نئی دہلی،29؍اکتوبر:صدر جمہوریہ ہند جناب رام ناتھ کووند نے آج یہاں چنندہ کمپنیوں کو پہلا قومی کارپوریٹ سماجی ذمہ داری (سی ایس آر ) ایوارڈ عطا کیا ہے۔ صدر جمہوریہ نے یہ قومی ایوارڈ دو زمروں میں جیتنے والی کمپنیوں کو عطا کئے۔ ان میں اول زمرے کے تحت ‘‘ کارپوریٹ ایوارڈ برائے سی ایس آر میں شاندار کارکردگی’’ اور دوسرے زمرے میں ‘‘ چیلنجنگ حالات میں سی ایس آر کا تعاون’’ کے لئے اعزازات عطا کئے گئے۔

اپنے خطاب میں جناب رام ناتھ کووند نے اپنے مشاہدے کا ذکر کرتے ہوئے کہا کہ کمپنیوں کو قومی سی ایس آر ایوارڈز کے ذریعہ معاشرے میں ان کی شراکت کے لئے پہنچانا اور تسلیم کیا جا رہا ہے۔ انہوں نے کہا کہ سی ایس آر کے ذریعہ کی شراکت ؍تعاون، بابائے قوم مہاتما گاندھی کی ٹرسٹی شپ فلسفے کا حقیقی مظہر ہے۔ انہوں نے یہ بھی نوٹ کیا کہ یہ ایوارڈز اور بھی زیادہ اہمیت کے حامل ہو جاتے ہیں کیونکہ یہ مہاتما گاندھی کے150 ویں یوم پیدائش پر تقسیم کئے جا رہے ہیں۔ انہوں نے کہا کہ سی ایس آر اب کاروباری فلسفے کا لازمی جزو بن گیا ہے کیونکہ کمپنیاں بھی ایسی سرگرمیوں کو انجام دیتی ہیں جن سے راست طور پر خواتین ، خصوصی صلاحیتوں والے افراد، دیہی علاقوں ، جھگی جھونپڑی بستیوں یا کچی آبادیوں وغیرہ سمیت غرباء اور ضرورت مند وں کو فائدہ پہنچتا ہے۔ صدر جمہوریہ نے کمپنیوں کو صحت مند اور جامع معاشروں کی تعمیر ، پائیدار اور مستحکم بازاروں ، بد عنوانی کے خلاف لڑنے اور ماحول کی حفاظت کے لئے مبارکباد دی۔ صدر محترم نے یہ بھی اعلان کیا کہ آئندہ برس سے قومی سی ایس آر ایوارڈ ہر سال 2؍ اکتوبر کو عطا کئے جائیں گے۔ انہوں نے صنعت سے مطالبہ کیا کہ وہ تمام یتیم بچوں کو اچھے معیار کی ذاتی دیکھ بھال کی فراہمی کے ہدف کے حصول کے لئے جدو جہد کریں۔

اس تقریب کو صدر جمہوریہ ہند جناب رام ناتھ کووند ، خزانے اور کارپوریٹ امور کی وزیر محترمہ سیتا رمن ، خزانے اور کارپوریٹ کے وزیر مملکت جناب انوراگ سنگھ ٹھاکر ،کارپوریٹ امور کی وزارت میں سیکریٹری ، انڈسٹری لیڈرس ، جناب انجیتی  سرینواس اور ڈی جی اور سی ای او،دوئم سی اے ، ڈاکٹر سمیر شرما نے اپنی موجودگی سے رونق بخشی۔ ان کے علاوہ آج یہاں منعقد اس قومی سی ایس آر ایوارڈ تقریب میں بڑی تعداد میں سرکاری سینئر عہدیداروں اور سی ایس آر پروفیشنلز نے بھی شرکت کی۔

قومی  کارپوریٹ امور کی وزارت نے ،قومی کارپوریٹ سماجی ذمہ داری (سی ایس آر) ایوارڈز کا قیام سی ایس آر شعبے میں کارپوریٹ اقدامات کو تسلیم کرنے کے لئے کیا ہے تاکہ جامع ترقی اور جامع اور پائیدار فروغ کو حاصل کیا جا سکے۔ وزارت کے تھنک ٹینک ، انڈین انسٹی ٹیوٹ آف کارپوریٹ افیئرز ان ایوارڈز کے انعقاد کے عمل میں تکنیکی اور لاجسٹک مدد فراہم کی ہے۔

 ایوارڈز کے تیسرے زمرے یعنی‘‘ قومی ترجیحی علاقوں میں سی ایس آر کا تعاون ’’ میں جیتنے والی کمپنیوں کو وزیر خزانہ محترمہ سیتا رمن نے ایوارڈ ز سے سرفراز کیا۔ اپنے خطاب میں وزیر خزانہ نے کہ اکہ سی ایس آر نہ صرف فنڈس مہیا کراتی ہے بلکہ یہ جامع طور پر معاشروں کے تئیں کارپوریٹ تعاون ہے جو اہمیت کا حامل ہے۔ محترمہ سیتا رمن نے زور دے کر کہا کہ کمپنیوں کو ملک کے شمال مشرقی علاقوں کے فروغ کے لئے کوشش کرنی چاہئے۔ انہوں نے صنعت کو یقین دہانی کرائی کہ قانون کا نفاذ کرتے وقت ، سی ایس آر کی بنیادی روح کو تحفظ فراہم کیا جائے گا۔ انہوں نے مزید کہا کہ ایم سی اے ، کمپنیوں کو آگے آنے اور سی ایس آر کو اپنانے پر مجبور نہیں کرے گی بلکہ ان کی حوصلہ افزائی کرے گی۔ انہوں نے ہندوستانی کمپنیوں کے ذریعہ سی ایس آر سرگرمیوں پر ایک کافی ٹیبل کتاب کا اجراء کیا۔ اس کافی ٹیبل کتاب کی پہلی کاپی محترمہ سیتا رمن نے صدر جمہوریہ کو پیش کی۔ کتاب میں، سی ایس آر سرگرمیوں کے زمینی سطح پر اثرات پر نمایاں توجہ مرکوز کی گئی ہے۔

تمام تینوں  زمروں کے ایوارڈز  میں ، جن  کمپنیوں نے اعزازی  ایوارڈ  حاصل کیا ، انہیں جناب  انوراگ   سنگھ ٹھاکر  نے اعزاز سے سرفراز کیا ۔ اپنے خطاب میں  ، انہوں نے  مختلف  شعبوں  ، جیسے  کھیلوں ،  صاف گنگا ، تعلیم ، صحت ، دویانگ  اور  ہنر اور  معاش  وغیرہ   میں کمپنیوں   کے تعاون  پر روشنی  ڈالی ۔ انہوں نے   مزید کہا کہ  کمپنیوں کے سی ایس آر   پروگراموں  نے   دِویانگ لوگوں   سے متعلق   ، ان کھیلوں کے لئے ، جن کی طرف  کم توجہ دی جاتی ہے ،  کھیلوں کے لئے  بنیادی ڈھانچہ  تیار کرنے اور  کھیلوں  کے عملے کی تربیت  کے لئے اچھے  نتائج برآمد کئے ہیں ۔

سی ایس آر  فریم ورک  کا جائزہ لینے اور زیادہ  مضبوط  اور مربوط  سی ایس آر  ریگو لیٹری اور پالیسی فریم ورک تیار کرنے کے لئے ، کارپوریٹ امور  کی وزارت کے سکریٹری جناب انجیتی   سری نواس  نے کہا کہ  سی ایس آر محض  انسان دوسی کا کام نہیں ہے بلکہ اب یہ معاشرے اور ماحول  کے تئیں کاروباری ذمہ داریوں  سے بالا تر ہے ۔   انہوں نے حکومت کی حالیہ اہم پالیسی اقدامات کی وضاحت کی ۔ انہوں نے جیوری کے قومی سطح کے اداروں کے  ماہرین کے ذریعہ ایوارڈز کے قیام کے عمل میں سخت محنت اور  فہرستوں  کی شارٹ  لسٹنگ  ، تفصیلی  گزارشات  ، میدانی سطح  پر تصدیق  پر مشتمل  تین مراحل کی  ستائش کی ۔ انہوں نے مزید کہاکہ  حکومت  ، سی ایس آر  کے وسائل کے مالی  فرق کے طور پر  نہیں دیکھتی ہے ۔  اس کے بجائے  ، وہ اسے ملک میں   مدت  سے  زیر  التواء  چیلنجوں سے  نمٹنے میں  ٹیکنا لوجی اور اختراع  کی فراہمی کے طور پر   دیکھتی ہے ۔ 

انڈین انسٹی ٹیوٹ آف کارپوریٹ افیئرس کے ڈی جی اور سی ای او ڈاکٹر سمیر شرما نے شکریہ تحریک پیش کی، جس میں انہوں نے مختلف حصص داروں کی خدمات کا اعتراف کیا، جن میں مرکزی و ریاستی حکومتیں، صنعتی ادارے، پیشہ ورانہ ادارے، اکیڈمک ادارےشامل ہیں۔ انہوں نے اس موقع پر موجود گی کے لئے صدر جمہوریہ ، خزانہ اور کارپوریٹ امور کی وزیر اور خزانہ و کارپوریٹ امور کے وزیر مملکت کا بھی شکریہ ادا کیا۔

قومی سی ایس آر ایوارڈز ان  کارپوریٹس کے خدمات کے اعتراف کے لئے قائم کئے گئے ، سی ایس آر کے شعبے میں جن کے اقدامات کا مقصد شمولیت پر مبنی اور پائیدار ترقی کا حصول ہے۔کمپنیوں کو یہ ایوارڈز سی ایس آر، چیلنجنگ ماحول میں ان کی کوششوں، توقعاتی اضلاع ، دشوار گزار؍مخدوش علاقوں اور قومی ترجیحی شعبہ جات کے تئیں ان کے اسٹریٹیجک نقطہ نظر کی بنیاد پر دیئے گئے۔کمپنیوں کی درخواست اور سی ایس آر ماہرین کے ذریعے آزادانہ تجزیے پر مبنی رپورٹ اور جوری کے فیصلے کی بنیاد پر تین زمروں میں 19انعام یافتگان اور 19حوصلہ افزائی انعامات کا اعلان کیا گیا، جس کی فہرست حسب ذیل ہے:

مختلف زمروں کے ایوارڈز یافتگان:

 

مختلف زمروں کے لئے حوصلہ افزائی انعامات:

 

 

 

 

****************

 

م ن۔م م۔ن ع

 

U: 4816

(Release ID: 1589494) Visitor Counter : 187