نئیدہلی14جون۔تین  جون 2019  کو بھارتی فضائیہ کا ایک طیارہ اے –این -32، جس میں  13 افراد (عملے کے 8  اور 5 مسافر ) سوار تھے۔  دوپہر بارہ بج کر 27  منٹ پر جورہاٹ آسام   کے ائیرفورس اسٹیشن سے میچوکا ایڈوانسڈ لینڈنگ گراؤنڈ  کے لئے روانہ ہوا ۔ اس طیارے کے ساتھ آخری رابطہ دوپہر  بار ہ بج کر 55  منٹ پرقائم ہوا۔ کیونکہ یہ طیارہ مقررہ جگہ پر نہیں پہنچا ،اس  لئے  ضروری کارروائی شروع کردی گئی ۔ بھارتی فضائیہ نے  فوج ، مختلف سرکاری اور سول ایجنسیوں کے ساتھ  مل کر تلاش کی زبردست کارروائی شروع کی ۔ یہ تلاش  مشرقی  ایئر کمان کے صدر دفتر کی براہ راست نگرانی میں شروع  کی گئی ۔ بھارتی فضائیہ کے سی                        130 جے  ،  اے این  -32   اور ایم آئی -17  ہیلی کاپٹروں نیز  فوج کے  اے ایل ایچ  ہیلی کاپٹروں  کی فوری طور پر خدمات  حاصل کی گئیں تاکہ  لاپتہ طیارے  کا پتہ لگایا جاسکے ۔ اس  تلاش  میں  بھارتی بحریہ کا،  پی -8 آئی   طیارہ  بھی  4جون کو شامل ہوگیا۔ تلاش کی سرگرمیوں کو بڑھانے کے لئے اسرو سمیت  مختلف  وسائل  سے کام  لیا گیا۔ اسرو کے  سی اے آر ٹی اوایس  اے ٹی  اور آر آئی  ایس اے ٹی  مصنوعی سیاروں  نے  علاقے کی تصویریں لیں  جنہوں  نے طیارے کی تلاش میں مدد کی۔ متعلقہ وسیع  علاقے میں   پیڑ پودوں  کی بہتات    ، خراب راستے اور  ناخوشگوار موسم نے   فضائی تلاش کے کام میں  بری طرح رکاوٹ ڈالی ۔ خراب موسم  اور دشوار علاقے کی وجہ سے درپیش چیلنجوں کے باوجود ہندوستانی فضائیہ نے  لاپتہ طیارے  اور اس  میں موجود افراد  کوتلاش کرنے کے لئے  پورے دن اور پوری رات  اپنی  فضائی اور زمینی کوششیں  جاری رکھیں ۔ بھارتی فوج  ،  بھارتی بحریہ  ، ریاستی حکومت  ،ریاستی پولیس  اور مقامی  لوگوں  نے تلاش کی کارروائیوں میں زبردست امداد فراہم کی ۔

          11  جون 2019  کو  لاپتہ طیارے کاملبہ   فضائیہ کے  ایم آئی -17  ہیلی  کاپٹر نے تلاش کیا۔  یہ ملبہ  اروناچل پردیش  میں    ٹاٹو  کے  شمال مشرق میں  لپّو سے  16  کلومیٹر شمال  میں تقریباََ  12000 فٹ کی بلندی پر دیکھا گیا ۔ فوراََ ہی فضائی کارروائیاں شروع  کردی گئیں لیکن   ڈھلان اور گھنے  جنگل کی وجہ سے ہیلی کاپٹر  حادثے  کی جگہ نہیں پہنچ  سکا ۔  حادثے کی جگہ سے دو کلومیٹر  کےفاصلے پر  امدادی ٹیموں کے ساتھ  ہیلی  کاپٹروں کے اترنے 

کے لئے ایک کیمپ قائم کیا گیا۔12  جون 2019  کو  فضائیہ کے  9  افراد کی ٹیم    (جس  میں کوہ  پیما  بھی شامل تھے )  ،  فو ج  کی خصوصی  فورس کے چار افراد اور دو مقامی  کوہ پیماؤں کو  مقرر ہ  جگہ پر اتارا گیا ۔

          13 جو  ن   2019  کو  امدادی ٹیم کے  8  افراد   زندہ بچ  جانے والوں کی تلاش  کے لئے  حادثے کی جگہ  پر پہنچے ۔  بدقسمتی سے  حادثے کا شکار ہونے والے  طیارے کا کوئی  بھی شخص  بچ  نہیں سکا ۔ فضائیہ  کے جوافسران  ،  جنہوں نے اس حادثے  میں  اپنی جان  گنوائی  ہو  ہیں :                    ونگ کمانڈر  جی ایم  چارلس  ،  اسکواڈرن لیڈر   ایچ ونود  ،فلائٹ لیفٹیننٹ   ایم کے گرگ  ، فلائٹ  لیفیننٹ  ایس  موہنتی  ،فلائٹ  لیفٹیننٹ   اے تنور  ،   فلائٹ  لیفٹیننٹ  آر تھاپا، وارنٹ آفیسر کے کے مشرا ،سرجنٹ انوپ کمار ، کارپورل    شیرن    ،سرکردہ  ائیر کرافٹ  مین  ایس  کےسنگھ  ،  دوسرے ائیر کرافٹ  مین  پنکج   ،  این سی  (ای)  پوٹالی  اور این  سی  (ای) راجیش   کمار  ۔

          بھارتی فضائیہ  اپنے اُن  افسران کو  خراج عقیدت  پیش  کرتی ہے جنہوں نے  فرائض کی انجام دہی میں اپنی جانوں کا نذرانہ  پیش  کیا۔  بھارتی فضائیہ  باقیات کو   باز یاب  کرانے کی  ہر ممکن کوشش کررہی ہے ۔ فضائیہ کے افسران  کی   باقیات کو  تیز  رفتاری  کے ساتھ  ان کے بیس   کیمپ  جورہاٹ 

 

تیز رفتاری کے ساتھ  بھیجنے کی کوشش کی جارہی ہے ۔طیارے کے حادثے  کی تحقیقات  کے سلسلے میں  ایک کورٹ آف انکوائری کا حکم دے دیا گیا ہے۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔ج ۔رم

U-2454

(रिलीज़ आईडी: 1574573) आगंतुक पटल : 70