نئی دہلی  ،03  دسمبر : ثقافت اورسیاحت کے وزیرمملکت ( آزادانہ چارج ) جناب پرہلاد سنگھ پٹیل نے آج نئی دہلی میں نیشنل میوزیم میں اس کلش کی رونمائی کی جس میں جلیاں والا باغ کے شہیدوں کی مقدس مٹی رکھی ہوئی ہے ۔

 

اس موقع پراظہارخیال کرتے ہوئے جناب پٹیل نے کہاکہ نیشنل میوزیم میں جلیاں والا باغ کی مقدس مٹی والے کلش کی رونمائی کے پیچھے اصل مقصد یہ ہے کہ ہندوستان کے نوجوانوں خصوصابچوں کو تحریک دی جائے اور آزادی کی جدوجہدکے شہیدوں کو خراج عقیدت پیش کیاجائے ۔ انھوں نے مزید کہاکہ یہ محض کوئی عام مٹی نہیں ہے بلکہ یہ عظیم تری قربانیوں کا ایک حصہ ہے اورہم چاہتے ہیں کہ ان قربانیوں کی عزت افزائی کی جائے ۔ نیشنل میوزیم آنے والے لوگ اب  جان سکیں گے کہ کس طرح  ملک کی آزادی کی جدوجہدکے دوران ان کے  آباواجداد نے قربانیاں دی تھیں ۔

یہ مقدس مٹی  ثقافت کے وزیرموصوف کی طرف سے لائی گئی تھی جب انھوں نے  تاریخی جلیاں والا باغ نیشنل میموریل کا دورہ کیا۔ قربانیوں کی زمین کی یہ مٹی 100سال کے بعدنیشنل میوزیم پہنچ گئی ہے ۔

جلیاں والاباغ میں قتل عام  13اپریل  1919میں بیساکھی فیسٹول کے دوران امرتسرمیں  اس وقت کیاگیاتھاجب کرنل ریجی نالڈ ڈائرکی زیرکمان برٹش یونین فوج نے آزادی سے پہلے کے مظاہرے کرنے والے ایک ہجوم پرگولیاں برسانا شروع کردی تھیں جس میں 41بچوں سمیت 400سے زائد لوگ ہلاک ہوگئے تھے ۔

1919میں برطانوی نوآبادیاتی نظام کے دوران قتل عام کی صدسالہ تقریب منانے کے لئے اس کلش کو نیشنل میوزیم کو عوام کو دکھانے کے لئے رکھاجائے گا۔ تاکہ نوجوان خصوصابچے وہا ں آکر ہندوستان کی آزادی کی جدوجہد کے دوران قربانیوں کے بارے میں مزید جانکاری حاصل کرسکیں اور ان سے تحریک لے سکیں ۔

 

***************

 ( م ن ۔ ح ا۔ ع آ)

U-5527

 

(ریلیز آئی ڈی: 1594772) وزیٹر کاؤنٹر : 115