প্ৰধানমন্ত্ৰী শ্ৰী নৰেন্দ্ৰ মোদীয়ে কাইলৈ পুৱা বাৰাণসীত ফ্ৰান্সৰ ৰাষ্ট্ৰপতি ইমানুৱেল মেক্ৰ’ক আদৰণি জনাব৷ দুয়োগৰাকী নেতাই ইয়াৰ পাছতে মিৰ্জাপুৰ অভিমুখে ৰাওনা হ’ব, য’ত তেওঁলোকে এটি সৌৰ শক্তি প্ৰকল্প উদ্বোধন কৰিব৷

বাৰাণসীত তেওঁলোকে দীনদয়াল হস্তকলা সংকুল পৰিদৰ্শন কৰিব৷ নেতা দুগৰাকীয়ে শিল্পী আৰু কলা কুশলীসকলৰ সৈতে মতবিনিময় কৰিব আৰু তেওঁলোকৰ বিভিন্ন কলা প্ৰদৰ্শন উপভোগ কৰিব৷

প্ৰধানমন্ত্ৰী মোদী আৰু ৰাষ্ট্ৰপতি মেক্ৰ’ৱে ইয়াৰ পাছত বাৰাণসীৰ বিখ্যাত আছী ঘাটৰ পৰা গংগা নদীত নৌকা বিহাৰ কৰিব৷

প্ৰধানমন্ত্ৰী মোদীয়ে ফ্ৰান্সৰ ৰাষ্ট্ৰপতিগৰাকীৰ সন্মানাৰ্থে এক মধ্যাহ্নভোজৰো আয়োজন কৰিছে৷

সন্ধিয়া প্ৰধানমন্ত্ৰীয়ে বাৰাণসীৰ মাদুৱাদি ৰেলৱে’ ষ্টেচন আৰু পাটনাৰ মাজত চলিবলগীয়া এখন ৰেলৰ ফ্লেগ অ’ফ কৰিব৷ তেওঁ বিভিন্ন উন্নয়নমূলক প্ৰকল্প মুকলি কৰিব আৰু বাৰাণসীৰ ডিএলডব্লিউ গ্ৰাউণ্ডত এখন ৰাজহুৱা সভা সম্বোধন কৰিব৷

                                                                          ****

AKT/HS/MS