نئی دہلی، 28  جون / مصر کے ساتھ بھارت کے تعلقات  کی اہمیت  اجاگر کرنے اور  بھارتی بحریہ کے اثر و رسوخ میں اضافے اور اس کے عملی دائرۂ کار کے اظہار کے طور پر بھارتی بحریہ   کا بحری جہاز ترکش  28 جون ، 2019 ء کو تین روزہ دورے پر  الیگژینڈریا پہنچا ہے ۔ یہ سفر  مغربی  بیڑے  کے سمندر پار کی    تعیناتی کا ایک حصہ ہے ۔ 

 

          ترکش کے اس سفرکے دوران  مصری بحریہ کے ساتھ  پیشہ ورانہ ربط و ضبط کا منصوبہ بنایا گیا ہے تاکہ دونوں  افواج کے مابین  مزید تعاون بڑھایا جا سکے ۔ اس کے علاوہ ، سینئر سرکاری اور عسکری حکام کی ملاقاتیں  ، کھیل کود کا اہتمام ، ثقافتی ربط و ضبط ،  بحری جہاز پر تعینات  عملے کا باہم تبادلہ اور بہترین طریقۂ ہائے کار کو ساجھا کرنے جیسے امور بھی اس سفر کے مقاصد میں شامل ہیں تاکہ دونوں بحریاؤں کے مابین تعلقات مستحکم ہو سکیں اور باہمی افہام و تفہم میں اضافہ ہو ۔

          بھارت اور مصر  دنیا کی  دو قدیم  ترین تہذیبیں ہیں  ۔  دیرینہ تعلقات کو بنیاد بناکر ، جو بھارت اور مصر کے مابین استوار رہے ہیں ،  دونوں ملکوں نے متعدد  شعبوں میں گرم جوشانہ تعلقات  استوار کر لئے ہیں ۔   متعدد تعاون پر مبنی اور ثقافتی تبادلے دونوں ممالک کے مابین عمل میں آتے رہے  ہیں ۔ مصر کا ارضیاتی محل و قوع  مصر کو ایک منفرد حیثیت فراہم کرتا ہے اور یہ  افریقہ ، ایشیا ، یوروپ   کے   چورستے پر واقع ہے ۔ مواصلات کی اہم لائنیں  بحر احمر سے ہوکر گزرتی ہیں اور نہر سویز کے ذریعے  بحیرۂ روم تک جاتی ہیں  ۔

 ترکش  کیپٹن ستیش واسو دیو  کی کمان میں  جدید ترین نوعیت کا عسکری جہاز ہے اور بھارتی بحریہ کے تحت  گوناگوں قسم کے اسلحہ جات سے آراستہ ہے ۔

 

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( م ن     ۔  ع ا  )      ( 28 – 06 – 2019 )

U. No.2692

 

(रिलीज़ आईडी: 1576291) आगंतुक पटल : 66