نئی دہلی، یکم جولائی  / حکومت نے ای – چالان نظام نافذ کیا ہے تاکہ  نشے کی حالت میں گاڑی چلانے ، مقررہ رفتار سے زیادہ تیز گاڑی چلانے  اور  ٹریفک  سے متعلق  دیگر قوانین جیسی خلاف ورزیوں پر  موثر طریقے سے  قدغن لگایا جا سکے ۔     یہ ایک مربوط  اطلاعاتی ٹیکنا لوجی  پر مبنی  تنفیذی حل ہے ، جس کا مقصد  ٹریفک سے متعلق  قوانین کی  خلاف ورزیوں کو منضبط کرنا ہے ۔ یہ کام  ایک  اینڈرائیڈ پر مبنی  موبائل ایپ   اور بیک – اینڈ ویب ایپلی کیشن کے توسط سے  کیا جاتا ہے  ۔ یہ ایپ  ٹرانسپورٹ انفورسمنٹ وِنگ اور ٹریفک پولیس کے لئے  بنایا گیا ہے ۔

          ای چالان سسٹم   کا نفاذ  بہار  ، چنڈی گڑھ ، دلّی ، گجرات ، ہریانہ ، ہماچل پردیش ، مہاراشٹر ، اڈیشہ ، راجستھان ، تمل ناڈو ، اتر پردیش ، اترا کھنڈ ، جموں و کشمیر ، پنجاب اور پڈوچیری  میں فی الحال کیا جا رہا ہے ۔

          یہ  اطلاع  سڑک نقل و حمل اور شاہراہوں کے مرکزی وزیر جناب نتن گڈکری نے آج راجیہ سبھا میں  ایک سوال کے  جواب میں دی  ۔

 

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( م ن     ۔  م م ۔ ع ا  )      ( 01– 07 – 2019 )

U. No.2736

 

(ریلیز آئی ڈی: 1576563) وزیٹر کاؤنٹر : 85