અમદાવાદ, 09-05-2018

મહાનિદેશાલય, આકાશવાણી, નવી દિલ્હી દ્વારા આયોજીત આકાશવાણી સંગીત સ્પર્ધા – 2018 માટે આકાશવાણી અમદાવાદ પર પ્રાથમિક સ્પર્ધાનું આયોજન કરેલ છે. આ સ્પર્ધામાં ભાગ લેવા માટે ઉમેદવારની ઉંમર તા. 30મી જૂન, 2018ના રોજ 16 થી 24 વર્ષની વચ્ચે હોવી જોઈએ.

સંગીત સ્પર્ધા હિન્દુસ્તાની કે કર્ણાટક સંગીતમાં યોજાશે. જેમાં શાસ્ત્રીય કંઠ્ય, શાસ્ત્રીય વાદ્ય, ઉપશાસ્ત્રીય કંઠ્ય સંગીત માત્ર હિન્દુસ્તાની માટે જ, સુગમ કંઠ્ય, લોક સંગીતમાં લોકગીતો, ભજન અને લોકવાદ્ય સંગીત તથા વૃંદગાન, પાશ્ચાત્ય સંગીત (કંઠ્ય, વાદ્ય અને બેન્ડ)નો સમાવેશ થાય છે. પ્રાથમિક સ્પર્ધાના વિજેતાઓને નિર્ણાયક સ્પર્ધા માટે ધ્વનીમુદ્રિત કરવામાં આવશે અને વિજેતાઓને પુરસ્કૃત કરવામાં આવશે. આ માટેની પ્રાથમિક સંગીત સ્પર્ધાનું આયોજન તા. 9 જુલાઈ થી 27 જુલાઈ 2018 દરમિયાન કરવામાં આવશે. આ માટેનાં નિયત અરજી પત્ર આકાશવાણીના નજીકનાં કેન્દ્ર પરથી રજા સિવાયના દિવસોમાં કાર્યાલયના સમય દરમિયાન રૂબરૂ મેળવી શકાશે.

સ્પર્ધાની ફી પેટે અરજી પત્ર સાથે રૂ. 500/-નો ડિમાન્ડ ડ્રાફ્ટ પ્રસાર ભારતી, ઓલ ઈન્ડિયા રેડીયો, અમદાવાદના નામનો કરવાનો રહેશે. ઉમેદવાર આકાશવાણીનો માન્ય કલાકાર ન હોવો જોઈએ તથા અગાઉ આવી કોઈ સ્પર્ધામાં ઈનામનો વિજેતા ન હોવો જોઈએ.

આકાશવાણી સંગીત સ્પર્ધા – 2018 માટેનું અરજી પત્ર મેળવવાનું સરનામું :-

કેન્દ્ર નિયામક શ્રી, આકાશવાણી, નવરંગપુરા, અમદાવાદ-380 009.

અરજી પત્રો પહોંચાડવાની છેલ્લી તારીખ – 8 જૂન 2018ને શુક્રવાર રહેશે.

NP/J.Khunt/GP                                                                                                                                         

(Release ID: 1531723) Visitor Counter : 100