نئی دہلی، 3 جولائی  / شمال مشرقی  خطہ کی ترقی ( ڈی او این ای آر  ) کے وزیر مملکت  ( آزدانہ چارج ) ، وزیر اعظم کے دفتر  ، عملہ ، عوامی شکایات اور پنشن  ، ایٹمی توانائی اور خلاء کے وزیر مملکت  ڈاکٹر جتندر سنگھ نے ایک سوال کے تحریری جواب میں آج  لوک سبھا  کو بتایا کہ ایسی ملازمین ، جو کہ تنہا  ماں ہیں  ، کے کاندھوں  پر پڑنے والی اضافی  ذمہ داری  کو تسلیم کرتے ہوئے ساتویں مرکزی تنخواہ کمیشن ( سی پی سی ) کی سفارشات  کی بنیاد پر حکومت  نے اپنے 11 دسمبر  ، 2018 ء کے نوٹفکیشن  کے ذریعہ  تنہا خاتون سرکاری  ملازم کے لئے ایک کیلنڈر  سال میں تین بار سے لے کر  6 بار تک سی سی ایل کی سہولت  حاصل کرنے کی شرائط کو نرم کیا ہے ۔

          مزید براں ، ساتویں مرکزی تنخواہ  کمیشن ( سی پی سی )  نے یہ پایا ہے کہ  سی سی ایل کو فلاحی قدم کے طور پر  دیکھا  جاتا ہے  ۔ اس سہولت  سے صرف اس لئے  استفادہ کیا جاتا ہے کیونکہ  یہ آسان  ہے  ۔ اس لئے اس میں  کچھ شرائط  عائد کرنے کی ضرورت ہے  تاکہ   اس اسکیم سے صرف اصل میں متاثرہ  ملازمین ہی استفادہ کر سکیں ۔ حکومت نے اس سلسلہ میں ساتویں  سی پی سی کی سفارشات  کو تسلیم کیا ہے اور اس پر عمل درآمد  شروع کر دیا ہے ۔ مذکورہ بالا نوٹفکیشن  کے مطابق  سی سی ایل  کے پہلے 365 دنوں کے لئے صد فی صد  تنخواہ  ادا کی جائے گی اور اگلے 365 دنوں کے لئے تنخواہ  کا  80 فی صد ادا کیا جائے گا ۔

   

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( م ن     ۔ش س   ۔ ع ا  )      ( 03– 07 – 2019 )

U. No.2781

 

(Release ID: 1576871)