نئی دہلی، 25  جولائی  / سڑک نقل و حمل اور شاہراہوں کے وزیر جناب نتن گڈکری نے آج لوک سبھا میں ایک سوال کے جواب میں بتایا ہے کہ  ٹول آپریٹ  ٹرانسفر ماڈل یعنی محصول کے تحت چلاؤ اور منتقل کرو کے طریقے کے تحت  مجموعی طور پر 6400 کلو میٹر  کی طوالت  والی قومی شاہراہوں کے پروجیکٹ کی شناخت کی گئی ہے ۔   ٹی او ٹی کے تحت پہلا بنڈل ، جس کی طوالت 680 کلو میٹر ہے ، میسرز ایم اے آئی ایف  انویسٹمنٹس  انڈیا پرائیویٹ لمیٹیڈ اور  اشوک بلڈ کون  لمیٹیڈ کنسورشیم کو  ایوارڈ کیا گیا ہے اور یہ ایوارڈ اِن دونوں فرموں کو  9681.5  کروڑ روپئے کی رعایتی فیس پر  ملا ہے ۔ قومی شاہراہ اتھارٹی آف انڈیا کو  ،  اِس سلسلے میں 9681.5 کروڑ روپئے 28 اگست ، 2018 ء کو حاصل ہوئے ہیں اور ٹی او ٹی بنڈل 1 پروجیکٹ  28 اگست ، 2018 ء سے کام کرنے لگا ہے ۔ ٹی او ٹی بنڈل 2 کے تحت بولیاں 6 اگست ، 2018 ء سے طلب کی گئی تھیں اور اس سلسلے میں 19 دسمبر ، 2018 ء تک  تین بولیاں موصول ہوئیں ۔  تاہم بولی لگانے کے عمل کو  ملتوی کر دیا گیا کیونکہ سب سے زیادہ بولی لگانے والی فرم یعنی میسرز کیوب کی جانب سے بھی بہت کم سطح کی بولی ( یہ بولی اتھارٹی کے ذریعے تخمینہ شدہ ابتدائی تخمینہ جاتی لاگت رعایت  سے بھی 14 فی صد کم تھی ) لگائی گئی تھی ۔  ٹی او ٹی بنڈل 3 کے لئے بولیاں 13 جون ، 2019 ء کو طلب کی گئی ہیں اور اس کے لئے مقررہ تاریخ 11 ستمبر ، 2019 ء ہے ۔

 

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( م ن     ۔  ع ا  )      (25– 07 – 2019 )

U. No.3433

 

 

(Release ID: 1580344)