نئی دہلی ،2 ؍جولائی  :وزیراعظم ، جناب نریندرمودی کے زیرقیادت این ڈی اے حکومت کے اہم منصوبوں میں زراعت ، دیہی ترقی پانی کے تحفظ اور اس کے مناسب استعمال کے معاملات شامل ہیں ۔ اپنا وعدہ پوراکرتے ہوئے اوراس کے نتیجے میں نیتی آیوگ کی گورننگ کونسل کی میٹنگ کے مذاکرات کے نتیجے میں وزیراعظم نے ‘ بھارت کی زراعت میں تبدیلی ’کے سلسلے میں وزرائے اعلیٰ کی ایک اعلیٰ اختیاراتی کمیٹی تشکیل دی ہے ۔ اس کی تفصیل مندرجہ ذیل ہے :

1۔ جناب دیویندرفرنویس ، وزیراعلیٰ مہاراشٹر:کنوینر

2۔ جناب ایچ ڈی کماراسوامی  ، وزیراعلی کرناٹک :ممبر

3۔جناب منوہرلال کھٹر، وزیراعلیٰ ہریانہ :ممبر

4۔ جناب پیما کھانڈو ، وزیراعلیٰ اروناچل پردیش :ممبر

5۔جناب وجئے روپانی ، وزیراعلیٰ گجرات :ممبر

6۔ جناب یوگی آدیتیہ ناتھ ، وزیراعلیٰ اترپردیش :ممبر

7۔ جناب کمل ناتھ ، وزیراعلیٰ مدھیہ پردیش :ممبر

8۔ جناب نریندرسنگھ تومر ، زراعت ، دیہی ترقیات اور پنچایتی راج کے وزیر  جی اوایل :ممبر

9۔ جناب رمیش چند ، ممبرنیتی آیوگ :ممبرسکریٹری

          کمیٹی کا دائرہ کار  میں حسب ذیل باتیں شامل ہونگی ،

زراعت میں تبدیلی اورکسانوں کی آمدنی بڑھانے نیز ریاستوں اورمرکز کے زیرانتظام علاقوں کی اصلاحات کے نتیجے میں وقت پرپوراہونے والی تجاویز اورطریقہ کارپرتبادلہ خیالات کیا ۔

ریاست /مرکز کے زیرانتظام علاقوں کی زرعی مصنوعات اورمویشیوں کی مارکیٹنگ ( فروغ اورآسانی ) قانون ،2017 ( اے پی ایل ایم قانون ، 2017 ) کے بارے میں  زراعت اورکسانوں کی فلاح وبہبود کی وزارت کی طرف سے اجرأ

          یہ کمیٹی مارکیٹ اصلاحات کو ای ۔نیم ، گرام اورمرکزی نگرانی والی دیگر متعلقہ اسکیموں کے ساتھ منسلک کرنے کے طریقے تجویز کریگی ۔ یہ کمیٹی زرعی برآمدات کو فروغ دینے ، خوراک کو ڈبہ بند کرنے کی ترقی ، جدید مارکیٹ ڈھانچے کے لئے سرمایہ کاری راغب کرنے کے معاملے میں پالیسی اقدامات تجویز کریگی ۔

 زرعی ٹکنالوجی کو عالمی معیارتک لے جانے کے طریقے تجویز کریگی  اور معیاری بیج تک کسانوں کی رسائی کو بہتربنا ئےگی ۔

          زرعی سیکٹرمیں تبدیلی لانے اورکسانوں کی آمدنی بڑھانے کے لئے کوئی بھی متعلقہ اصلاح تجویز کریگی  ۔

          وزرائے اعلیٰ کی اعلیٰ سطح کی کمیٹی اپنے نوٹیفکیشن کے دوماہ کے اندراندر اپنی رپورٹ پیش کرگی ۔

          زرعی سیکٹرمیں تبدیلی سے متعلق وزرائے اعلیٰ کی اعلیٰ سطح کی  کمیٹی کی نگرانی نیتی آیوگ کریگا۔

۔۔۔۔۔۔۔۔۔۔۔۔۔۔

) م ن ۔ج ۔ع آ۔)

U-2740