نئیدہلی  20 اگست ۔زراعت ،تعاون اورکسانوں کی فلاح وبہبودکے محکمے کی طرف سے 19  اگست 2019  کو   19-2018  کے لئے اہم فصلوںکی  پیداوار کے چوتھے قبل از وقت تخمینے جاری کئے گئے ۔ مختلف فصلوں کے سلسلے  میں یہ تخمینے ریاستوں  سے ملنے والی معلومات   اور دیگر ذرائع سے  حاصل ہونے والی  معلومات کی تصدیق  پر مبنی ہیں۔ 19-2018  کے لئے اہم فصلوں کی پیداوار کے چوتھے قبل از وقت تخمینوں کا موازنہ

 06-2005  کے بعدکی پیداوار  سے کیا گیا ہے ،جو مندرجہ ذیل ہے :

• 19-2018  کے دوران بڑی فصلوں کی  پیداوار کا چوتھا قبل از وقت تخمینہ اس طرح ہے:

اناج:284.95 ملین ٹن

• چاول  - 116.42  ملین ٹن(ریکارڈ )
• گیہوں -  102.19  ملین ٹن (ریکارڈ )
• موٹے  اناج- 42.95 ملین ٹن  ۔
• مکئی  - 27.23  ملین ٹن ۔
• دالیں  -23.40  ملین ٹن ۔
• چنا-  10.13  ملین ٹن ۔
• تور – 3.59  ملین ٹن ۔
• تلہن    - 32.26  ملین ٹن ۔
• سویا بین – 13.79  ملین ٹن۔
• ریپسیڈ  اورسرسوں  کا تیل -  9.34 ملین ٹن ۔
• موم پھلی کا تیل  -6.69  ملین ٹن ۔
• کپاس – 28.71  ملین  گانٹھیں ( فی  گانٹھ  170 کلوگرام ۔
• گنّا – 400.16 ملین ٹن (ریکارڈ ) 

     19-2018 کے قبل ازوقت چوتھے جائزے کے مطابق  ملک میں اناج کی کل پیداوار  284.95  ملین ٹن ہونے کی امید ہے ، جو  پچھلے  پانچ برسوں  ( 14-2013 سے  18-2017 تک ) کی  اناج کی اوسط  پیداوار سے 19.20  ملین  زیادہ ہے ۔

          19-2018  کے دوران چاول کی پیداوار  116.42 ملین ٹن کی ریکارڈ سطح  تک پہنچنے کی امید  ہے ۔چاول کی پیداوار  18-2017  کی  پیداوار  112.76   ملین ٹن  کی پیداوار سے  3.66  ملین ٹن  زیادہ ہوئی ۔ یہ پیداوار  پانچ برسوں کی اوسط  پیداوار 107.80 ملین ٹن سے 8.62 ملین ٹن زیادہ ہے۔

          گیہوں کی پیداوار  102.19  ملین ٹن کی  ریکارڈ سطح تک پہنچنے کی امید ہے ۔ جو 18-2017  کی 99.87  ملین ٹن کی پیداوار کے مقابلے میں 2.32  ملین ٹن زیادہ ہے ۔اس کے علاوہ  19-2018  کے دوران گیہوںکی  پیداوار   ،  گیہوں کی  اوسط  پیداوار  94.61  ملین ٹن سے 7.58  ملین ٹن زیادہ ہے ۔

          دالوں کی کل پیداوار  19-2018  کے دوران 23.40  ملین ٹن  ہونے کی امید ہے ،جو  پچھلے  پانچ برسوں  کی   اوسط  پیداوار  20.26   ملین ٹن سے 3.14  ملین ٹن زیادہ ہے ۔

          ملک میں  تلہن کی کل پیداوار  19-2018  کے دوران  32.26  ملین ٹن  رہنے کی امید ہے ، جو  18-2017  کی  پیداوار 31.46  ملین ٹن سے زیادہ ہے ۔اس کے علاوہ  19-2018   کے دوران تلہن کی پیداوار  ،  تلہن کی اوسط  پیداوار سے  2.61  ملین ٹن زیادہ ہے ۔

          18-2017  کے مقابلے میں 20.25  ملین  اضافے کے ساتھ ملک میں  گنے کی پیداوار  19-2018 کے دوران  400.16  ملین ٹن  زیادہ ہونے کی امید  ہے ۔ اس کے علاوہ  19-2018  کے دوران  گنے کی پیداوار  ،  گنے کی اوسط  پیداوار  349.78  ملین ٹن سے  50.38  ملین  ٹن زیادہ ہے۔

          کپاس کی  پیداوار کا اندازہ  28.71  ملین  گانٹھیں  لگایا گیا ہے ،جن میں سے ہرایک گانٹھ کا وزن  170  کلوگرام ہوگا۔ پٹسن اور میستا  کی  پیداوار کا اندازہ  9.77 ملین گانٹھیں  لگایا گیا ہے ،جس  میں سے ہرایک گانٹھ کا وزن  180  کلوگرام ہوگا۔

۰۰۰۰۰۰۰۰۰۰۰۰۰۰۰۰۰۰۰۰۰

 

U-3778

(Release ID: 1582388)