ਸੜਕ ਟ੍ਰਾਂਸਪੋਰਟ ਅਤੇ ਰਾਜ ਮਾਰਗ ਮੰਤਰੀ ਅਤੇ ਐੱਮਐੱਸਐੱਮਈ ਸ਼੍ਰੀ ਨਿਤਿਨ ਗਡਕਰੀ ਨੇ ਅੱਜ ਨਵੀਂ ਦਿੱਲੀ ਵਿੱਚ ਆਪਣੇ ਮੰਤਰਾਲੇ ਦੀ ਨਵੀਂ ਵੈੱਬਸਾਈਟ ਲਾਂਚ ਕੀਤੀ । ਨਵੀਂ ਵੈੱਬਸਾਈਟ ਵਿੱਚ ਇੱਕ ਡੈਸ਼ਬੋਰਡ ਹੈ ਜੋ ਰਾਜ ਮਾਰਗ ਨਿਰਮਾਣ, ਭੂਮੀ ਅਧਿਗ੍ਰਹਿਣ, ਫਾਸਟੈਗਸ ਆਦਿ ਬਾਰੇ ਡੇਟਾ ਦਿੰਦਾ ਹੈ । ਇਹ ਦੇਸ਼ ਵਿੱਚ ਵਾਹਨਾਂ ਦੇ ਰਜਿਸਟੇਸ਼ਨ ਬਾਰੇ ਰਾਜ ਵਾਰ ਅਤੇ ਮਹੀਨੇ ਵਾਰ ਡੇਟਾ ਵੀ ਦਿੰਦਾ ਹੈ ।

ਸੜਕ ਟ੍ਰਾਂਸਪੋਰਟ ਅਤੇ ਰਾਜ ਮਾਰਗ ਰਾਜ ਮੰਤਰੀ ਜਨਰਲ (ਰਿਟਾਇਡ) ਵੀਕੇ ਸਿੰਘ, ਸਕੱਤਰ ਸ਼੍ਰੀ ਸੰਜੀਵ ਰੰਜਨ, ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਟੀ ( ਐੱਨਐੱਚਏਆਈ ) ਦੇ ਚੇਅਰਮੈਨ ਸ਼੍ਰੀ ਐੱਨਐੱਨ ਸਿਨਹਾ ਅਤੇ ਮੰਤਰਾਲੇ ਦੇ ਹੋਰ ਸੀਨੀਅਰ ਅਧਿਕਾਰੀ ਵੀ ਇਸ ਮੌਕੇ ਉੱਤੇ ਹਾਜ਼ਰ ਸਨ ।

ਇਸ ਅਵਸਰ ਉੱਤੇ ਸ਼੍ਰੀ ਗਡਕਰੀ ਨੇ ਕਿਹਾ ਕਿ ਉਨ੍ਹਾਂ ਦੇ ਮੰਤਰਾਲੇ ਨੇ ਮੋਟਰ ਵਾਹਨ ਐਕਟ 2019 ਨੂੰ ਲਾਗੂ ਕਰਨ ਲਈ ਕਦਮ ਉਠਾਏ ਹਨ । ਉਨ੍ਹਾਂ ਨੇ ਕਿਹਾ ਕਿ ਜਿਨ੍ਹਾਂ 63 ਉਪਖੰਡਾਂ ਲਈ ਨਵੇਂ ਨਿਯਮ ਬਣਾਉਣ ਦੀ ਲੋੜ ਨਹੀਂ ਹੈ , ਉਨ੍ਹਾਂ ਨੂੰ ਕਾਨੂੰਨ ਮੰਤਰਾਲੇ ਕੋਲ ਸੰਸ਼ੋਧਨ ਲਈ ਭੇਜ ਦਿੱਤਾ ਗਿਆ ਹੈ । ਕਾਨੂੰਨ ਮੰਤਰਾਲੇ ਵੱਲੋਂ ਪ੍ਰਵਾਨਗੀ ਮਿਲਣ ਉੱਤੇ , ਇਨ੍ਹਾਂ ਉਪਖੰਡਾਂ ਨੂੰ 1 ਸਤਬੰਰ ਤੋਂ ਲਾਗੂ ਕੀਤੇ ਜਾਣ ਦੀ ਸੰਭਾਵਨਾ ਹੈ । ਇਹ ਉਪਖੰਡ ਜੁਰਮਾਨੇ , ਲਾਈਸੈਂਸ , ਰਜਿਸਟੇਸ਼ਨ , ਰਾਸ਼ਟਰੀ ਟ੍ਰਾਂਸਪੋਰਟ ਨੀਤੀ ਆਦਿ ਨਾਲ ਸਬੰਧਿਤ ਹਨ । ਜਿਨ੍ਹਾਂ ਹੋਰ ਉਪਖੰਡਾਂ ਬਾਰੇ ਨਿਯਮਾਂ ਨੂੰ ਤਿਆਰ ਕੀਤਾ ਜਾਣਾ ਹੈ , ਉਨ੍ਹਾਂ ਬਾਰੇ ਸ਼੍ਰੀ ਗਡਕਰੀ ਨੇ ਦੱਸਿਆ ਕਿ ਇਸ ਦੇ ਲਈ ਮੰਤਰਾਲੇ ਨੇ ਪਹਿਲਾਂ ਹੀ ਕਦਮ ਉਠਾਏ ਹਨ । ਉਨ੍ਹਾਂ ਨੇ ਕਿਹਾ ਕਿ ਪ੍ਰਕਿਰਿਆ ਪੂਰੀ ਹੋਣ ਉੱਤੇ ਨਿਯਮਾਂ ਨੂੰ ਅਧਿਸੂਚਿਤ ਕੀਤਾ ਜਾਵੇਗਾ । ਸ਼੍ਰੀ ਗਡਕਰੀ ਨੇ ਪ੍ਰਸੰਨਤਾ ਵਿਅਕਤ ਕਰਦਿਆਂ ਕਿਹਾ ਕਿ ਮੋਟਰ ਵਾਹਨ ਐਕਟ, 2019 ਇੱਕ ਅਸਲੀਅਤ ਬਣ ਗਿਆ ਹੈ । ਇਹ ਦੇਸ਼ ਨੂੰ ਇੱਕ ਸੁਰੱਖਿਅਤ ਅਤੇ ਭ੍ਰਿਸ਼ਟਾਚਾਰ ਮੁਕਤ ਸੜਕ ਟ੍ਰਾਂਸਪੋਰਟ ਪ੍ਰਣਾਲੀ ਦੇਣ ਵਿੱਚ ਕਾਫ਼ੀ ਮਦਦਗਾਰ ਸਿੱਧ ਹੋਵੇਗਾ । ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਐਕਟ ਤਹਿਤ ਇੱਕ ਰਾਸ਼ਟਰੀ ਟ੍ਰਾਂਸਪੋਰਟ ਨੀਤੀ ਲਿਆਂਦੀ ਜਾਵੇਗੀ, ਜੋ ਦੇਸ਼ ਵਿੱਚ ਇੱਕ ਕੁਸ਼ਲ, ਮਲਟੀ ਮੌਡਲ ਟ੍ਰਾਂਸਪੋਰਟ ਪ੍ਰਣਾਲੀ ਵਿਕਸਿਤ ਕਰਨ ਵਿੱਚ ਮਦਦ ਕਰੇਗੀ ।

ਸ਼੍ਰੀ ਗਡਕਰੀ ਨੇ ਇਹ ਵੀ ਉਮੀਦ ਪ੍ਰਗਟਾਈ ਕਿ ਮੋਟਰ ਵਾਹਨ ਐਕਟ - 2019 ਸੜਕ ਦੁਰਘਟਨਾਵਾਂ ਉੱਤੇ ਲਗਾਮ ਲਗਾਉਣ ਅਤੇ ਘਾਤਕ ਦੁਰਘਟਨਾਵਾਂ ਨੂੰ ਘੱਟ ਕਰਨ ਵਿੱਚ ਮਦਦ ਕਰੇਗਾ । ਉਨ੍ਹਾਂ ਨੇ ਕਿਹਾ ਕਿ ਮੰਤਰਾਲਾ ਐੱਨਐੱਚਏਆਈ ਵੱਲੋਂ ਸ਼ਨਾਖਤ ਕੀਤੇ ਗਏ 786 ਦੁਰਘਟਨਾ ਬਲੈਕ ਸਪੌਟਸ ਦੇ ਸੁਧਾਰ ਦੀ ਦਿਸ਼ਾ ਵਿੱਚ 12,000 ਕਰੋੜ ਰੁਪਏ ਖਰਚ ਕਰ ਰਿਹਾ ਹੈ । ਇਸ ਤੋਂ ਇਲਾਵਾ , ਰਾਸ਼ਟਰੀ , ਰਾਜ, ਜ਼ਿਲ੍ਹਾ ਰਾਜਮਾਰਗਾਂ ਆਦਿ ਉੱਤੇ ਬਲੈਕ ਸਪੌਟਸ ਦੇ ਸੁਧਾਰ ਲਈ 14,000 ਕਰੋੜ ਰੁਪਏ ਦੇ ਇੱਕ ਹੋਰ ਪ੍ਰੋਗਰਾਮ ਲਈ ਵਿਸ਼ਵ ਬੈਂਕ ਅਤੇ ਏਡੀਬੀ ਨਾਲ ਗੱਲਬਾਤ ਚੱਲ ਰਹੀ ਹੈ ।

ਸ਼੍ਰੀ ਗਡਕਰੀ ਨੇ ਐਲਾਨ ਕਰਦਿਆਂ ਕਿਹਾ ਕਿ ਫਾਸਟੈਗਸ ਇਸ ਸਾਲ ਦਸੰਬਰ ਤੋਂ ਸਾਰੇ ਵਾਹਨਾਂ ਲਈ ਲਾਜ਼ਮੀ ਹੋ ਜਾਣਗੇ । ਹੁਣ ਤੱਕ 52.59 ਲੱਖ ਫਾਸਟੈਗਸ ਜਾਰੀ ਕੀਤੇ ਜਾ ਚੁੱਕੇ ਹਨ । ਐੱਨਐੱਚ ਟੋਲ ਪਲਾਜਾਂ ਉੱਤੇ ਵਿਕਰੀ ਕੇਂਦਰਾਂ, ਚੌਣਵੀਆਂ ਬੈਂਕ ਸ਼ਾਖਾਵਾਂ ਆਦਿ ਜਿਵੇਂ ਕਿ ਵੱਖ-ਵੱਖ ਚੈਨਲਾਂ ਰਾਹੀਂ 22 ਪ੍ਰਮਾਣਿਤ ਬੈਂਕਾਂ ਵੱਲੋਂ ਫਾਸਟੈਗਸ ਜਾਰੀ ਕੀਤੇ ਜਾ ਰਹੇ ਹਨ । ਇਹ ਈ - ਕਾਮਰਸ ਪਲੇਟਫਾਰਮ ਉੱਤੇ ਵੀ ਉਪਲੱਬਧ ਹਨ । ਇਹ ਇੱਕ ਬੈਂਕ - ਨਿਊਟਰਲ ਫਾਸਟੈਗਸ ਹੈ ।

***

ਐੱਨਪੀ/ਐੱਮਐੱਸ

(Release ID: 1582647) Visitor Counter : 53