نئی دہلی،08 مارچ  / حکومت نے  آندھرا پردیش میں امراوتی اور مدھیہ پردیش کے  اندور میں  نیشنل کمپنی  لاء ٹرائبونل  ( این سی ایل ٹی  ) کی ایک ایک نئی بینچیں قائم کرنے کی تجویز کو  اپنی منظوری دے دی ہے ۔ یہ قدم  بڑھتے ہوئے مقدمات کے وزن ، خصوصاً دیوالیہ پن اور دیوالیہ قرار دیئے جانے سے متعلق ضوابط ، 2016 کے تحت بڑھتے ہوئے مقدمات کے پیش نظر اٹھایا گیا ہے ۔

          امراوتی میں قائم ہونے والی بینچ کا دائرۂ اختیار ریاستِ آندھرا پردیش میں ہو گا اور اندور بینچ  کا دائرۂ اختیار مدھیہ پردیش میں ہو گا ۔ فی الحال آندھرا پردیش حیدر آباد میں واقع این سی ایل ٹی بینچ کے تحت آتا ہے اور مدھیہ پردیش  ، احمد آباد میں قائم این سی ایل ٹی کے دائرۂ اختیار میں ہے ۔ توقع کی جاتی ہے کہ نئی بنچوں کے قیام سے مقدمات کا تیز رفتار فیصلہ ممکن ہو سکے گا ۔ 

          این سی ایل ٹی کمپنیز ایکٹ ، 2013 کے تحت تشکیل دی گئی ہے اور اس نے  کمپنیز ایکٹ ، 2013 سے متعلق تنازعات  سے نمٹنے کے لئے  مقررہ مدت کی قانونی  چارہ جوئی  کا میکنزم فراہم کیا ہے ۔  یہ بینچ دیوالیہ پن اور دیوالیہ قرار دیئے جانے سے متعلق ضوابط ، 2016 اور ایل ایل پی ایکٹ 2008 کے تحت آنے والے مقدمات کی سماعت بھی کرتی ہے ۔ ایکٹ کے تحت  اس بات کی گنجائش شامل ہے کہ  حکومت  ، جس قدر تعداد میں چاہے ، اتنی تعداد میں  ایک صدر اور اراکین کا تقرر کر سکتی ہے ۔  فی الحال 17 جوڈیشل اراکین اور 10 تکنیکی اراکین مصروفِ عمل ہیں ۔  فی الحال نئی دلّی کی پرنسپل بینچ سمیت اور اس کے علاوہ ، حال ہی میں جے پور ، کوچی اور کٹک  میں قائم کی گئیں تین  بینچوں سمیت این سی ایل ٹی کی 14 بنچیں قائم ہو چکی ہیں ۔

         

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

U. No. 1510

(ریلیز آئی ڈی: 1568362) وزیٹر کاؤنٹر : 132