প্ৰধানমন্ত্ৰী শ্ৰী নৰেন্দ্ৰ মোদী আৰু ইজৰাইলৰ প্ৰধানমন্ত্ৰী নেতান্যাহুৱে আজি গুজৰাটৰ সবৰকান্তা জিলাৰ বাদ্ৰাডৰ এটা অত্যাধূনিক শাক-পাচলি বিক্ৰী কেন্দ্ৰ পৰিদৰ্শন কৰে।

তেওঁলোকক সেই কেন্দ্ৰটোৰ বিভিন্ন সফলতাৰ সন্দৰ্ভত চমুকৈ অৱগত কৰা হয়। তেওঁলোকে লগতে ভিডিঅ’ কনফাৰেন্সযোগে কচ্চ জিলাৰ কুকামাত খেজুৰৰ অত্যাধূনিক বিক্ৰী কেন্দ্ৰ এটাও উদ্বোধন কৰে। তেওঁলোকে কচ্চ জিলাৰ একাংশ কৃষকৰ সৈতেও মত-বিনিময় কৰে।

এই উপলক্ষে প্ৰধানমন্ত্ৰী মোদীয়ে কয় যে কৃষিখণ্ডক মুল হিচাপে লৈ কেনেকৈ এখন দেশে পৰিৱৰ্তন সাধন কৰিব পাৰে, তাক ইজৰাইলে প্ৰমাণ কৰি দেখুৱাইছে। তেওঁ কয় যে কৃষিখণ্ডত প্ৰযুক্তিৰ ব্যৱহাৰ কৰাটো অতি গুৰুত্বপূৰ্ণ। তেওঁ ২০২২ চনৰ ভিতৰত ভাৰতৰ কৃষকসকলৰ উপাৰ্জন দুগুন কৰা ক্ষেত্ৰত কেনেকৈ কাম কৰি আছে, সেই সন্দৰ্ভতো আলোকপাত কৰে। তেওঁ এই ক্ষেত্ৰত জলসিঞ্চন আৰু কৃষি কাৰ্যৰ অভিনৱ পদ্ধতিৰ প্ৰতি অধিক মনযোগ দিয়াটো গুৰুত্বপূৰ্ণ বুলি কয়।

*****

AKT/SH/BM/DB

(रिलीज़ आईडी: 1516666) आगंतुक पटल : 128