر بہت سے موضوعات پر تببادلہ خیال کیا گیا۔

 

 

 

دن میں آسٹریلیا کے وفد کے ساتھ جس کی قیادت  توانائی اور گیسوں  کے اخراج میں کمی کے محکمے کے وزیر

جناب انگس  ٹیلر  کررہے تھے ، کے ساتھ  ایک باہمی میٹنگ ہوئی ۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔ج۔رم

U-5680

(Release ID: 1595699) Visitor Counter : 98