نئیدہلی15 جولائی ۔5.6  لاکھ سے زیادہ گاؤوں ، 622 اضلاع  اور 30  ریاستوں  / مرکز کےزیرانتظام علاقوں کو  سووچھ  بھارت مشن   (گرامین )  کےتحت  دیہی علاقوں  میں  کھلے میں رفع حاجت سے پاک قراردئے جانے کے ساتھ،جل شکتی  کی وزارت کے  پینے کے پانی  اور حفظان صحت کے محکمے نے،  نئی  دہلی میں  12 اور 13 جولائی  2019  کو   اوڈی ایف پلس اور پانی کے تحفظ کے بارے میں  ایک دوروزہ ورکشاپ کا انعقاد کیا۔ 29 ریاستوں /مرکز کے زیر انتظام علاقوں کے حفظان صحت کے انچارج سکریٹریوں   ، مشن ڈائریکٹروں  اورریاستی سطح  کے اہم  اہلکاروں نے اس ورکشاپ  میں شرکت کی ۔

          جل شکتی کی وزارت کے وزیر مملکت   جناب رتن لال کٹاریا  نے اس  موقع پر اظہار خیال کرتے ہوئے کہا :’’  2014  میں  وزیر اعظم نے  سووچھ  بھارت مشن  ( ایس  بی ایم ) شروع  کیا تھا اور اب لوگوں کے تعاون سے ہم  اکتوبر  2019  میں  اس مشن کی 100فیصد کامیابی کی طرف آگے بڑھ رہے ہیں ۔ ایس  بی ایم کی طرح   جل شکتی ابھیان   کی طرف  آگے قدم  بڑھاکر لوگوںکی مددسے  اس ابھیان کو  ایک کامیاب جن آندولن بنانا  ہے۔‘‘

          وزیر موصوف نے  کھلے میں رفع  حاجت سے گریز کرنے  اور اسی طرح کی دیگر سرگرمیاں  چلانے کےلئے ریاستوں اور اضلاع کے مابین  صحت مند مقابلہ آرائی کو فروغ دینے کی خاطر سولڈ   لکوڈ ویسٹ منجمنٹ   ( ایس  ایل ڈبلیو  ایم  ) ڈیش  بورڈ   ،  اوڈی ایف  پلس  ایڈوائزری  اور اوڈی ایف پلس  اینڈ  سووچھ  گرام درپن  موبائل ایپلی کیشن  کی شروعات کی ۔

          اس ورکشاپ  میں  موضوع  کے لحاظ  سے  پانچ  تکنیکی اجلاس ہوئے : دیہی علاقوں  میں    بایو گریڈڈ  ویسٹ منجمنٹ  ،دیہی علاقوں  میں    پلاسٹک  ویسٹ  منجمنٹ   ، دیہی علاقوں میں گرے واٹر منجمنٹ  ،دیہی علاقوں  میں فیکل  سلج   منجمنٹ   ( ایف ایس  ایم  ) اور پانی کے تحفط  نیز بارش  کے پانی کو جمع کرنے کا  منجمنٹ  ۔ ورکشاپ کے ایک حصے کے طور پر دہلی کے  آئی سی اے آر کیمپس  میں   ایک  نمائش  بھی لگائی  گئی جس  میں  اوڈی ایف  پلس  کے تحت  مختلف  سرگرمیوں  کو دکھایا گیا ۔اس  کے علاوہ   پانی  کے تحفظ کی اہمیت کو اجاگر کرنے کے لئے   ورکشا پ  میں شرکت کرنے والوں  کو  محتلف  مقامات پر گھمایا گیا ۔

           جل شکتی کی وزارت کے  ڈی ڈی ڈبلیو  ایس کے سکریٹری   جناب پرمیشورم ائیر  نے   چار  سرگرمیوں کی  طرف  توجہ دلائی  یعنی پانی کا تحفظ   ،   ذرائع  کو  پائیدار بنانا ،  پائپ والے  پانی کی فراہمی  اور  گرے واٹر کا بندوبست   ۔  اس  موقع  پر اظہار خیال کرتے ہوئے انہوں  نے  کہا :’’  او ڈی ایف  کے ذریعہ جو رفتار قائم  کی گئی ہے ،اسے برقرار رکھنے  پر ہماری توجہ مرکوز رہنی چاہئے ۔ہمیں  گرے واٹر بندوبست  پر خصوصی توجہ رکھتے ہوئے   ٹھوس  اور رقیق کچرے کے  بندوبست  کی کوششوں  میں تیزی لانی چاہئے ۔ ہم نے  ایک طویل سفرطے  کیا ہے اور یہ سفر ایس  بی ایم کو  ایک  جن آندولن  بنانے کے سلسلے میں تمام لوگوں کی کوششوںسے  کامیاب ہوسکا ہے ۔‘‘

          ورکشاپ  میں  جن سرکردہ شخصیات نے شرکت کی اور اپنے مقالے  پیش  کئے ان  میں  عالمی بینک  کے  ایل ڈبلیو  ایم  ماہر  جناب  شری کانت نوریکر ، مدھیہ پردیش  کے دیہی ترقیات کے  ڈپٹی کمشنر  ڈاکٹر سدھیر جین ، این ای ای آر آئی  ناگپور کے  پرنسپل سائنٹسٹ   ڈاکٹر راجیش   بینی  والے  ،   جموں وکشمیر کی  لیہہ  ضلع کی ڈپٹی کمشنر  محترمہ  آونی لواسہ    ،آئی اے آر آئی ،  آئی سی اے آر  کی  پرنسپل سائنٹسٹ  ڈاکٹر  نیلم  پٹیل  ، آبی وسائل  کی مرکزی  وزارت کے  سینٹرل  گراؤنڈ واٹر بورڈ  (سی  ڈبلیو  جی بی  ) کے  ریجنل ڈائریکٹر   جناب سنجے مرواہا   اور  دیہی ترقیات کی وزارت کے زمینی وسائل کے محکمے  (واٹر شیڈ  منجمنٹ  )  کے جوائنٹ سکریٹری  جناب  اوما کانت     شامل تھے ۔

۰۰۰۰۰۰۰۰۰۰۰۰۰۰۰۰۰۰۰۰۰

 

U-3113

(Release ID: 1578725) Visitor Counter : 92