نئی دہلی، 3دسمبر 2019/سال 17-2016 کے دوران  کھاد سبسڈی  سے متعلق  فوائدکی راست   منتقلی کا نظام  (ڈی بی ٹی)  9 اضلاع میں  تجرباتی بنیاد پر متعارف  کرایا  گیا تھا۔مزید برآں  ستمبر 2017 سے مارچ 2018 کے  درمیان  سبھی ریاستوں اور مرکز کے زیر انتظام علاقوں میں   اس ڈی بی ٹی نظام کو   مرحلہ وار  طریقہ سے  شروع کیا گیا ۔

کھاد ڈی بی ٹی  نظا م  کے تحت مختلف  زمروں کے   کھاد  پر دی جانے والی  سو فی صد  سبسڈی  ، استفادہ  کنندگان   کے ہاتھوں  خردہ دکانداروں  کے ذریعہ  کھاد کی   اصل فروخت   کی بنیاد پر ، کھاد کمپنیوں  کو دی جاتی ہے۔  سبسڈی   والے   سبھی کھاد   کسانوں  /خریداروں کو   پوائنٹ آف سیل  (پی او ایس) آلات  کے ذریعہ  فروخت کئے جاتے ہیں۔ یہ پی او ایس مشین  ہر  خردہ    دکان پر   لگی ہوتی ہے اور  استفادہ  کنندگان کی   نشاندہی  آدھار کارڈ ،کے سی سی ، ووٹر شناختی کارڈ  وغیرہ کے ذریعہ   کی جاتی ہے۔

آدھار پر مبنی کھادوں کی تقسیم کے  نظام (اے ای ایف ڈی ایس) کے تحت   خردہ فروشوں کے لئے یہ  لازمی ہے کہ وہ   سبھی   رعایت والی   کھاد  پوائنٹ آف سیل  مشین   کے ذریعہ فروخت کریں۔   کھادوں  کی  فروخت کی   آن لائن نگرانی    ویب پر مبنی  مربوط  کھاد  بندوبست  نظام  (آئی ایف ایم ایس) کے ذریعہ کی جاتی ہے۔ میسرز مائیکرو سیلز کےتوسط سے  نیتی آیوگ کے ذریعہ   کرائے گئے   ایک مطالعہ سے  یہ  منکشف ہوا کہ  اے ای ایف ڈی ایس   سے   حصص داروں کی  جوابدہی   بڑھی ہے،  جن میں   کھاد کے   مینوفیکچرر ،   تھوک فروخت کنندہ اور خردہ  فروش شامل ہیں۔  

تجرباتی اضلاع  میں  نیتی آیوگ کے ذریعہ  کرائے گئے   مطالعہ سے    ظاہر ہوا  کہ  کھاد کی  دوسری سمت  منتقلی میں بھی کمی آئی ہے۔  تاہم   غیر زرعی سرگرمیوں کے لئے    کس حد تک  کھاد وں کی  منتقلی ہوئی ہے   اس کی مقدار کا تعین  نہیں   ہوپایا ہے۔  

زیادہ  مانگ والے    دنوں میں  پیدا ہونے والے  مسائل  کے  ازالے کے لئے   سبھی ریاستوں  /مرکز کے زیرانتظام  علاقوں میں   زراعت کے   محکموں کو  یہ صلاح دی  گئی ہے کہ وہ   ایسی   خردہ   فروشی    دکانوں  کی نشاندہی کریں جہاں   زیادہ مانگ والے   دنوں میں    کسانوں کے زیادہ پہچنے کا امکان ہو۔

 ریاستی حکومتوں کو  صلاح دی گئی ہے کہ وہ  ایسی  خردہ   دکانوں پر ایک سے زیادہ   پی او ایس  آلات    والے   ایک سے زیادہ   فروخت  کاؤنٹر  کھولیں    تاکہ    ایسی دکانوں پر   ہونے والی   بھیڑ بھاڑ کے مسائل سے  خوش اسلوبی سے نمٹا جاسکے اور  کسانوں  اور خردہ فروشوں    ، دونوں میں سے کسی    کو دشواری نہ ہو۔

یہ اطلاع   کیمیاجات اور کھادوں کے   مرکزی وزیر  جناب  ڈی وی   سدانند گوڑا نے  آج  لوک سبھا میں   ایک تحریری جواب میں دی۔

۔۔۔۔۔۔۔۔۔۔

 

 م ن۔ م م ۔ ج۔

U- 5529

 

(ریلیز آئی ڈی: 1594769) وزیٹر کاؤنٹر : 112