2012-14 ତୁଳନାରେ 2015-17 ରେ ବିଗତ ତିନି ବର୍ଷରେ ବାମପନ୍ଥୀ ଉଗ୍ରବାଦୀ କ୍ୟାଡରଙ୍କ ମୃତ୍ୟୁ 88.6%  ବୃଦ୍ଧି ପାଇଥିବା ବେଳେ ଆତ୍ମସମର୍ପଣ 92.2% ବୃଦ୍ଧି ପାଇଛି ।

2017ରେ ଦେଶର ସର୍ବାଧିକ ମାଓବାଦୀ ପ୍ରଭାବିତ 35ଟି ଜିଲ୍ଲାରେ 88.5% ହିଂସା(ମୋଟ 908 ରୁ 804) ଘଟିଛି । 2017ରେ ଦେଶର 20ଟି ଜିଲ୍ଲାରେ 80% ମାଓବାଦୀ ହିଂସା ଘଟିଛି । 2017ରେ କେବଳ 58ଟି ଜିଲ୍ଲାରେ ମାଓବାଦୀ ହିଂସା ହୋଇଥିବା ଖବର ମିଳିଛି ।

ପ୍ରଶିକ୍ଷଣ ବ୍ୟତୀତ ମାଓବାଦୀ ବିରୋଧୀ ଅଭିଯାନରେ ସେନା ବ୍ୟବହାରର କୌଣସି ଯୋଜନା ନାହିଁ । ମାଓବାଦୀ ପ୍ରଭାବିତ ଜିଲ୍ଲାରେ ହେଲିକପ୍ଟରଗୁଡ଼ିକୁ କେବଳ ପରିବହନ କାର୍ଯ୍ୟରେ ବ୍ୟବହାର କରାଯାଉଛି ।

ବାମପନ୍ଥୀ ଉଗ୍ରବାଦୀଙ୍କ ମୁକାବିଲା ନିମନ୍ତେ ସରକାର ବହୁମୁଖୀ ରଣକୌଶଳ କରିଛନ୍ତି । ଏଥିରେ ଅଛି ନିରାପତ୍ତାଜନିତ ପଦକ୍ଷେପ, ବିକାଶମୂଳକ ଯୋଜନା ଏବଂ ସ୍ଥାନୀୟ ଲୋକମାନଙ୍କୁ ସେମାନଙ୍କ ଅଧିକାର ଦେବା ଇତ୍ୟାଦି । ଏହାଦ୍ୱାରା ମାଓବାଦୀ ପ୍ରଭାବିତ ଅଞ୍ଚଳର ବିକାଶ ହୋଇପାରିଛି ଏବଂ ହିଂସା ମଧ୍ୟ ହ୍ରାସ ପାଇଛି । ଏଥିସହ ସେମାନଙ୍କ ଅଧିକାରରେ ଥିବା ଅଞ୍ଚଳର ପରିସୀମା ମଧ୍ୟ ସଂକୁଚିତ ହେବାରେ ଲାଗିଛି ।

ଅନ୍ୟାନ୍ୟ ପଦକ୍ଷେପ ମଧ୍ୟରେ ବିକାଶକୁ ତ୍ୱରାନ୍ୱିତ କରିବା ଏବଂ ଜଙ୍ଗଲ ଅନୁମତି ପ୍ରକ୍ରିୟାରେ ସରଳୀକରଣ କରାଯାଇଛି । କୌଣସି ପ୍ରକଳ୍ପରେ ବାଧା ଉପୁଜିଲେ ତାହା ଦୂର କରିବାକୁ ନିୟମିତ ସ୍ୱରାଷ୍ଟ୍ର ମନ୍ତ୍ରୀ, କ୍ୟାବିନେଟ ସଚିବ, ଗୃହ ସଚିବ, ବିଭାଗୀୟ ମନ୍ତ୍ରୀ ଏବଂ ରାଜ୍ୟ ସରକାରମାନଙ୍କ ମଧ୍ୟରେ ସମନ୍ୱୟ ବୈଠକ ବସୁଛି । ଏହାଦ୍ୱାରା ବିକାଶ ଯୋଜନାରେ ଅଗ୍ରଗତି ହୋଇପାରିଛି ।

ଲୋକସଭାରେ ମଙ୍ଗଳବାର ପ୍ରଶ୍ନର ଲିଖିତ ଉତ୍ତରରେ କେନ୍ଦ୍ର ସ୍ୱରାଷ୍ଟ୍ର ରାଷ୍ଟ୍ର ମନ୍ତ୍ରୀ ହଂସରାଜ ଗଙ୍ଗାରାମ ଆହିର ଏହି ସୂଚନା ଦେଇଛନ୍ତି ।

 

*****************

 

(रिलीज़ आईडी: 1525711) आगंतुक पटल : 37