প্রধানমন্ত্রী শ্রী নরেন্দ্র মোদীনা এপ্রিল ২, ২০১৭তা ভারতকী খ্বাইদগী শাংবা তনেল – কিলোমিতর ৯ শাংবা ‘ চেনানী – নশরী তনেল ’ জাতিদা কৎথোক্কনি ।

এনঐচ – ৪৪দা শাবা তনেল অসি জম্মুগা শ্রীনগরগা শম্নহল্লি অমসুং মসিনা শহর অনি অসিগী মরক্তা চৎথোক চৎসিন তৌবা মতমদা পুং অনি তেনশিলহল্লগনি । মসি উন কুপ্পা চিংদোলশিং বাইপাস তৌই মসিদগী শহর অনিগী মরক্তা লাপ্নবা কিলোমিতর ৩১ হন্থহল্লি । মসিদগী নুংতিগী লুপা লাখ ২৭কী ওইবা থাউ কনবা ঙম্লগনি ।

উমং অমসুং উপান-ৱাপান মশিং য়াম্না য়ানথৎপদগী কনবদা নত্তনা তনেল অসিনা জম্মু অমসুং উধমপুরদগী রামবন, বনিহাল অমসুং শ্রীনগর চৎপা মীওইশিংদা ঙাকশেল অমসুং হৱা-নুংশিৎকী ফিভম পুম্নমক্তা চৎপা য়াবা লম্বী ফংহনগনি ।

তনেল অসি মালেমগী থাক্তা ঙাকশেলগী থৌরাংগা লোইননা শেম শারি মসিনা জম্মু-কশ্মীর রাজ্যদা তুরিজম অমসুং শেনমিৎলোন্দা হেনগৎলকপগী থাজবা লৈ ।  
 

তনেল অসিগী মরু ওইবা শক্তমশিং মখাদা পীরিঃ

• মসি সিঙ্গল-ত্যুব ওইবা বাই-দাইরেক্সনেল তনেলনি মসিদা মিতর ৯.৩৫ মিতরগী কেরিজৱে অমসুং মিতর ৫গী ভর্তিকেল ক্লিয়ারেন্স ওই ।

 

• মসি মিতর ৩০০গী অরাপ্পদা তনেল মকোক অদুগা শম্নবা ‘ক্রোস পাসেজ’গা লোইননা পেরেল্লেল ওইবা স্কেপ তনেলসু লৈ ।

 

• মসিদা ইন্তিগ্রেতেদ ত্রাফিক কন্ত্রোল সিস্তেম, সর্ভিলেন্স, ভেন্তিলেসন অমসুং ব্রোদকাস্ত সিস্তেম, অমসুং মিতর ১৫০গী অরাপ্পা খুদিংগী এসওএস কোল-বোক্সশিংগী সমার্ত ফিচরশিংসু লৈরি ।
   

প্রোজেক্ত অসি লুপা কোতি ২,৫০০গী শেনফম্না পাইখৎপনি ।
 

(Release ID: 1486380) Visitor Counter : 11