کیمیکلز اور فرٹیلائزر کی وزارت
390 انسدادِ کینسر کی غیر فہرست بند ادویہ پر ایم آر پی میں 87 فی صد تک کی تخفیف
Posted On:
08 MAR 2019 5:18PM by PIB Delhi
نئی دہلی،08 مارچ / کیمیاوی اشیا اور کیمیاوی کھادوں کی وزارت کے تحت قومی ادویہ جاتی قیمت اتھارٹی ( این پی پی اے ) نے آج ایسی 390 انسدادِ کینسر کی غیر فہرست بند ادویہ کو کم از کم خوردہ قیمتوں کے سلسلے میں 87 فی صد تک کی تخفیف سے ہمکنار کر دیا ہے ۔ نظر ثانی شدہ قیمتیں 8 مارچ ، 2019 ء سے نافذ العمل ہوں گی ۔
27 فروری ، 2019 ء کو این پی پی اے نے 42 انسدادِ کینسر ادویہ کو 30 فی صد کے تجارتی استثنائی کے زمرے میں داخل کیا تھا ۔ مینوفیکچرر اور اسپتالوں کو ہدایت جاری کی گئی ہیں کہ وہ 8 مارچ ، 2019 ء سے نافذ العمل ہونے والی ایم آر پی کی اطلاع متعلقہ افراد کو فراہم کر دیں ، جس کا انحصار تجارتی استثنائی فارمولے پر ہے ۔ 390 برانڈس یعنی 426 برانڈوں میں سے 91 فی صد برانڈ ، جن کے بارے میں مینوفیکچرر نے اطلاع دی ہے ، اُن کی قیمتیں کم ہو گئی ہیں ۔
کینسر کے مریضوں کے لئے اُن کی استطاعت سے باہر کے اخراجات کی اوسط دیگر امراض پر عائد ہونے والے اخراجات کے بارے میں ڈھائی گنا زیادہ ہوتی ہے ۔ توقع ہے کہ اس قدم سے ملک کے 22 لاکھ کینسر مریضوں کو فائدہ ہو گا اور صارفین کو سالانہ بنیاد پر 800 کروڑ روپئے کی بچت حاصل ہو سکے گی ۔
42 انسدادِ کینسر کی ادویہ کے ٹریڈ مارجن کو معقول بنایا گیا تھا اور صنعت کے ذریعے از خود ضابطہ بندی کی مثال قائم کی گئی تھی ۔ 42 ادویہ بنانے والے مینوفیکچرر حضرات کو ہدایت دی گئی ہے کہ وہ ریگولیشن کے تحت آنے والی ادویہ کی پیداوار کی مقدار کم نہ کریں ۔
تخفیف کا دائرہ درج ذیل گو شوارے میں دیکھا جا سکتا ہے :
|
دائرہ
|
برانڈوں کی تعداد
|
|
75% & above
|
38
|
|
50% to <75%
|
124
|
|
25% to <50%
|
121
|
|
Below 25%
|
107
|
|
میزان
|
390
|
نظرِ ثانی شدہ ایم آر پی کے ساتھ برانڈوں کی مکمل فہرست nppaindia.nic.in. پر دستیاب ہے ۔ دیگر مینوفیکچرر حضرات کی جانب سے وصول ہونے والے اعداد و شمار سے ظاہر ہوتا ہے کہ مستقبل قریب میں مزید برانڈوں کی قیمتوں میں بھی تخفیف واقع ہو گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
U. No. 1511
(Release ID: 1568365)
Visitor Counter : 118